الشــــاعــــــــر مـــنــيـــع ،، خـــذ فــنــجـــــــــال

[منيع]

الدين كله بالامور الجميلات=وحسن التعامل بيننا يقتفيها
ولاترى من ياخذ الدين حاجات=ليه نية سية وهو منتويها

[داعي الشوق]

ترى البنادم له ذنوب وسيات = والله يجازى من صلاته نسيها
واهل الحساني يارفيقى بليات = ترى عددهم بالاصابع نعيها

[نجم الإبداع]

سعود الحافي

منيع

صحت السنتكم

والله يسمع منكم

فائق الاحترام

[داعي الشوق]

حياك الله
يا لشاعر فلاح بن منشار
وحي الاخوان والاخوات
وجودكم ومتابعتكم يبعث الحماس
فأهلا بكم وبكل متابع ،،،

[منيع]

صلاة ماتنهي عن الفحش هيهات=ماهي صلاة وكلنا نزدريها
لاصار دين الله ديكور وسبحات=هذا بلا الاسلام من محتفيها

[منيع]

الاخ الشاعر فلاح بن منشار
ياهلا وغلا
شرفتنا بمرورك
تحياتي

[داعي الشوق]

وش موقفك يا منيع من بعض الآفات = من حولنا يا منيع طقت عصيها
سوق الحمام إنصاب فرخ ودجاجات = جته الفلنزا والخطر محتويها

[منيع]

المشكلة ياخوك في البال حاجات=قامت تومي بي واناملتويها
ماصاب غيرك صابنا والسلامات=هذي ضريبة عولمة نشتكيها

[داعي الشوق]

أفنوا الوف خاويات صويبات = ا مصوره بالخرج مع ساكنيها
أيضا العزيزيه عليها مهمات = لياك تقربها ورجلك تجيها

[منيع]

ياسعود موجوده البدايل كثيرات=كب الدجاج واللي يبي يشتريها
دام الهرافي والحواشي ونعجات=بالسوق ماوالله نبدل حديها