ارضي علي تكفين

[الخنساء]

المشاركة الأصلية كتبت بواسطة احمد الجريفاني

يااللي كتبت من اجل عينه حروفي=وش بك على هجر الذي دللك عجل
ارحم خفوق يرتعد وسط جوفي=سامح على شان الغلى واجمع الشمل
الله يغفر الذنب والله يروفي=حلمك علي يا سيد الحلم والعدل
اخطيت (يمكن)وش تفيد الحسوفي=قلبك كبير ويدفعك راقي الاصل
انت الغرام ومهجتي وانت شوفي=وانت الغلى والروح والحب والخل
تدري احبك مانت ناقص حلوفي=وادري معي ضحيت با القول والفعل
اخاف لامن ضعت ضاعت هنوفي=ويقال لك يا بنت ما طعتي العذل
وتشمت بنا العذال يا خوف خوفي=الفتنه اقسى يا الحبيبه من القتل
ومن عقب ماني باولات الصفوفي=اصير عند احبابنا مثل ابو جهل
وتضرب ورانا مزعجات الدفوفي=ومثل النعامه ندفن الراس با الرمل
وعقب الغلى نبدأ نحب الكتوفي=ومن عقب صاف الود نشرب من الحثل
يا شمس روحي لا يصيبك كسوفي=اللي يعقد الحبل ما يقطع الحبل
من تسكن الخفاق تعلم ظروفي=ومن تملك الوجدان بعده مهو سهل
تدرين بك عندي على الناس نوفي=ارضي علي تكفين يا قمة النبل

صح لسانك مليون ولايكفون
قصيدة جزلة من شاعر متمكن
سلمت ودام حرفك

[همس الورد]

صح لسااااااااانك مليووووووووون

و صح بدنك

بوووووووووح في غاية الرووووعة

تحيتي و تقديري

[منيع]

تتابع هتان الجمال والتميز
بارك الله فيكم
تحياتي

[شجون القصيد]

الله

الله الله

رااائع انت دائما شاعرنا

تتقاعس الكلمات عن مضاهاة سمو حرفك

سلسبيل عذب نهلنا منه حد الثماله

حتما سنعود ويسرقنا الابداااع حيث تتواجد كلماتك

صح لسانك مليارااات

دمت بخير

[عمر ال شيبي]

عوده صباحيه للذوق يا ذوق

[الطامي]

الجريفاني
صح السانك ملايين
جزلة وطيبة جدا
لاهنت اخي

[نفحات حساسة]

صح السانك..

ولاهنت..دائما متميز.

سلمت وسلمت يمينك..

تحيتى لك..

[زهرة اللوتس]

تميز في الإبداع
جزله من راس جزل
صح لسانك
ولاهنت
تحيتي واحترامي

[عبدالعزيز ابراهيم المنصور]

الله الله صح لسانك ولاهنت كلمات في قمة الجمال دمت بخير

[عمر ال شيبي]

ارحب وسلم قلبك لا هنت والذوق لك رجوعنا