سعود الحافي أقرب!!!

[داعي الشوق]

انا سريت بساعتي شفني ورا ذيك الشعاب = وقتي يطيب و راحتي حول الغدير وجالها
القلب ما يجزع ولو رجلي وطت عقرب وداب = و السامريه شلتها و جريت انا موالها

[احمد حامد الزايدي]

احمد حامد الزايدي

يامرحبا من خاطر ٍ مثل الفضا كله رحاب=بالشاعر اللي نار تقديره تفـوح دلالهـا
الليله المعنى يبا يرقى على متن السحاب=بعد التقا في الملعبه عم الهنوف وخالها

سعود الحافي

أهلا هلا يا مرحبا باللي من الجزلات جاب = شاعر كبير وعارفٍ مخراجها ومدخالها
الملعبه من مقدمك غـنـّت و ردت بالجواب = قالت عريسي واحدٍ و الزايدي هو فالها

احمد حامد الزايدي

دام البقا ياسعود وأنته عارف سر الخطاب=والله مـاغـيـره كـبير (ا)بدقها واجــلالها
والملعبه بنت (ن)جميله ماخطبها اللي يهاب=وأنا خطبت البنت وهي وافقت من حالها

سعود الحافي

تستاهلك وأنته لها ولآ تريد الا شباب = شاعر وفارس ماهرٍ والخيل من خيالها
والليل عاده باوله والقاف يطرق كل باب = أخاف لا تسري بها والآ معك تشتالها

احمد حامد الزايدي

ياسعود أنا من فضل ربي حاسب الكل شيء حساب=والكلمه اليا قلتها ماعاد أقول أبدالها
واللـيل عـاده باولـه صـقـر (ن)تعـلا لـه عـقـاب=والحمله اللي جايره تثر على حمالها

سعود الحافي

منك أستفيد برحلتى دام الشعر والجو طاب =ياللي لكم باع طويل بعرضها و اطوالها
الله يساعدني على المسرا ولو قمرها غاب = و انا حريص و خطوتي احسب لها باميالها

احمد حامد الزايدي

اللي يبا الياقوت والمرجان مايخشى الصعاب=هذي جواهر نادره كل البشر يسعولها
حث القدم دامك سريت ولا تهاب من الذياب=والشاذليه من شربها مايفوت دولها

سعود الحافي

انا سريت بساعتي شفني ورا ذيك الشعاب = وقتي يطيب و راحتي حول الغدير وجالها
القلب ما يجزع ولو رجلي وطت عقرب وداب = و السامريه شلتها و جريت انا موالها

[الفريدي]

صحت ألسنكم وبيض الله وجيهكم

فاتت على متابعة القاف الجزل من شعراء كبار

تقديري لكم

[داعي الشوق]

إستفدنا منك الكثير يا بو حامد

يعطيك العافية

ولاهنت على الاخراج و التنسيق الجميل


تحيتي لك

و حياك الله أخ فهد

مرورك شرف الله يسلمك

مع التحية لك

،،،،،،،،،،،،،