الشاعر العميد / خالد البليهد ،

[داعي الشوق]

قصيدة للشاعر العميد / خالد بن حسن البليهد ( يرحمه الله )

و مؤرخة بتاريخ 15 / 6 / 1408 هـ


،،،،،،،،،،،،،،،،،،،،،

يالله يا منشي مزون المخاييل = يا مفني اجيالٍ و يا خالق اجيال
يا عالم غيب الليال المقابيل = يا عالمٍ باسرار تصريف الاحوال
يا عادل سود الليالي عن الميل = فيك الرجاء مربوط و الوقت ميال
لو كان تصمد له زحول الرجاجيل = ويشيل عنها ماضي الوقت ما شال
يالله تكفينا الشقا والغرابيل = و تعيننا في كل حالٍ وترحال
ما ينومن من يبخس والوزن و الكيل = من يامنه في موسم الكيل ما كتال
مع كل ريع له دروب و مداخيل = و الطيب ماله فيه درب و مدخال
الغاير الباير ركب سبّق الخيل = يعنّها لو كان ماهوب خيال
يعنها ويغير مع تالي الليل = ماله من الوازع ولو ربع مثقال
ينهش الحوم اهل النقاء والمشاكيل = بالزور و الباطل ولا عنده شكال
ماله مع اهل العرف و الميز تأهيل = واليا سمع بعلوم الابطال يهتال
يصغر بديوان الكرم و الافاضيل = ويكبر بعين أهل النقايص و الانذال
كلٍ على طبعه ولا فيه تبديل = في طبعه المألوف يا صعب الابدال
من الثناء دايم قليل المحاصيل = ومن الرداء يحمل على كتفه اثقال
ناسٍ ولو تدرس بعمً والانجيل = مهما تطول وتدرس العلم جهال
تاقع بنقص وتحسب النقص تكميل = غربال لو يغرف من الجم غربال
الشري علقم لو يساقا من النيل = كم واحد قبلي على ذا المثل قال
واليوم أقوله لو دخل فيه تعديل = معنى بداخل مهجتي واضرب مثال
واجهت بالدنيا صدوف وبهاذيل = بين الصديق وبين كاذب و محتال
مع ربعي أخلص ما استمع للاقاويل = أفخر بهم وقت المقابل والاقبال
من صد منهم عن قصاياه ما سيل = جعل الزهر يكسي نبانيب الاقذال
لو ما رعينا منه نفرح لهم حيل = الخير اليا جاء دارهم يشرح البال
أصل الكرم للضيف كم تذبح الحيل = والضيف يقلط عن سنا الشمس بظلال
في كل وقت يسكب البن والهيل = و الجار مايشكي لضيم الدهر حال
داخل مجالسهم تزين التعاليل = لو جيت ابانزح يمهم كيف ماحتال
نحيت عنهم واصبح الثقل بالشيل = أصعب من اللي حط في رجله اقفال
كم تلقح الايام بالريح و تحيل = حنا نزول وباقي الوقت ما زال
نصبر على الدنيا بعزم وتجاويل = ونثبت على درب الوفا و التجمال
وصلاة ربي عد وبل مهاليل = على النبي ازكى صلاتي والانفال

[زهرة اللوتس]

داعي الشوق
شكرا للنقل رائع
تسلم ايدك
تحية طيبة

[عالي مستواها]

صح صح صح لسا111نه

الله يرحمه ويسكنه فسيح جناته آآآمين ،،،


د111عي الشووووووووق


إختيار ونقل لقصيده رائعه تحمل من النصح والحكم ،،،

ذوووووووووق رفيع ،،

يعطيك العافيه ،،

اختياار موفق للغايه

قصيده بغاايه الجمال


شكرا على الطرح الراقي

[صعبة المنال]

يعطيك العافية


صعووب

[نفحات حساسة]

يعطيك العافيه اخزى..داعى الشوق
وصح الله السانك ولا هنت
تقبل مرورى..

[عبدالرحمن الصباح]

الله يرحم والدك ويرحم بن بليهد ويغفر لهم ويسكنهم الجنه
نقل رائع الله يعطيك العافيه

[نفحات حساسة]

يعطيك العافيه..

وسلم اختيارك..ورحمهم الله واسع رحمته

يعطيك العافيه..

[عبير الورد]

رحمهم الله جميعا
وتسلم يمينك على النقل المميز يعطيك العافية

[أم ريما]

استمتعت بالقراءة
شكرا جزيلاً
تحياتي الطيبه