أشوف لي ناس(ن) تزاعل على ماش!!

[عبدالرحمن الصباح]

درر وربي صح السانك وعلا شانك جزله من راس جزل

[الخنساء]

أحدن لنا من جرح الايام ... كالشاش
وأحدن ضماد جروحنا . . . لا نبشهـا
*
*
وأحدن لياطحنا .. عيونه لنا افـراش
وأحدن على الطيحـه..وروده فرشهـا
*
*
أحدن يشيل من الكتب مثل الادبـاش!
وأحدن قراها يوم وصلت . . دبشهـا
*
صح لسانك اخي الشاعر متعب

لاهان راسك قصيدة رائعة

سلمت وسلم شعرك

دمت بخير

[سعود النداح]

الله الله

صح لسانك يا الذيب

جزله من راس فحل

تقبل مروري واعجابي

تحياتي

صح لسانك ياالغالى
والله لا يهينك على هالقصيدة الطيبة
تحياتي وتقديري

[ابومياس]

متعب المتعب

نزف فريد وقافية جميلة

صح لسانك ودام حرفك

ودمت بخير وعافية

[ماجد المهدي]

متعب المتعب

قد رديت عليها ومن اعجابي بها قلت:

صح لسانك يا الشاعر ومساك شعر معطر بالورد

الابداع هو الابداع

لم يتغير ومختصيه هم مختصيه لم يتغيروا

متعب القلب

!
!
!

اهلين بحروف(ن) لها القلب ينعاش=واهلين باللي بالوفى هو نعشها
الصاحب اللي لا كتب دوم نقّاش=محد(ن) يجاري متعب(ن) لا نقشها
واللي زعل ببلاش نرميه بطناش=هذا الزمن ياقرم مكثر طنشها
حبيت أنا قاف(ن) لمتعب ترى فاش=ولي روح(ن) لا غاب ظلك وحشها

[منيع]

ابداع
تصوير
معاني
الشاعر متعب
بارك الله فيك
تحياتي

صح لسانك اخي الشاعر المبدع

لاهان راسك قصيدة رائعة

سلمت وسلم بدنك يالغالى

دمت بخير

[الطيف المسافر]

وانـا تـرى قافـي تبـدا علـى آش
وانهيت قافي ياعشيري علـى اشهـا

اي والله ونشهد

لكن على الله ينكشـف كـل غشـاش
ودك تبـادره الحكـي عـن طنشهـا

وين انا منك يارجل ؟؟
وهذا يحسب تقصير مني

ليس لي ادنى مجامله في هذه القصيده سيدي
قصيده اصيله من راس اصيل

لاتكفي الكلمات لشرحها
ولي عوده لأتضلل تحت هذه الحكيمه الورفه التي سالت كالماء الكرع
من هجوس منهل مبدعها العذب

و

ازف لـك عطـر التحيـات بغـراش
تفوح مـن سامـي غلاكـم اغرشهـا


دمت على العطاء متعب

[ماجد الزيد]

المشاركة الأصلية كتبت بواسطة متعب المتعب

أشوف لي ناس(ن) تزاعل على مـاش=واشوف شيبان(ن) اترفّـع اخششهـا
أحدن لنا من جرح الايام ... كالشاش=وأحدن ضماد جروحنا . . . لا نبشهـا
وأحدن لياطحنا .. عيونه لنا افـراش=وأحدن على الطيحـه..وروده فرشهـا
أحدن يشيل من الكتب مثل الادبـاش!=وأحدن قراها يوم وصلت . . دبشهـا
ناس(ن) على نيّ اللحـم دوم تعتـاش=وصادق يمينه عن يساره .. كرشهـا
صار الهزيل بوقتنا .. حيـل مهتـاش=واول مثل تبع الدبش مع جحشهـا !!
وين انت ياللي بلسمك باوسط الجاش=تبري جروحـي بـس بيديـك نشهـا
شفني مدينه حلمها . . حي ماعـاش=أزرت تبوح وسامحـت مـن خدشهـا
شفني وطن موحش تولته الاوحـاش=بلاط حكمي هالحـزن . . معترشهـا
شفت الطيور الهاجعه وسط الاعشاش=عش(ن) بنته لعيشها . . . ولنعشهـا
اللي زعل من ماش ينباع ببلاش=خله وتسلم نفسكـم مـن دوشهـا
وكم واحدن وان كان حمّل بمطراش=يحمل امورٍ والبلى فـي ادغشهـا
وين انت ياللي كنك القطر رشراش=تروي عمى عين الهموم وغبشها
مهما الغلا بصدورنا يالغلا حاش=أغلا من حروف القصيد وبكشها
ازف لك عطر التحيات بغراش=تفوح من سامي غلاكم اغرشها
وانا ترى قافي تبدا على آش=وانهيت قافي ياعشيري على اشها
وانا لجزلات التماثيـل غبـاش=قبل غـدو الطيـر قلبـي نتشهـا
حرفن كتبني يوم سالت بالاجهاش=وازريت ابين له سبب ماجهشها
لكن على الله ينكشف كل غشاش=ودك تبادره الحكي عن طنشها
ياصاحبي والفكر بالحيل منداش=ورجل المسير معقله من دبشها
ماني شفوق لشوفة الخبل واللآش=لكن على ماقيل ندرى بلشها
هو يحسبن نفسه علينا ولد باش=لكن عمى عينه بكفه طمشها
كبير لكن لابخنته طلع لاش=متشكلن ماله على العز مشهى
واللي يبيع من الكرامه فلاعاش=جعله لصكات الدهر يبتلشها
نقشت (ميمي) وسط (تائي) بمنقـاش=واسقيت [عين(ن)] كان (بائي) عطشها

\
\


أعذب تحيـــــــــــــــــــــــــــ ـــه..


\
\

اخي الفاضل متعب صح الله لسانك مليون ولايكفون
ماشاء الله عليك تبارك الله الله لايضرك
وربي يامتعب انا مامن تعبير بالخط
ولا اجيد التعبير الا شعر
لكن والله لك لمسه خاصة بقصيدك
عندك بصمة تميزك الله يرفع قدرك
تقبل مروري
اخوك ماجد