ليت العيون اللي بسهمه .. رمنٌـا ..!

[الخنساء]

المشاركة الأصلية كتبت بواسطة عبدالله الثويني

السلام عليكم ورحمة الله وبركاته

أضع بين أيديكم هذه الأبيات لعلها تنال القليل من إعجابكم

.
.
.

ياصاحبِـي كل الخلايق تمنـٌا=وانا تمنٌا مثل باق الخلايق
إن جيت تسأل قلت يابو مهـنٌا=بقول لك كل العلوم الوثايق
البارحه قلبي من الضيم ونٌا=محتار من زود البهاذيل ضايق
يومه طرالي زولها لا تدنٌا=زادت على قلب المولٌع حرايق
هاجوس شعري با الحروف إستجنٌا=والنوم راح النوم والفكر فايق
قمٌت أستعير بوصفها كل فنٌا=لعلي أقدر وصفها با الحقايق
الخصر أسطوره،،ليامن تثنٌا=فيها الدلع ياخوك با الحيل لايق
لامن حكت يارب .. لا تمتحنٌا=لقلوب من يتبع هوى الغيد بايق
يالعنبو دآره .. علينا تجنٌا =يذبح ولا همٌه .. يسولف ورايق
عزٌ الله اللي شافها ماتهنٌا=يسلك بهاجوسه جميع الطرايق
ياما إنتظرت وقلت ليته يحنٌا=من بعدها ياماحسبت الدقايق
طال إنتظاري والهوى ماحضنٌا=مابيننا حالت ضروف وعوايق
مالوم قلبي كل ماحن غنٌا=يسوقني لمجاذب القاف سايق
ليت العيون اللي بسهمه رمنٌا=ترحم صويب(ن) للعنا صار ذايق
أو ليت قلبي في غرامه تأنٌـا=ولا شال حمل(ن) فوق ماهو بطايق
أسلٌي الخافق عسى يرجهنٌا=من سبٌته .. كنٌي وهمٌي رفايق
ياخافقي في ذكرها لا تعنٌا=دنياك هذي .. كل أبوها وفايق

كل الشكر لمن عطر صفحتي المتواضعه بتواجده

صح لسانك اخى الشاعر عبدالله

لاهان راسك قصيدة جميلة

سلمت ودمت بخير

[عبدالعزيز ابراهيم المنصور]

جَميِلٌ هَذا النَّص
استَمْتعَتُ بقرأتِه
كَمَا إنّ القَافِية رَائِعة
لاَفَضّ فُوك
دُمْتَ بِخَير

[الــذاهبه]

لاهنت اخوي عبدالله صح لسانك

[الطامي]

الثويني
صح السانك واعتلا شانك
وافية من وافي
لاهنت عيني
وشكرا لك

[يزيد النمي]

دنياك هذي .. كل أبوهـا وفايـق


صحيح .... كل ابوها وفايق


صح لسانك ويسلم بنانك

[عبدالله راشد الثويني]

المشاركة الأصلية كتبت بواسطة صوت الإحساس

الله الله


حضووووووووووووووور مبهر

لله درك عبدلله



لك صادق الود


روعه وجمال


من الاجمل دوما

أخوي الغالي صوت الإحساس
مرورك يسعدني
كل الشكر على تواجدك
وتقبل وٌدي

[عبدالله راشد الثويني]

المشاركة الأصلية كتبت بواسطة سناعيس

الله الله يالسمح
عبدالله الثويني
لله درك

وانا بعد ما الوم قلبك
ما اقول الا صح لسانك
على هذه الباذخه

لاهنت


تحياتي

أستاذي سناعيس
مرورك يعني لي الشي الكثير
تسلم يا الغالي ولا عدمنا تواجدك
كل الشكر وتقبل وُدي

[عبدالله راشد الثويني]

المشاركة الأصلية كتبت بواسطة داعي الشوق

صح لسانك يالسمح

جزل ولا تجيب إلا الجزل يا عبدالله

إبداع متجدد وليس غريب منك

أمتعتنا بهذا الامتاع في المعنى والكلمة

صح لسانك مع التحية والتقدير لك

،،،،،،،،،،،،

أخي الغالي ، الشاعر المتألق دائماً /، داعي الشوق
كل الشكر على مرورك وكلماتك الطيبه التي أدخلت السرور لنفسي
ولا عدمنا تواجدك
وُدي

[عبدالله راشد الثويني]

المشاركة الأصلية كتبت بواسطة مبارك أبوظهير

الثويني عبدالله



صح بوحك / روحك



إعجابي / غلاااااااااااي



م ن

أستاذي الغالي مبارك أبو ظهير
كل الشكر على مرورك العذب وكلماتك الطيبه
ولا تحرمنا من تواجدك
وُدي

[النهج المختلف]

عبدالله الثويني صح السانك ,,,,,

قصيدة جزلة من شاعر جزل ,,,,

الله يعطيك العافية يامبدع ,,,,

تحياتي وتقديري ,,,,,