{ أحـــلام الأطــفـال }

[حرف وشعر]

المشاركة الأصلية كتبت بواسطة مهدي الحبابي

أقدم بين ايديكم هذه الابيات ارجو ان ترتقي لذائقتكم

صـرم حالـي صـرم منهـو عـلى مـوتـه قــدم=حـدتـه سـود اللـيـالـي وهـو مطـلوب ثـار
وياوجـودي وجـد منـهــو بـلا ســاق وقـــدم=قـطـعـت الـرجـلين مـنه وهـقـواتـه كـبـار
طـــاع تــقــريــر الأطــبــاء ولأكـــنـه نـــدم=وأصـبحت نـفـسـيـته من دمار ٍ في دمـار
مـن كـثـر مـا يشـرب الـمـر صايـبـه الـسـدم=الصـبر علقم وجرحه ما يـلـقـى له غـيـار
شـاب رأســه يـبـني أمـال والـوقــت يـهــدم=والـفـقــر خـيـم بـداره وبـزرانــه صــغـار
يـزرع الـفـرحـة للأطـفـال مـن عـيشة عــدم=ذا يبي لعـبه والأخـر على نـفـس المـسار
يـبـنـي أحـلامــه بـبـكـــرة ولـكــنـه أنــصـدم=يوم شاف أحلام الأطـفال طوقها الحـصار
فالـزمـان اللي يـعـامـل هـل الــحـاجــة خـدم=يـسـلب الضـحـكة ويعـطي ثـمنهـا للكـبار
والـوجـيه الـلـي تـخـفـت بـها الــدم انـعــدم =لن بـعضهـا يـمـكن يحـل ويــصـدر قــرار
ذا وجـودي بـعـد حــلـم ٍ بـنـيــتـه وأنـهــدم = يوم غاب اللي من أجله كفخ قـلبي وطـار

مهدي الاحبالي صح بوحك علي هذه الدره

التي تخللها الابداع من جميع جوانبها

واكتساها الحزن الذي لم يعكر علي

جمالياتها

حفط الباري من كل هم

[مسالم]

صح لسانك واعتلى شأنك
نص رائع من شاعر رائع
لاهنان راسك

تحياتي

[الخنساء]

صح لسانك مليوووون ولايكفووون

قصيدة جزلة من شاعر متمكن

سلمت ودام حرفك

[المورد]

جزله من راس جزل
صح لسانك
ولاهنت

احترامي

[عبدالله راشد الثويني]

ياسلام عليك ايها الجزل
ابدعت وامتعت
قافيه رائعه
ومضمون لا يعلى عليه
صح قلبك ولا هنت
وتقبـّـل إعجابي

[عبدالعزيز العمار]

مهدي الحبابي

صح لسانك وجاد بيانك

جزله من شاعر جزل

تحياتي وتقديري

[سناعيس]

صح لسانك يالحبابي
وبيض الله وجهك
والحمدلله على السلامه
فقدناك وين الغيبه
لاهنت

تحياتي

[الـزلـزال]

مهدي الحبابي

نص رائع وجميل

من شاعر تعودنا منه تقديم كل مايليق

ابدعت وأمتعت شاعرنا رعاك الله

دمت ودام حرفك الجميل

صح لسانك ملايين ملايين

ولك فائق تحياتي وتقديري

[بنت العز]

بوح رائع ومميز وجميل

دمت ودام حرفك ونبضك

صح لسانك ملايين ملايين

[صعبة المنال]

من كثر ما يشرب المر صايبه السـدم
الصبر علقم وجرحه ما يلقى له غيـار

صح لسانك