اصحاب الرّقيم

[صعبة المنال]

دووم طرح غير يا مااااجد


صح لسانك


صعووب

[محمد عبدالله البدراني]

العزيز الغالي ماجد الزيد سلمه الله


الف الف مليون صح السانك


ولاهان راسك

مبددددددددددع دوما لاعدمناك



لله دررررررررررررررررك


ولافض فوووووووك


تحياتي

[ابومياس]

كل عام وانت بخير

وصح لسانك وبيض الله وجهك

نص جزل كعادتك

مبدع مبدع مبدع

دمت بخير

[حوريه]

قصيده جزله ارتقت بنا لقمة
الأبداااع والتألق....
صح قلبك يااااماااجد
ولا هنتــــ..........

[الخنساء]

المشاركة الأصلية كتبت بواسطة ماجد حمد الزيد

السلام عليكم ورحمة الله وبركاته
كل عام وأنتم بالف خير وعزٍّ وتمكين
تقبّل الله صالح اعمالكم
وغفر للمسلمين والمسلمات القانتين والقانتات

عسعس الليل ُ البهيْم وْعوى ذيب النجيم =عوية ٍ قد زلزلت جال ٍٍ وهدّت رجوم
ايْه ِ ياذيب الوفاء وانت للخالي نديم=والله انّ عْواك كيّه على دهر مْحموم
يسمع عْواك اللذي نازل ٍ روضة خريم=يقرع بقلبه كبرق ٍ شلق ثوب الغيوم
عويتك ياذيب عنّي توصّلها لريم=قل لها الجبري عن الغيّ يالتّرفه يشوم
الهوى ماهو خواطر يصدّقها غشيم=قد كتبها واحدٍ زارع ٍ فيها لغوم
ذا ونا في بطن وادي كأصْحاب الرقيم =خاليبْ أْرضي وعيني جفاها كلّ نوم
إن غفت شفت الشّياطين في ساقة رجيم=كلّهم مزور بعين ٍ عساها للسهوم
عذت بالله فالق البحر بأمره للكليم=مُغْرق ٍ فرعون مهْلك هل الرّس وسدوم
من شرار ٍ كلّ مبْعد عن الشرّ الضّريم=يتبعون المعتزل فتنة ٍ قامت تسوم
في سنين ٍ اذهلت صاحب العقل الحليم =من تساوو في عيونه عرب فرس ٍ وروم
صُدّق الكاذب وكُذّب صدوق ٍ مستقيم=والأمين وْخوّنوا فيْه والخاين لموم
و الرّويبض تافه النّاس يضرب بالصّميم=الاّ يضرب في صميم امّة مْحمد عموم
اللكع سيّد وسادات يعرب كالحريم =والجبان مْقدم ٍ بأول الصّف ويروم
ويْش اعدد والله انّ الدّهر هرم ٍ سقيم=وش بقى والحر هايب من البومه يحوم؟
كل ما فوق الأديم إلاّ يرجع للأديم=ثمّ ليومَ الفصْل بعث ٍ وله وقت مْعلوم
يا عمرو يفداك شيخ المشايخ والزّعيم=اوقد مْن النّار ما يحرق رجال الهدوم
شبّها بْروس العوالي تلظّى كالجحيم=منّها يلقى اللعين الحرارة والسَّموم
اتخذت مْن الجنون الف معراج ٍ قويم=و الهموم انْ حوّطتني لي العليا تخوم
راهب ٍ لي بالقفر صومعة عشق ٍ قديم=و الزّباني وسط صدري وشِعْري كالحموم
والقريحة حين تزْفر تغيّظ كالحميم=يسْجدون الجنّ قوم ٍ وراهم قومَ قوم
من حضرها طار له زهزجان ٍ كالصّريم=لا مهي ْ يا لا للا لا لها طبع مْحشوم
ثم يجي قرم ٍ من قْرومهم فوق الظّليم=(كلِّ ما يظهر تذكّرت مقتول ٍكتوم)
من رحل عنْها وهي للئيم ابن اللئيم=ذاك لو ظلّه خضع غيّب الشّمس بْهجوم
بنت ياللي تنشدين , القريشي! ما يقيم=بين ناس نْفوسهم طبعها طبع الرّخوم
ذا ونا مالي بوجهي خصيم ولا غريم =اوالله انّ مالي عدوْ بيّن ٍ حتّى اقوم
اوّالله انّي يوم اخاوي اجي قلب ٍ سليم=اوالله انّي ما اشيل الضغينة فوق يوم
قد جعلت العقل شعر ٍ لكلْ عقل ٍ فهيم=والغبا درع ٍ تدرّعته يْرد الزّحوم
وفي شعاب ٍ ما نزلها سوى فحل ٌ كريم = يا سعاد ٍ والله انّي بها خالي هموم
القفر ماهو هذاك الخلا بعْيون ريم=القفر والله قلّ المبادي والسّلوم
ذيب يا ذيب الوفا ما عويت وْفيك ظيم=عويتك والله تخْرس من بْفمّه شلوم

صح لسانك مليون

قصيدة جميلة

سلمت وكل عام وانت بخير

[مبروك بن ماضي]

صح لسانك مليون ولايكفون
كعادتك شاعرنا القدير/ ماجد الزيد
الابدااااااااااااااااااااع :
ولا غير الابداع أجده في هذا النص
وكل نصوصك الشعرية الجميله
سجل إعجابي الشديد
وتفضل بقبول تحياتي
أخوك / بن ماضي

[زهرة اللوتس]

الشااعر ماجد الزيد


لله درررررررررررررررررررك



رسالة سامية معانيها تنطق بسحرالبيان

سلم نبض بوحك وعلا شأنك

سعدت بمصافحة هذه الراقية..



لك فائق احترامي وتقديري


تحياتي


زهرة

[سعيد الصاعدي]

الاخ الفاضل / ماجد حمد الزيد
صح لسانك لاهنت
لاجديد نص شعري قمة من شاعر القمة
روعة بكل ما فيها
لله درك ياماجد
تسلم ويسلم فكرك يالغالي
تحياتي
أخـــــــــوك
س / ص

[ماجد الزيد]

محاكي الورق والورْق

صح الله بدنك واشكرك على المرور الرّاقي

كل عامن وانت بخير

[ماجد الزيد]

الطّامي هلا وغلا اخوي العزيز
صح الله بدنك واشكرك على مرورك الراقي
وكل عام وانت بخير