ياعلي يابحر هاتك نكملها

[عبدالعزيز العمار]

صح لسانك ياعلي
ولاهنتو كلكم
تحياتي

[نجم الإبداع]

مرحبا بكل من مر وصحت ابدانكم جميع

لاعدمتكم

[نجم الإبداع]

يابحر بحرك تجاوز وفللها=للذهب سكه وللفضه سكاني
افحص ابياتك قبل ماتنزلها=واظبط الميزان دامك تمناني
اعرف ان القافيه يوم اقبلها=سلكها حساس صوفه وكتاني
خل من عدى وبالمدح خللها=مايعاين فرق واضح قد اعماني
الذي لو جاء عجز لايعدلها=مايجيب المعرفه شخص تنزاني
للطروق حروف ساكن وشد لها=والسيوف اشكال هندي وشاماني
لاتقول فلاح وده يقفلها = والورود تغار من ورد نيساني
او تقول اليوم ودي نؤجلها=لين ياصل قبل رمضان شعباني
خذ كلام الشاعر الي يسملها=وان كرهت الحق فارجع لعثماني
ماتقلل قيمة الشاعر ازهلها=انت شاعر مير خانتك الامتاني

[بحر الجنوب]

واضحـــه يافلاح أنك مطولها=هاك خذها وجاتك مثل نيشاني
القصايد من ابداعي واهللها= اعجبك ذا البدع والا ارسل الثاني
كل عله احس اني معللها=وأعترف لك لو اني كنت سهراني
لكن اليوم باضلل مظللها= باعذب الشعر من وزني وقيفاني
قمت صاحي على شانك مبدلها=وانتبه يوم تتركني وتنساني
الحليله على الهاجس معلمها=واللحن لحنكم مااني بزهـراني
والجماهير لو ودك نوكلها=لين يظهر لنا رابح وخسـراني
جيتك الليله واحذرني تحللها=للتحدي معك جائع وعطشاني
ماشربت الا ربع كاس اسهلها=لكن اليوم عندي كاس ملياني
هاجسي يفحص ابياتك يغسلها=لا مسوي لها دكتور نفساني
اغسلك بالحروف الي مدبلها=من بحوري ولولوي ومرجاني
أدري ان المجاراه ماانت قد لها=لا ولا شانك يطاول على شاني
الحديد ارطال وانته مرطلها=والذهب معروف سعره بدكاني
كل تسعيرتن وانا منزلها = ولأجل عينك ابيع اليوم مجاني

[نجم الإبداع]

صح لسانك ياعلي

ولنا لقاء اخر ان شاء الله

لاهنت

[بحر الجنوب]

صح بدنك فلاح والى اللقاء ولك تحياتي,,,,,,,,,,

[عبير الورد]

الله الله


صحت السنتكم جميعاً
صوت وصدى ولا أروع

يعطيكم العافية

[حوريه]

مبدعين صحت قلوبكم
ولا هنتواااااااااااااااااااا

[عمر ال شيبي]

صوت وصدى جزل الكيف والفكر والمعنى

صحت قلوبكم

[الطامي]

صح السانتكم
قافية ومعاني طيبه
شكرا لكم