كبــــــــــــــــــوة حـصــــــــــــــان

[الخنساء]

صح لسانك اخي الشاعر سعود
لاهان راسك رااائعة
سلمت وسلم شعرك
دمت يخير

[بنت القصيد]

واهل الردا لو تبدي الطيب وتـزوم
منضـوح هرجتهـا يبيّـن خفاهـا
وعسايفي شفرات برمـوز ورقـوم
يشـرح سبـب تدوينهـا محتواهـا
اسم غفـال ولا اتعـرض لماسـوم
نوايـدٍ مـن سمعهـا مـا نساهـا
تاتي قوّد والصعب يعسف وملجـوم
شرد المعاني فـي يديـه عصاهـا


الله عليك وبيض وجهك يالقرم
جزله من راس جزل
عز الله جبت المعاني السمينه

تحياتي
اختك بنت القصيد .........

المشاركة الأصلية كتبت بواسطة سعود القت

يامدعين المعرفه كفو اللوم = التايعه من ماني مدور قضاها
لو افردة رمانة لسان مسموم = الشك زايل واللهاه بجماها
ما نشتحن من شره ما يتقن العوم = يرفد ونفسه عايله ماقداها
نحشم لحانا عن ردا الغير ونشوم = واهل العوُج تشتالها في لحاها
سلمٍ لنا نحييه قومٍ بعد قوم = ما نتبع العالم بسكة رداها
لن جا العيا من مرتوي طيب شغموم = صميدع دروب الشكاله مشاها
قلنا فداه وكبوة حصان ويقوم = ولافاق منها يشتقي في دواها
محدٍ من الزلات محمي ومعصوم = والطيّب ليا جات زله رفاها
وان جا العيا من قاصر شبور وعزوم = طوّح بكلمه مادرا وشمداها
نعرض عنه لو كان ما يطلع الدوم = نكبح جماح النفس عن مشتهاها
حيث ان ما بمزاود الهرج مغنوم = ولا تنقص من الجم دلوٍ ملاها
نصبر ويبدا سومنا لعتلى السوم = والذارفه بارت بيد من شراها
ندمح خطا الجاهل على شان محشوم = ومن يذخر الجزلات يلقى جزاها
ولا يستشك الا رديٍ ومذموم = ادناة ملحق نفسه لمنتهاها
للطيب فالطيّب علامات ووسوم = يعرف بها حتى ولو ما تباها
واهل الردا لو تبدي الطيب وتزوم = منضوح هرجتها يبيّن خفاها
وعسايفي شفرات برموز ورقوم = يشرح سبب تدوينها محتواها
اسم غفال ولا اتعرض لماسوم = نوايدٍ من سمعها ما نساها
تاتي قوّد والصعب يعسف وملجوم = شرد المعاني في يديه عصاها

مشكووور اخى سعود على هذا الابداع
قصيدة عن جد روعة وقوية وجزلة
تسلم اخى
ودمت بخير
تحياتى الطيبة لك

[سعود القت]

ابو عيسى
صح بدنك ولاهنت
مع خالص التحايا

[الطائر المهاجر]

للطيب فالطيّـب علامـات ووسـوم
يعرف بها حتـى ولـو مـا تباهـا

صح لسانك وبيض الله وجهك
جزلة من راس جزل وعقل كبير
لاهان راسك
تحياتي الطيبة

[الصريح العتيبي]

الشاعر/سعود القت

ابدعت بهذه الرائعه

استوقفتني الفاضها الجزله ومعناها كثيراّ وكررت قراتها

صح لسانك وسلم فكرك ودمت مبدعاّ

تقبل مروري واحترامي

الغالى

صح السانك

عقاب النهار