العـذر المنطقي

[حي الضمير]

المشاركة الأصلية كتبت بواسطة محمد بن عمار

السلام عليكم ورحمة الله .
مدخل إلى بهو ذوائقكم ....

كلما شق البدر ، ستر الهجوع = قلت ذي محبوبتي جت لافيه
وش يفـيد اللي تحاشا للوقوع = بالحذر، وأقدام رجله ، حافية

وبطاقة عبور إلى الصفوف المتقدمة ...

إفردي لي جناح الشوق ودي أطير = لاني أول ولا آخر ، من تعلا ّ وطار
وإنثري عطرك لنسمات نفح العبير = عطرّيني وردي لروحي الإعتبار

وقت مستقطع على طلب القلب ...!

كلما قلت ، هذا يالغلا ، ما يصير = قال قلبي وش اللي شفت منها وصار

من هذه البوابة ......
يكون للتواصل بكم عنوان ، كما وللأذواق مقامات ،،
لايضاهيها إلاّ شموخكم الباسق وحضوركم المتألق
في عنان الكلمة ... مع



العـذر المنطقي

اظهري ياشمس حبي واشرقي = نوّري ليل ٍ ظلامه محتويني
بدّدي ، غيم ٍ يغلـّف ما بقي = من ضياء شمع المحبة ياضنيني
لا تغضّين العيون ، وتسرقي = برعشة الأهداب شوق ٍ مرتويني
طالعي دمعي بعيني يغرقي = يمطرالعبرات ، من وابل حنيني
ونبض قلبك في وريدي يخفقي = كـلما ، ضمّيت كفك ، في يميني
بالمشاعر ، يالحبيبة ، إرفقي = قبل ما يطري عليك ، توادعيني
يوم جاد الحظ ساعة نلتقي = أشعل الوجدان حب ٍ لك ، دفيني
إحترق غصن ٍ بجوفي مورقي = من لهيب الكف يوم تصافحيني
إتركي ناره بصدري تحرقي = وأنكوي ، من وهجها ، لا تنقذيني
كان قلبك من عذابي مشفقي = فراحتي للقلب ، يوم تعذبيني
ماسمعـتي بالمثل إن الشقي = باقي ٍ عمره على مر السنيني
تثبتين إن العواطف تفرقي = وكيف معنى التضحية للعاشقيني
لأجل مفهوم الحبايب يرتقي = لمستوى حب ٍ حصل بينك وبيني
وان هلي جوّ يسألونك فاصدقي = لا تقولين انتحر وش في يديني
أقنعيهم ! قولي عـذر ٍ منطقي = قبل مااموت بغرامه ، مات فيني

مودتي لتواصلكم
محمد بن عمار

أقنعيهم ! قولي عـذر ٍ منطقي = قبل مااموت بغرامه ، مات فيني

ابداااع يستحق العوده مجددا
صح لسانك مدد

[الـزلـزال]

محمد بن عمار

نص رائع وجميل
من شاعر متميز ورائع في كل مايقدمه لنا
أبدعت وأمتعت شاعرنا المميز
دمت بخير ودام لنا حرفك
صح لسانك ملايين ملايين
ولك فائق تحياتي وتقديري

[الفواز]

امتعتنا بهذه الرائعه
صح لسانك
ولاهنت
ودي وتقديري

[النشوان]

صح لسانك وفكرك
على هذا النص الراقي
تقديري واحترامي

[الراقي]

رائعه جدا
وسلمت اناملك
دمت ودام تميزك ولك ارق التحايا

[حرف وشعر]

دائما فى الطليعة يامحمد


صححححححح قلبك ملياااااار

[محمد بن عمار]

المشاركة الأصلية كتبت بواسطة منيع

ياسلام عليك
مبدع ورائع
وعوايدك التميز
تسلم
تحياتي لكم

	هلا وغلا أخوي / منيع لاهنت ولاهان غاليك وصح قلبك وفكرك لاعدمتك ،،، تحيتي وتقديري لتواصلك فديتك

[محمد بن عمار]

المشاركة الأصلية كتبت بواسطة حي الضمير

رائع واطربتنا شعر عذب
وابدعت حيل يابوعبدالعزيز وعوايدك
ومدد صح لسااانك يامميز

	هلا وغلا أخوي / ابوووو حمد لاهنت ولاهان غاليك وصح قلبك وفكرك لاعدمتك ،،، تحيتي وتقديري لتواصلك فديتك

[محمد بن عمار]

المشاركة الأصلية كتبت بواسطة اميرة نفسها

صح لسانك

رووعة احساس

	هلا وغلا أختي / أميرة لاهنتي ولاهان غاليك وصح قلبك وفكرك لاعدمتك ،،، تحيتي وتقديري لتواصلك

[محمد بن عمار]

المشاركة الأصلية كتبت بواسطة الطائر المهاجر

صح لسانك ياقيس خنشليله
طيبه من شاعر كبير
لاهنت
تحياتي

	هلا وغلا أخوي / شايب معكال لاهنت ولاهان غاليك وصح قلبك وفكرك لاعدمتك ،،، تحيتي وتقديري لتواصلك فديتك