وش قولك اليوم مالا تحصي لعدّه .. لغز شعري

[نسناس الهوى]

هلا والله وسهلا

وش عقبه ابوفيصل .. ومنورين الموضوع ، وبإنتظار لغز الذيب فلاح

[ثار التميميه]

المشاركة الأصلية كتبت بواسطة نسناس الهوى

وش قولك اليوم مالا تحصي لعـدّه = تمشي مسافات ماتمشيـه بالساعـه

-----
مثل ماتعرفين السيارات هالحين ماتقوين تعدينهن .. وتمشي بالثانيه ماتمشيه بالساعه : )
-----

في منّها خمله وفـي منّهـا شـدّه = توفيه ماتطري وبالأمـر منصاعـه

-----
فيه منها الـ(قرنبع) وفيه منها الـ(ذربه) .. وتطيع اوامر سائقها ، لاقالها امشي قدام تمشي قدام ولا قال ورا تسبقه ورا : )
----

ضاع الشرف فيها وقد فات له حدّه = يمشون بالشارع ولا خوف مرتاعه

-----
والسيارات وانتي خابره تمشي بالشاعر ولا تخاف من احد .. ماعاد لها شرف ياكافي : )
-----

ووارد بنيّ ياجوج تنفع لـك لكـدّه = ووارد وجيه الحمرّ للشيخ وارباعه

----
بني ياجوج .. فيه روايات تقول ان الصينيين واليابانيين وشرق اسيا بالعموم هم اصل يأجوج ومأجوج
واخذتها شاهد بـ وارد الياباني ، اللي تنفع للكدّه .. ووجيه الحمرّ ( الألماني ) للشيخ والتجار وربعهم : )

----

لاهي تجيب عيال ولاهي تجي نـدّه = تبلع حريق اليوم وتفيـض ولاعـه

----
ماظني يبي له شرح لهالبيت .. الا ان السياره تبلع حريق اللي هو البنزين والولاعه هنا المقصد منها الأحتراق اللي يحصل داخلها
----

وش قولك اليوم مالا تحصي لعـدّه = بنت(ن) تسوق الناس والناس سكّاعه

----
تأكيد للبيت الأول : ) .. والسيارة تسوق الناس للي يبونه

واعتقد اتضحت الأبيات كذا .. واتضح الحل

واشكر الذيب اللي حلّه : )

يعطيك العافيه عالتوضيح

وصح يمكن لو مركزه شوي دريت انها السياره

[المتابع]

الف شكر
على ماجاد به قلمك
تحياتي الطيبه

[هذال]

شكراً
على ما اتحفتنا به
تحياتي

[عبير الورد]

الف شكر
على ماجاد به قلمك
تحياتي الطيبه

[عبير الورد]

خالص الشكر والتقدير
على كل جهودك الرائعه
تقبل اطيب التحيه