السلام عليكم

[ابو أنس]

ابشري جابها لك ابو عبدالله مقورعه مليانه ماعليها زود
بس حنا ننتظر نشرها علشان نتعلم ومنستمتع
الله يجعله قرة عيون والديه وان ينفع به دينه ووطنه ومجتمعه واهله
آآآآآآآآآآآميييييييييييين

المشاركة الأصلية كتبت بواسطة أبوأنس

ابشري جابها لك ابو عبدالله مقورعه مليانه ماعليها زود
بس حنا ننتظر نشرها علشان نتعلم ومنستمتع
الله يجعله قرة عيون والديه وان ينفع به دينه ووطنه ومجتمعه واهله
آآآآآآآآآآآميييييييييييين

آمين الله يسمع منك اخوي أبو انس

ومشكوووور اخوي عثمان الله يسعدك اسمه عبدالاه

واللي يميزه البراءه والروح المرحه

[الطائر المهاجر]

لعلي القى فرصه واكون مروق فيها واكتب ما اعتقد انه ملائم

مشكور اخوي عثمان وماتقصر

الله يسعدك

[الطائر المهاجر]

ياحبي الله ياحبي الله ياحبي الله = عبادي لاضحك والله ياحبي الله
عبادي النور في ليلي وقنديله = عبادي الكون والدنيا يساويها

هذا اللي طلع معي هالحين
لو لقيت فرصة رايح ازيدها

تمنيت انها اطول من كذا

وعاذرتك اخوي عثمان انك منشغل وربي

[الطائر المهاجر]

السؤال هل ترغبين هذا النوع من الأناشيد
ام ترغبين بقصيدة بمعنى الكلمة ؟

ياهلا فيك اخوي عثمان

اول شي معليش اتعبتك معي اخوي

وانا والله مدري غشيمه شوي اعذرني

ابي قصيده عايديه مدح في براءته

[ابو أنس]

اولا آسف على التطفل واقتحام هذا المضمار وقد استعد له معلمي ابو عبد الله اللذي لاشك انه سيبدع ويتفوق لولا ظروف انشغاله التي لاتخفى على الجميع.
ومما جرأني على التطفل هو ما رأيته من عجلة والحاح من قبل الأخت السعوديه ورغبتها في الإنجاز السريع وقد يكون لمناسبة سعيده.
فعذرا على التطفل .وتبقى مشاركه قد لاترقى للمأمول وتبقى مشاركة ابي عبدالله منتظرة ومطلوبه

جيت ياعبّود و الله قد كتب لي=من حظوظي اني اسعد والتقيك
يافنار الدار حظي قد ضحك لي=كلما اشوفك واقبّل وجنتيك
معجم حروفك صعب ماهوب سهلي=لانطقت انساب لحن(ن)بشْفتيك
لو تغاغي او تناغي او تللّي=لازم آقف واستمع وانصت إليك
لازم آفك الرموز بكل حلّي=وا تعرّف طلبتك واركض واجيك
في فراشك كنك البدر المطلّي=واذكر الله كل ما طلّوا عليك
فيك في الخدين غمّاز(ن)يسلّي=لاضحكت اضحك واناظر واحتريك
ياملاك(ن)في فؤادي مسفهلي=مالك(ن) عقلي وروحي واحتميك
جعل ربي يحفظك من كل زلّي=يكمّلك بالعقل ويهني ذويك

[الطائر المهاجر]

لاهنت يا ابو انس
كفيت ووفيت
ولاهيب لاقية احسن من هالقصيدة الطيبة في عبدالله
ومن شاعر كبير بحجم ابو انس
فجزاك الله خير
تحياتي الطيبة