22-09-2007, 08:20 PM
|
رقم المشاركة : 11 | |||
|
لعبد الله اللويحان هذه القصيدة وقد قالها في مصر فقد كان يتمشى في شارع فؤاد فرأى ما تقر به عينه ويبهج خاطره من المناظر الحسنة فمن أجل ذلك ساعدته قريحته فقال :
ان مت في شارع فؤاد ادفنوني=ياطا على قبري بنات مزايين
ما عاد اكذّب عقب شافت عيوني=بنات من نسل البوش والسلاطين شفت الزهور بناعمات الغصوني=ما دونها حارس على العسر واللين احدٍ يدور للبضاعة زبوني=واحدٍ تفسح قاضبين القوانين شارع به أجناس على كل لوني=ما داج فيه اهل الحسد والشياطين ياعاذل راعي الهوى ما تموني=تنقد وعنك الناس ما همب دارين الناس في سجات ما يسمعوني=الوقت عدل ومثله الناس عدلين ياهل العقول الطيبة سامحوني=كل برايه يحسب العشر عشرين |
|||
|
|
22-09-2007, 08:20 PM
|
رقم المشاركة : 12 | |||
|
وللشاعر عبد الله اللويحان أيضا هذه الهجينية اللي يقول فيها :
من صد واقفا فلا لك به مطاليب = ريح فؤادك ولا لك بالكلوفه
تراك ما تلحقه لو تركب الجيب = عينك تشوفه وكنك ما تشوفه انشد مجرب وتكفيك التجاريب = والطرق لاهل التجاريب معروفه انصح به اللي يعشقون الرعابيب = هذي نصيحة ولا فيها حسوفة |
|||
|
|
|
22-09-2007, 08:21 PM
|
رقم المشاركة : 13 | |||
|
من قول الشاعر عبد الله اللويحان والمناسبة ان واحد من اصدقائه سأله وقال : يالويحان وش كثر عندك من الحلال ؟ قال لويحان عندي ما ساتر لحالي .... فلزم عليه صاحبه فقال لويحان : لو حضي بالريال مثل حضي بالرجال كان انا اليوم من أغنى اهل المملكة وقال لويحان :
أنا صديق الطيبين المناعير = اللي لهم كسب المعالي اعشاقه
حضر وبدو نطاحة الشر والخير = صادقتهم واخذت منهم صداقه حلالة المشكل كبار المخاسير = ياسعد منهم له عضود ورفاقه زبن المخيف الى رمته المقادير = بالجاه والا المال والا الحماقه وآخذ من ارياهم قوي المشاوير = والطيبة ماهيب منهم شفاقه مانيب اصادق مايلين الدناقير = عيال العفون من الخيوط الدقاقه اللي مجالسهم نميمة وتعيير = مالي بهم من فضل ربي علاقة فضل من الباري حسين التدابير = مانيب للاصحاب قطاع ساقه ورزقي على اللي بالسما ينهض الطير = يكسر على الملواح عقب انطلاقه ودنياك تمضي بين ورد ومصادير = قد قيل قبلي ما بها راس طاقه |
|||
|
|
|
22-09-2007, 08:28 PM
|
رقم المشاركة : 14 | |||
|
محاورة بين لويحان وأحمد الناصر:
سلامي يا من حضر رديَّةٍ حلوة وسمحة مقاد=رديَّةٍ وافيه واطلب من احمد زين مردودهـا يا سيِّدي يابن سٍيدي برّقوا بالجمع والانفراد=انتم حكم ملعبتنا وانتم الحضّار وشهودها أحمد :
يا مرحبا بالعميل اللي طروقه بالمحاضر جداد=اعداد وبل المزون اللي تهز الضلع برعودهـا يا لله عليك اتكالي يا عظيم الشان والاعتماد=يا مدبّر الكون دبّر نفسك عبدك وانت معبودها لويحان :
شبيتّ واليوم شايب ما تبعت اللي يحب العناد=تلطم خدود الأوادم واسود اللطمات بخدودها أحمد :يا ما اعتدوني وجوني مار صار الدرب صعب سناد=والناس لولا حمقها طمعت الاجناب بحدودها
ما وكل آدم على ذريته ربك وكيل العباد=خل الاوادم تصادم خيل طاردها ومطرودها لويحان:يا للوح كلٍ اليا جيته يقول اني عقيد الشداد=والطيبه هينه في حال والا حال ياكودها
انا ادفن القرص في جمرٍ تلظَّى ما ادفنه في رماد=احب بيض المعاني كلها ومجنبٍ سودها من طرّد الهرج يبلش ثم يبلش مثل داب الجراد=الناس تفهم وتعرف طيب التمرة بعنقودها أحمد :
ان شفت لك مجتمع ما ترغبه جنّب وصر بالحياد=تمسي وتصبح سليم ولا يجي سمعتك منقودها خل السوالف تجي وتروح قدّام الشتا والبراد=ودك تسولف ونفسك ما درينا ويش مقصودها لويحان :
انا على الشاعر المتكبر المرجوج مالي جلاد=اقول ويقول غيري كل نفسٍ نقصها زودها يقول انا الشاعر اللي ماظهر مثلي على وفت عاد=شعره على ناس مثلي مدها من قال ما جودها أحمد :
الحمد لله لا تقومٍ تصبحنا ولا من هجاد=والناس بالملعبه يا للوح تبذل كل مجهودها خابرك فيما مضى رجلٍ صبور وبالمعاني ستاد=مالك ومال العرب والناس تنحى الناس بزنودها لويحان :
ما احب كشف السراير والمعاني في ضميري جداد=يوم ان بعض العرب يدخل على الأموات بلحودها أحمد :
ان طعت شوري تركّد والقرار الزين رمي الركاد=ترى الفتن ما تصيب الاّ من العربان مقرودها
|
|||
|
|
|
22-09-2007, 08:29 PM
|
رقم المشاركة : 15 | |||
|
كان مرةٍ من المرات وهو في مصر فخرج هووبعض اصدقائه إلى محل معروف عند اهل مصر باسم ـ القناطر الخيرية ـ
شعرٍ مثل يافاهمين التماثيل = كل يجي شعره بحسب اقتداره
من عاش ينظر بالسنين المقابيل = يذوق من العقب البروده حرارة الطيب يخلق مع قلوب الرجاجيل = ماهوب في بنك التجارة تجارة والرزق من عند الولي بالتساهيل = ماهوب بالقوة ولا بالشطارة من عاش في حيلة وكذب وتهاويل = ياسرع من عقب الطلوع انحداره والشور ما ينفع قلوب المهابيل = كالزند وان حرك تطاير شراره لو تامره بالعدل يعرض عن الميل = بستل على رايه بربح وخسارة (1) والطبع ما ينزال غيره بتبديل = مثل الجدي مرساه ليله نهاره والحنظلة لوهي على شاطي النيل = زادت مرارتها القديمة مرارة هذا مثل يافاهمين التماثيل = كل يجي شعره بحسب اقتداره |
|||
|
|
|
22-09-2007, 08:29 PM
|
رقم المشاركة : 16 | |||
|
قال لويحان حين لم يطب له المقام في البحرين:
هاضني وابدا كنيني يــــوم طبيت المنــامـــــــه =ديــــرة مـــــا طبهـــا جدي ولا ابوى القريبي
يـــا ولي العرش منهـــا كف رجلي بالسلامــــه = قبــل مــــا يلحق جديد العمــــر فلاَّج الطليبي اتنحــر نجد حيث ان نجد مضبــوط كمامـــــــه = ضابطـــه مقدم هل العوجا منزحـــة الحريبي والله ان ركبي على هرش ومن فوقه مسامــــه = اشهب ذيلـــــه مشلوط كن جلـــده جلـــد ذيبي في هبايب نجد وارقى من عدامه في عدامـــــه =شربي الما الهمج بأوطاني كما شرب الحليبي انه اشوى من ركوب الغوص مع خطو الفدامه = ما يحوش الليل معهم غير مقــــرود النصيبي |
|||
|
|
|
22-09-2007, 08:30 PM
|
رقم المشاركة : 17 | |||
|
حداني على قطع الخبط غزّة الناعـور= وأنا قبل غزه سالم الدين واشـــــوالي
أصافح بعمري والشقا واشغل المقدور= ولا لي بكتب الدين والزرع مدخــال ولا عرف جلوى والمخانيق وام القور= كليف تعبها والله اعلم بالاحــــــــوالِ كليف تعبهــا كن شغّالها مصخـــــــور= ولو نام طول الليل ما منش مقيــــالِ تمنيت لو اني على اللي تكب الكــــور= طليق الايادي تقطع الفنتق الخــــالي أبا انحر ديــــارٍ تسمع الريل والبـابور= ديار الرخا ما قالوا الصاع بريـــــالِ أبـــــا هدي عليكم يا فلاليح مني شور= الى صار كلّش دين من راعي المـال ترى تركته في مطلب العز والمذخور= أقوله وأنا ما نذرت حالي عن أفعالي |
|||
|
|
|
22-09-2007, 08:31 PM
|
رقم المشاركة : 18 | |||
|
الله يعنيك يــا زول نطحني بــــــايمن الــــسوق=بالمـــــدّعى حادرٍ من عند ســــوق الجودريـــه
ما نيب اعرفه لا شك انه لطلاّب الهـــوى عوق=يسوق راعي الهوى سوق المنجّب للمطيــــــــه بغيت اباريه والى انه مع المطــــــــرق مـرفوق=والى ان ما في يدي حيلــــــه ولا لي مقدريــــه ماسوق ماسوق يا قلب الخطا ماسوق مــــاسوق=لـــــــو ان عندك معرفـــــــه مــــا تولّع باجنبيّه يـــــــــا عود موزٍ يديره بـــارد النسناس برفوق=فيه الثمر مـــــــــال يطرب راعي العين الشقيه يا ناس عمر الفتى لــــو طالت الأيام ملحـــــوق=والمسعد اللي يحصــــل مقصده والنفس حيــــه واين انت يالصاحب اللي في حفيّ اليد ما ثوق؟=ابدي لك الســــالفه وتشوف هي حق أو خطيه؟ انا تحدّرت لبـلاد الريــــــــــاض وصاحبي فوق=متى على خير تلتم الرعيـــة بــــــــــــالرعية؟ |
|||
|
|
|
24-09-2007, 02:02 AM
|
رقم المشاركة : 19 | |||
|
عز الله اني داله القلب ومريح=لين اعترض لي بالهوى مودماني
الصاحب اللي جرح القلب تجريح=تجريح سيل في عروض المحاني لولا الحيا لاطوح الصوت واصيح=على عشير عنه شطني نحاني لوا عشيري قد هاك اللحاليح=يكسر عليه العصر في ذهلاني سقا دياره مرزمات المراويح=آمين ياللي ترزق المودماني |
|||
|
|
|
24-09-2007, 02:04 AM
|
رقم المشاركة : 20 | |||
|
شفت لي جادل منها فوادي سقيم=من غزايز هل العادات قبل الكمام
ناطحتني عصير اليوم حول الحطيم=بين زمزم وركن الملتزم والمقام الملابس نعيمة فوق جسم نعيم=كن في لبته مخراج بدر التمام عود موز يهزه مستقيم النسيم=ناركم يازريف الطول برد وسلام أعطبتني وانا من قبل هذا سليم=داخلٍ الحرم عابد ولا لي مرام الحرم في ما يذبح جريم لجريم=كيف ما تمنع الفعال يابن الامام كان ما تنصر المظلوم فالله كريم=ينتصف لي بحقي وآخذه بالتمام أنت مثلك مجرب والمجرب حكيم=مايلوم المولع في طريق الغرام |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 4 ( الأعضاء 0 والزوار 4) | |
|
|
رد: لويحان
