ياهترل رد السلف واجب لكم عانه

[هترل]

ارحب يابو محمد وصح لسانك استلم لاهنت


يامرحبا ياهلا بالصاحب الوافي
ياللي تذكر عقب عامين صدقانه

حييت يالاجودي وحي علمك الخافي
وحي المشاعر ليا من جات شفقانه

جيتك فيها..؟ وفيها علوم ياكافي
ماهي الهديه ترى حجتك خسرانه

الشات يانجم فيه العود والحافي
واحيان يَظهِر لنا لوله ومرجانه

وانا مع الخلق دايم موقفي شافي
اخاوي الذيب واخزي بليس واعوانه

ياللي بصدري ظهر في يوم ميقافي
وماظن يخفاك علمٍ جاك برهانه

قول الحقيقه وهات العلم خفافي
شوفك شجر كيف شفت الظبي واخوانه

خابرك تمشي على مشراف الاطرافي
مالك بدرب الهوى سكه ولا خانه

يانجم دامك صحيح الجسم متعافي
تحمد الله عظيم الشان سبحانه

خل المفتح وخل من نورهم طافي
كلٍ يغني بأسلوبه والحانه

كانك سنافي ترى اللي قدمك سنافي
والكل بطبعه يشوف الناس بأعيانه

[نجم الإبداع]

مرحبا بكل من مر من هنا وصحت قلوبكم

صح لسانك يامحمد

واستلم

حيا الله اللي لفى بالقاف شفافي=الين ذاب الهوى من طعم كيسانه
كلام مثل الذهب ماجا به اسفافي=ولا تعدى في الاداب حدانه
لايحسب اني اتهمته بين الاصدافي=انا تكلمت عن حالات مليانه
حاله فريده لها بالفكر رفرافي=منها المخاليق يارجال سهيانه
عصر الفتن يامحمد كنه السافي=نفوس عميا وبعض نفوس شقيانه
غاب المجبي علي وغاب الاسكافي=ماعاد غير الهوى لادق طيرانه
وانا معك بين حرف وفكر نفنافي=يبكي على عزة الماضي وخذلانه
الفرس والروم كلٍ شال مرجافي=والشرق ياجوج هدد بعض جيرانه
والشام عامين من بشار نتافي =قتل وخرب ديار اهله وورعانه
وانا مع الشاعر اللي جا بغرافي=نغرف من البحر حتى يعلن اعلانه
لاكال ماضقت لو بالكيل طفافي =وكل فارس يفوز اليوم برهانه

[هترل]

هالله الله

صح لسانك يابو محمد
<< انا منحاااش من المرتده .. لكن الظاهر لابد منها هههههه
شاعر جزل ومبدع واخ عزيز وغالي يشهد الله
وانت استاذنا ومدرستنا نتعلم منك لاهنت
< البيت الاخير ,, ترى = تنظر

تحياتي لروحك العذبه

[حرف وشعر]

أجمل ما فى الفطاحلة هذه الروح الجميلة بين الأحباب تقبلوا ودى

[عبدالله راشد الثويني]

المتألق دائما ً / فلاح بن منشار

صح لسانك يابعدي ولا هنت
مميز دائما ً
طامعين بجديدك
تقبل تحيتي

[نجم الإبداع]

لا يامحمد يختلف المعني بين البرهان والرهان

[نجم الإبداع]

حرق وشعر ووووووووووو عبدالله الثويني

شكرا لمروركم تاعطر شاعرينا

لاعدمناكم

[احمد الكثيري]

كفو سلم قلبك وصح لسانك مليون
لاهنت يا النشمي

[بنت النور]

صح لسانك وعلى شانك
اكتملت روعتها بروعة ابداعك
لاهنت
اطيب التحيه

[عبدالله السويلم]

صح لساااااانك شاعرنامبدع كالعاده
يسلم فكرك يالقرم
تحياتي لك