محاورة في حركة السوق

[سناعيس]

سوق يشابه حراج ارخوم=صاروا به الخلق مفتونه
كل من اسبابه غدا مكلوم=ولايسمع اللي ينادونه
تقول مات ولده مسموم=والناس عنده يعزونه

[الطائر المهاجر]

عقب ما وصل للقاعه اشوفه رد للعالي = حصد الف وتجاوزها واظنه وصل للنسبه
ولكن الزراعه لاتزل ما جت على البالي = مغير بنوك وصناعه مع ألإسمنت فالحسبه

نزيد ونرفع النسبه ولا نحتاج دللالي=كثير الناس نعرفها تجي وتروح في العجه
تنحو وابعدو عنا نكسركم ولا نبالي = اصيد من البحر واكل من السطح اومن اللجه

[الطائر المهاجر]

ما تقيدت بـ : به ، في الردية والمحاور لابد من التقيد
بالنسبة للتنسيق لو استخدمت : متداخل ، بدل عمودين ، كان سيطرت ولا طال البيت

ترى الهيئة تقرر ماتبي في كل الأحوالي = ولو هي تسمح بعشرة تشوف السيل للركبه
وتترك نسبة الخمسه مع النزلات طوالي= واشوف إنك ترى مصيود فمدحك يافتى كبه

انا جالس على المركى وكل يعرف افعا لي=اغير كيف ما ابغى وكل السوق انا العب به
الى مني نويت السهم احطه فوق في العالي=والى مني نويت تحت اشيله ثم(ن) امحط به

[الطائر المهاجر]

اجل هامور متمكن ولا تطري على بالي= او انك ساحر والسحر لابد انك تعاقب به
او انك من حراره في تخيّل زادك هبالي = تراي اقرا على اللي داخله جني تلاعب به

غدا انشاء الله

انا هامور متمكن وفوق الجيد خيالي=انازل من ينازلني وسهم النار انا الهب به
وأبرد من حرار اللي احترق من لفحة الصالي=وشيخ الجن ابا احطه حطب للنار وأشب به

[الطائر المهاجر]

ترى مخطر تحارشهم فسم بسم الله الوالي = ترى في الليل يغزونك ولو في حرز تحرز به
ثقتك في النفس ما تنفعك لا احتلوك بالحالي = ولا تلقى لك مطوع ولا شيطان تشفع به

[نجم الإبداع]

الا يامتبع رسم الشبكشي نور العالي = ولا تسمع صباء ياصاحبي والسوق تدري به
انا مالي في الاسهم ولا اني عابد اريالي = كسب والا خسر مالي بلوعاته وتعذيبه