الوجد له ذيب ٍ الى من نطّ في المرقب لعين

[مبروك بن ماضي]

الاخ الفاضل الشاعر / ماجد حمد الزيد

صح الله لسانك وقلبك أخي العزيز

مبدع وممتع كما عهدتك دائماً

دمت بهذا الألق

إحترامي وتقديري

[منصور العبدالله]

و آفـل للذكـرى شريـط بْدايتـه , تتذكَّـريـن؟
وآنقل لها المشهد رغم أنف الحقيقـة والسّـراب
وتطيح دمعة من رجل تنبـت مـع الأيـام تيـن
تثمر مابيـن الشّاهديـن وتشبـع افـواه العتـاب
ان قلت نمشي تزعل عيوني وصاح القلب ويييييين
بدري لعـن جـدّ الفـراق وتوّنـا مالليـل طـاب
اليـا طلبتـه نرتحـل خـم ّ النّصايـب باليديـن
واليا فتحت لمشيتي بـاب ٍ فتـح مليـون بـاب



ابدعت ابدعت كعادتك

رسمت الالم والحسر بريشه فنان

ماجد لله درك

تجبرنا نصوصك على الانبهار

وتهيضنا حروفك واهاتك بها

صح لسانك

[عبدالعزيز العمار]

الشاعر ماجد الزيد /

صح الله لسانك وجاد بيانك ..

كتبت فأبدعت وأمتعت ...

لاهان راسك يالجزل ...

تحياتي لك ...

[طلال سويعد]

انا هنا اقف امام الشعر

صح لسانك واعتلا شانك

لك احترامي وتقديري

[عبدالله الشويمان]

جزل بمعنى الكلمه يا اخ ماجد

صح السانك يا القرم

ولا هنت

[ياسر عبدالرحمن الخالدي]

المشاركة الأصلية كتبت بواسطة ماجد حمد الزيد

السّلامُ عليكم ورحمة اللهِ وبركاته
هذهِ الأبيات بلسان ِ حالِ صديق عزيز عليّ
وليست من واقعِ تجْرُبة
وأرجوا أن أكون وُفّقت بالتّعبير عمّا في خاطرهِ

صاح الغرام اللي ليامن صاح يعوي بالكنين=قلب ٍ من غبار السنين اشتبّ راسه واستشاب
في وادي ٍ بين الضّلوع اسمع له صياح (ا)وّنين=على الهنوف اللي لها عامين من تحت التّراب
الوجد له ذيب ٍ الى من نطّ في المرقب لعين=ياكيف والمرقاب قلب ٍ فيه ناب وزمّ ناب
عامين يجضّور ويضرس في خفوق ٍ ما يلين=يغذي على الذكرى ويشرب من مواردها شراب
اليا نزلت بديرة ٍ لي في منازلها دفين=يرقى عواليها ويشرف كلِّ ليل ٍ باقتناب
الذيب يقنب من حزن لامن تحدْته السنين=وعواه احر من اللهب وآآحد من شلفا ذياب
واليوم ابقنب من فراق الريم بنت الخالدين=جبرية ٍ منسل قروم ٍ من مهاب ٍ عن مهاب
وجدي عليها لاخذاني الليل يم السّابقين=واللاحقين هجوع والظّلمى اشدّ مْن الغراب
انزل على ديار ٍ خرايب وابسط فراشي حنين=اتلحّف الماضي واشبّ النّار بكفوف الضباب
آشمّ ريح الموت شمّ يرد روحي للوتين=تنزل على قلبي كما ينزل على الصّبر الثّواب
في حدّ قبر ٍ عن يساره قبر ٍ وقبر ٍ يمين=كنّي غريب ٍ عوّد لْداره بعد طول الغياب
و آفل للذكرى شريط بْدايته , تتذكَّرين؟=وآنقل لها المشهد رغم أنف الحقيقة والسّراب
وتطيح دمعة من رجل تنبت مع الأيام تين=تثمر مابين الشّاهدين وتشبع افواه العتاب
ان قلت نمشي تزعل عيوني وصاح القلب ويييييين=بدري لعن جدّ الفراق وتوّنا مالليل طاب
اليا طلبته نرتحل خم ّ النّصايب باليدين=واليا فتحت لمشيتي باب ٍ فتح مليون باب
الله معك كانك نويت تسير حنّا جالسين=ارجع اذا تقوى الفراق ارجع ولا لنا مئاب
ياكيف نمشي والهنوف (ا)وحيّدة والليل شين=والأرض قفر ٍ غير صرّن للرياح وفحّ داب
وجدي على قلب ٍ من فْراق المها جرّ الونين=يوم انّ جره صاحبه جر الهبايب للسّحاب
وجد الذي من بين همّ وبين غمّ وبين بين=متحاوطاته ون طلع خدّن لقى دونه هضاب
ياهي عسيرة ون سلم من جيش ٍ يْطبّ بكمين=ون راغ عن سهم ٍ وقع بين الأسنّة والحراب
ف اليمّ ملقيه الدّهر وايّاه يبتل الحزين=يالوقت وش جرّاك تلهد واحدٍ ما قيل هاب
ياوقت بادرني بضحكّه سن لوهي ساعتين=وابشر برجال ٍ يفل حجاجه بعظم المصاب
حزّة كئابة بحتها بالقاف ثمّ اغمضت عين=يوم القلم فكّ الطلاسم وانكشف علم الكتاب

وعليكم السلام ورحمة الله وبركاته


صح لسانك وصح لسانك وصح لسانك يالقرابة مليوم مليون مليون ولا يكفون
بارك الله فيك ونور دربك وسهل امرك

صح لسانك يالجزالة والابداع

[الـزلـزال]

و آفـل للذكـرى شريـط بْدايتـه , تتذكَّـريـن؟=وآنقل لها المشهد رغم أنف الحقيقـة والسّـراب
وتطيح دمعة من رجل تنبـت مـع الأيـام تيـن=تثمر مابين الشّاهديـن وتشبـع افـواه العتـاب
ان قلت نمشي تزعل عيوني وصاح القلب ويييييين=بدري لعن جـدّ الفـراق وتوّنـا مالليـل طـاب

ماجد حمد الزيد


عندما تحضر يحضر جزل الشعر معك غالينا


ليس بغريب عليك الأبداع فهو منك ولك


وصلت لنا الفكره بكل أتقان وتميز


رحم الله أموات المسلمين


وصح لسانك ملايين ملايين


تقبل فائق تحياتي

[سلطان العطاوي]

صح لسآآنك وأعتلا شانك
أبيآآآآت رائعـــه بروعة حضورك
صح كلك
لا خـــــلا ولا عــــدم

[ماجد الزيد]

الاخ الفاضل سعود العتيبي
صح الله بدنك واشكرك على مرورك الراقي يالقرم
عسى الخير مايغيب عن وجهك يالطّيب
وافي يابو سعد وافي عساك تبطي حي

[محمد عبدالله البدراني]

ماجد الزيد


مازلت اقول غيابك يشرع ابواب الوحشه


واسمك عنوان الجوده


لاعدمناك



ياهي عسيرة ون سلم من جيش ٍ يْطـبّ بكميـن
ون راغ عن سهم ٍ وقع بيـن الأسنّـة والحـراب





الله الله


تحيتي وتقديري