الميدان ياحميدان

[متعب المتعب]

يالمهاجر تدري النفس محتاله=لاتعشمها ويصبح سيفك الجاني
كم واحد غرته شوفته حاله=واكتشف إنه عن الخط عمياني

[الطائر المهاجر]

الذيابه تلاشت ما بها جداله = ولابقى غير من بالمكر فناني
في زمانٍ تعلى البوم بجباله = والشياهين تشكي حر الازماني

[الطامي]

المشاركة الأصلية كتبت بواسطة الطائر المهاجر

ليلة الجمعه وكلٍ رايقٍ باله = والقمر طالع وانا بالبر وحداني
فوق طعس بين قافه وفنجاله= والهوى نسناس حرك بعض وجداني

ارحب ايها الطائر
بشارك برد واح فقط اذا سمحتوا جميعا

وش علامك يوم انك جالس وداله = منبسط مرتاح والليل مداني
قمت تلعب على الطاروق واهواله=وفق ذا تجعل الطاروق ميداني

[الطيف المسافر]

المشاركة الأصلية كتبت بواسطة الطائر المهاجر

جدك الهندي فتح يوم بقاله = وجدي عراقي لفى عبر الازماني
يعرب اللي بالمشي ضيع ظلاله = لين صار اليوم خدام امركاني

يالمهاجر والله حالتك حاله =ضعت مابين يعرب وقحطاني
لانت من عدنان ولانته فاله=انت مستعرب على العدناني

[الطائر المهاجر]

اعترف بالحق فالرجال باقواله = ما اهاب إلا اللذي سيد الاكواني
من خلق كل البشر عالم افعاله = والأصل واحد لعرب وعجماني