تنهمت بنفاس بها الياس مجتاح

[أصالة تميم]

صح لسانك قصيدة رائعه

المشاركة الأصلية كتبت بواسطة عمرالعبدالله

هذي ابيات من الارشيف امل ان تحظى ببعض اهتمامكم والله يرعاكم
--------

تنهمت بنفاس بها الياس مجتاح=من مهجة حرى بها الهم عاثي
والبال مذهول على قاع صحصاح=ساعة وطيته طحت ملتاع جاثي
اناظر البيدا بحسرات وصياح=غدت خلا من عقب ذيك الاثاثي
ولاعاد فيها غير وهم للاشباح=ورسوم لطلال بها الريح حاثي
تلفت بها من داخل الصدر ثم جاح=قلب على ماشاف مضنا وراثي
والعين هلت صافي الدمع سفاح=ادمى محاجرها ولابه اكتراثي
ياعين مايرجع عزيز لنا راح=دمعك حذاري زاد فيني اغتثاثي
يكفي تجرعت المراره ولاصاح=واساك يالعين الشقيه وغاثي
ياعين لو ان البكا فاد من ناح=بكيت والمفجوع د معه مراثي
لاكن غزير الدمع لوسال لوساح=مايرجع اللي صار مسكنه الاجداثي
ياعين يكفيني ترى الدمع فضاح=اخاف يشمت بي من الناس ملتاثي
والامر للله فالج الليل بصباح=يجبر عزا نفس بها الغم جثاثي

------------

فصمت في حرم الجمال مهابة= والصمت في حرم الجمال جمال

ولاتعليق

[صعبة المنال]

عمر العبدالله

انا اقف امام هذا الشعر وما يحمل عاجزة حتى ان اعلق

ابداع

تحياتى

صعبة

[يزيد النمي]

والامر للله فالـج الليـل بصبـاح
يجبر عزا نفس بها الغـم جثاثـي


سبحااااااااااااانه وهو القادر على كل شيء

صح لسانك ياعمر العبد الله ويسلم بنانك

[منيع]

الاخ الشاعر/ محمد العيباني
تواجدك وتعليقك
محل تقديري واعتزازي
تحياتي وتقديري

[منيع]

الاخ الكريم/ المشرف العام
حياك الله
من دواعي سروري واعتزازي تواجدكم
ربي يرعاك ويحفظك
تحياتي وتقديري

[فارس القوافي]

عمر العبد الله


صبحك الله بالخير

صح لسانك ولاهنت



يعطيك العافية


دمت بخير

[منيع]

الغالي/ ابوزياد
حياك الله
زين شفتك
شكرا للمرور

[منيع]

اختي الكريمه/ الخنساء
يشرفني تواجدك
حفظك الله ورعاك

[منيع]

الاخ الشاعر/ ابومياس
ياهلا وغلا
حياك الله
يسعدني حضورك