ارحب.....

[الطائر المهاجر]

هذي للسمح

الخلق هو الخلق والكل إسلام= لكن حصل تغيير غير كيانه
وارجع واقول العود لازال قدام= وانتم رجعتوا للهو باستكانه

وهذي لمنيع

بعد اربعين العقل يكمل بالاتمام= الله يقوله كان تقرا قرانه
وضلعٍ من عويدٍ يقاوم لالام= وضلع الشباب اليوم فيه الليانه

وهذي لعلي

الحر يعرف بالفعل ماتبي افهام = وشبابكم بالعقل حقه إدانه
لو كان جيبه فاضي شفت هندام= يغري الطرايد بالغزل من بيانه

[عبدالله راشد الثويني]

المشاركة الأصلية كتبت بواسطة الطائر المهاجر

هذي للسمح

الخلق هو الخلق والكل إسلام= لكن حصل تغيير غير كيانه
وارجع واقول العود لازال قدام= وانتم رجعتوا للهو باستكانه

[/poem]

با البيت الاول نتفق مابه خصام = وياليت تاضع مقصدي في مكانه
دنياك فيها الخير ماراحت اعدام= ناس تشيل الطيب وناس(ن) لعانه
والعمر ماضنه سوى راي واوهام= العقل يبقى سيد(ن) في زمانه

[منيع]

قريتهافي محكم القول بحكام=منه يعمر ينتكس في زمانه
ويصبح مخرف ماتشيلنه الاعظام=لاتدعي ياعود خل الشطانه

[الطائر المهاجر]

منيع

دامك قريت فليش ما تربط حزام= وتفهم معاني واضحه للفطانه
اللي عنيته رجل دحدر للاوهام= امرٍ طبيعي بعد مافنى زمانه

[منيع]

اليوم في الستين تبلاه الاسقام=سكر وضغط ولاحكينارطانه
واكبر دليل عندي وسجله برقام=حضرتك يابهلول حسب الميانه

[الطائر المهاجر]

غلطان في التعميم يالشيخ همام= وحتى الشباب اليوم مابه حصانه
والعقل في عودٍ تعدى للالغام = ماهمه السكر وضابط حصانه

[منيع]

سولف على غيري بهرجك ياضرغام=البيرمعروفٍ ويبقى صيانه
وان قلت عندك بالكراتيه احزام=برضواصدقهاولابهاضغانه

العود عايش في متاهات الاوهام=عنيد طبع وفارسٍ للبيانه
ليته يخفف من رصاصات الاقلام=بالحال يبدي للشّباب امتنانه