وهذي غنـوج لااقبلـت جـت تمايـل

وهذي وهذي كـل وحـده بهـا شـي.....شـيٍ تميـز بـه وللعـقـل تسـبـي
امـا عيـون وخـد والا جسـد حـي.........والا خلـق واخـلاق او ميـزةٍ غيـر

الرائع........ ابو انس

أحسنت....... احسنت
وفيت وكفيت
وما قصرت

صح لســـــااااااانك مليون

[يزيد النمي]

المشاركة الأصلية كتبت بواسطة أبوأنس

أخي يزيد ....
الله يحييك.. ع
مرك شفت أحد وده يفتك من شيين يحبه
وانا احب واطرب لمداخلاتك وقصايدك
وخذ هذي على عجل

لاصار خلك كامل(ن) بالتواصيف=نفسك توافق له على العدل والحيف
هذاك كيف النفس لكنْ ياكيف=لابد يصبح بعد هذا مغيرير
ثمّ(ن) يسحب بك على كيف ماراد=هو يامرك وانتا تجاوبه ياستاد
تطرد سرابه والظما فيك يزداد=وان خزك بعينين صيحت ياامير
يامير في كل البنّي المزايين=انا تحت أمرك رهن رمشة العين
آمر تدلل لو تخطّى القوانين=كل الذي تبغي اتممه ويسير
ثمّ(ن) عقب هذا تِسمّع له اخبار=صار مخطوب(ن)واعتزم تركة الدار
تصفق وقلبك شب في داخله نار=راح الهوى والعشق دور تبارير

ههههههه
صح لسااااااااااااانك وسلم فكرك وبنانك
بيض الله وجهك يالسنافي
لاهنت على تعنيك بالرد

[الشريف الشرّقي]

عجيب !! أبو أنس / أبوزياد/ يزيد النمي ..مؤامرة

يارب لطفك والستر والسعادة = ومن بعدهن يارب قوة ارادة
نبي نسطر للجماعة افادة = ماسطروها ماسكين الطباشير
يابو أنس راحت حياتي خسارة = لا ادركت أنا مزنة ولا شفت سارة
مثلي يسمونه : سويويق طارة = حده يدق السلف ويعشق القير
مانيب مثلك يازبون الونية = تقلط على حد الخطر والمنية
من طيب فعلك ياعذاب العبية = اصبحت فارس للبنات الغنادير
وأبو زياد علوم طيب وشهامة = بالمرجلة حاز الفخر والزعامة
واللي على خده من الحسن شامة = لا شك يطمح للرجال المناعير
ويزيد ماينقص ولا يلحقه نقص = صقرٍ تعلى واقتنص صيدته قنص
والحر من يمناه ماينطر الشنص = تولعن به سمرهن والمغاتير
وأنا على الله في زماني تقل ضب = كم وحدةٍ قالت : تقلع وجنب
وبيني وبينك مرةٍ قِيل لي : جب = روح اركب الطراد واجمع قراقير

اللهم لا حسد ..

[ابو زياد]

قال الشريف وثبت القول بالطرس=مالي مع الترفات زرع ولا غرس
ولاني من الي يمرسون الهوى مرس=مانيب انا الي للنسا كنه الزير
واضن قلبه سامي عن هواهن= وعيون مثله تبتعد عن مداهن
حيثه تعلق بالنجوم وسماهن=ولا يروم الا الغيوم المزابير
انا اشهد ان الحب حب الكرامة=والا النسا مافيه منهن سلامه
وان ما خفق به قلب قالوا علامه=راعيه ميت ما نفع فيه تذكير

والعذر على القصور

[الخنساء]

صح لسانك اخوي ابو انس قصيدة رائعة تسلم حروفك وكلماتك

[سناعيس]

الانسان أبو أنس

كم أنت رائع سواء قلت أو تكلمت على لسان غيرك
فأنت تعطي القصيد حقه بكلا الحالتين ولكل النوعين فصيحا كان أم نبطيا
يالك من (شهم وصاحب فزعه) بالنفس والبمشاعر أيضا
لك أزكى التحيه

[سناعيس]

يزيز النمي
الشريف الشرقي
أبوزياد
صح السنتكم وعشتو يالنشاما كفيتو ووفيتو

[ابو أنس]

المشاركة الأصلية كتبت بواسطة ابو زياد

الله عليك يابوانس
مبدع في كل مجال وفي كل الاحول
الفصيح لعبتك والعامي ايضآ ملك القلمك وفكرك
انت بحر في المفردات وتمكن في التركيب والحبك
اجد في وصف النساء وليس بغريب عليك فانت من يجمع المتضادات
وبقالبه يصبها للمتلقي ليرتشف منها الذوق والبهاء
اخي صح لسانك ودمت بخير على الخير

أبو زياد...............
كلامك كبير جداً ومجاراتك صعبه. أجدك تمتلك النثر ليواكب الشعر
أطرب لكلماتك ولو أنها أكبر مني بكثير وأسعد بلذيذ اسلوبك. واتبهرج به تحليا وزينه
لك تحيتي وشكري

[ابو أنس]

المشاركة الأصلية كتبت بواسطة نسناس الهوى

وهذي غنـوج لااقبلـت جـت تمايـل
تلعـب بشـعـر جمّلـتـه الجـدايـل
وفي عينهـا غمـزه ونظـرة تحايـل
وفي صوتهـا بحـه تحـل المساميـر

الله الله عليييك .. "في صوتها بحّه تحل المسامير" ،، إن أخذت الوصف فقد اوفيته ، وإن اخذت الجزاله
وفن اختيار المفردات ، فقد ابدعت .. وإن مدحت منطوقك ، فلن اوفي جزالته وابداعه

استاذي ابو انس ،، سجل اعجابي لهذه الرائعه

نسناس الهوى

أخي نسناس الهوى ..............
كل ما ذكرته أعلاه من كلام جميل ومنطق بديع .
والله لايوزي جمال حظورك وعذوبة تواجدك وألق مداخلتك
فلك التحية والشكر ووافر الود

وهـذي بهـا ديـنٍ تحكـم بممـشـاه<><>تـذكـرك بالله تخـافـه وتـخـشـاه
تحفظـك بالغيبـه وتـفـرح بلقـيـاه<><>وتربي أولادك علـى الحـق والخيـر


الله يرزقنا بمثلهاااااااا




ابوانس


مثولثه راااائـــعه وراقيـــــــه


وكلااااااام كبيرررررررررر كبيررررررررررر كصاحبـــه


صح الله لسانك مليووووووووووووون


ودام بوووووحك ياغالي



تحيتي