فيك انزل الهدي والفرقان زاح الظلام

[الطيف المسافر]

المشاركة الأصلية كتبت بواسطة نجم الإبداع

حيو معي برمضان اللي به المغفره=ياحظ من وفقه ربي لصومه وقام
فيه الوجيه أتكسيها الطيّبه مستبشره=و ليلة القدر مذكوره بشهر الصيام
مبروك في شهر فيه الكلمه معطره =وفيه الارواح تتعلق برب الأنام
يحلى نهار الصيام وليلته مثمره = احساس فيه المشاعر راقيه ماتظام
من طيبت الصوم ووجيه البشر مسفره=وبطاعة الله نور القلب نوره يرام
اخرج زكاتك تصدق كنت ذا مقدره=واحفظ لسانك تبسم واترك اهل الخصام
فرصه تجرد لربك واعتزل منكره= واصفح وسامح بقلبك خير وافش السلام
ولا تسوّف ترى قدامك المقبره=قدم لنفسك عمل صالح وفعل الكرام
حياك ياشهر فيك الخير من مخبره=فيك انزل الهدي والفرقان زاح الظلام

صح لسانك يامبدع ولافض فوك
وعسى ان يتقبل منكم ومنا الطاعات

[حي الضمير]

صح لسانك ابومحمد
جزله وابدعت
وكل عام وانت والفطاحله بخير
ومبارك الشهر الفضيل

[نجم الإبداع]

المشاركة الأصلية كتبت بواسطة داعي الشوق

صح لسانك و الشهر مبارك علينا و ع الجميع

و طاب حالك يا نجم يا مبدع

ولاهنت

سلمت ياداعي

صح بدنك وشكرا لطيب مرورك

لاعدمتك

[الطامي]

صح السانك فلاح
الله يبارك لنا ولك ويتقبل منا ومنكم صالح الاعمال
شكرا لك

[سعيد عوده الحويطي]

كل عام وانت بخير الشاعر فلاح وصح لسانك على هذه المشاركة الطيبه وتقبل تهانينا بهذا الشهر الكريم

[الوزان]

قصيدة صادقة الإحساس
صح لسانك ولاهان راسك
تحياتي

[عبدالله الشويمان]

صح لسانك واعتلا شانك يابومحمد

قصيده رائعه وانت اروع..

وكل عام وانت بخير.

[عبدالله السويلم]

صح الله السانك
يابومحمد
والله يتقبل منا ومنك
صالح الاعمال

[حرف وشعر]

بارك الله فيك يالجزل

[الخنساء]

حـيـاك ياشـهـر فـيــك الـخـيـر مـــن مـخـبـره

فـيـك انــزل الـهـدي والفـرقـان زاح الـظـلام

حـيـاك ياشـهـر فـيــك الـخـيـر مـــن مـخـبـره

فـيـك انــزل الـهـدي والفـرقـان زاح الـظـلام

صح لسانك

لاهنت دام حرفك