كلما قلت زل الهم جتني هموم(بالصوت)

[الخنساء]

كلما قلـت زل الهـم جتنـي همـوم ===يالله انّك عليم الحال ويـش السـواه
اشتكي لك حبيبٍ من عرفتـه ظلـوم====يرفض علاج قلـبٍ بالسحـر ابتـلاه
صرت مثل اليتيم اللي بوسط السمـوم===تايهٍ في الطريقٍ ولا عـرف منتهـاه
قلت وينك مروّح قـال مالـك لـزوم===لا تقول لي ترى امك سافرت للآلـه
ادري امي تمّشى خلف ذيك الحـزوم===راحت تجيب لعبه مـا خذتنـي معـاه
الطفولـه بـراءه والمحبـه سقـوم===من يلوم اللـذي حبّـه لحبّـه عمـاه
صار مثل اللذي خبره بحالـه يعـوم==لين طبّ البحر والموج يلعـن ثـواه
من توهق ببحر الحب صـار محكـوم===دبرته عند حبٍ ما درى عـن هـواه
كلما قال يـا حبـي كفانـي همـوم===قالت اصبر فهذا الوقت يفرض قضاه
ان سكت بان قهره وان تكلّـم ملـوم===كل حرف كما البارود يفضـح خفـاه
ولو يحاول يجامل انكشف مـا يـدوم===تفضح العين ستـره مايفيـده دهـاه
ولو يسايس حروفه بيّنـت للخصـوم===دام قلب المعنّا يشتكـي مـن لضـاه


صح لسانك مشرفنا

لاهان راسك قصيدة راائعة

ترجمت جروح الحياة

سلمت وسلم

دمت بخير

[صوت الإحساس]

وبيت يسكت على عيبه وساسٍ هضوم = يوم يسقط على راعيـه هـذا جـزاه

ليت حرفك هنا قدامنا كل يوم = ما نمله ومن ملّه فهذا خطاه

البيت أعلاه صاعقه يا معلم

والله معلم في زمن كثروا فيه الصنايعية


حبي لقلبك الطاهر

واحترامي لحرفك الساحر

[ســُلاف]

ويستمر التفاخر كيف طلنـا الغيـوم
والحقيقه انحدرنا في حضيض الـرداه
-
الزمن من عرفته ما يبا الا الرخـوم
ما يبي الحر الاشقر دام فكـره معـاه
-
للآسف واقع مر وحقيقة مؤلمة
كفيت ووفيت الطائر المهاجر
صح لسانك

كلام رائع جدا اخوى العزيز

تسلم لطرحك وابداعك المميز

يعطيك الف عافيه

[الطائر المهاجر]

شكرا لأخي فهد المطلق
على كريم الحضور والتفاعل
لاهنت
تحياتي

[الطائر المهاجر]

شكرا لأخي الطامي
على كريم التفاعل
لاهنت
تحياتي

[الـزلـزال]

الطائر المهاجر


تعدد فصول هذة المسرحيه الشعريه

وتفننت في أخراجها أحاسيسك ومشاعرك

دائمآ مبدع وجزل ومتقن لكل ماتبوح به


صح لسانك ملايين ملايين


تقبل فائق تحياتي

[سناعيس]

الطائر المهاجر
صح لسانك وبيض الله وجهك
جزله من شاعر جزل

لاهنت

تحياتي

[عبدالله راشد الثويني]

دكتورنا الفاضل
استاذي الشاعر المُبدع / أبو عبدالله
الشكر قليل بحقك على ماخطته أناملك
كل الشكر يا الغالي ولا عدمنا ها الإبداع
أمتعتنا بأبياتك المميزه .. طامعين با الجديد
وُدي

[حوريه]

الشاعر الراااقي .. الطائر المهاجر

صح لسااانك مليوووون ولا يكفووون

نص رااااقي وجزل من شااااعر

متمكن... لاهنت ولاهااان مغليك

وسلااااامتك من الهموم يابو عبد الله

دمتـــــــــ................بأ لف خير