معلقة ((الشكل النهائي للضياع))

[يوسف الشقران]

المشاركة الأصلية كتبت بواسطة أبوأنس

ابو عيسى............
حياك الله وبياك وقد اسعدتنا بلقاك
للإبحار في ثنايا هذه القصيده متعة خاصه ورونق وبهاء
حمله جودة نظمها وتوحد قافيتها وعذوبتها
وتكّن ـ ما شاء الله ـ كبير في تطويع الحرف واللفظ والتركيب والمعنى بلغة جميلة وراقيه
لك الشكر وكل عام وانت بخير

كل عام وانت بخير والله ايحييك
اسعدني ردك الراقي وكلماتك المشجعه
الف تحيه وشكر

[يوسف الشقران]

المشاركة الأصلية كتبت بواسطة الآكيد

ابوعيسى



صح لسانك على هذا الابداع


قصيده رايعه تحمل معاني كبيره

تحياتي

شرفتني بمرورك
وكلماتك وسام علي الراس

الف تحيه

[يوسف الشقران]

المشاركة الأصلية كتبت بواسطة ابو زياد

ابوعيسى الابداع يتجلى من منطقك
ويلف ابياتك
صح لسانك ودمت بخير

الابداع هو كلماتك المبدعه
ومرورك العطر

صح بدنك ولاهنت

[يوسف الشقران]

المشاركة الأصلية كتبت بواسطة نسناس الهوى

بحر من الابداع اللا محدود ..
صح لسانك ولاهنت ..
وسجل اعجابي بما كتبت ..

مشكور استاذي
شرفتني واكرمتني بمرورك


الف تحيه

[يوسف الشقران]

المشاركة الأصلية كتبت بواسطة مزبن الجاني

هناااا

نجد

روعة الابدااااع

وتميز الشاعر الفذ

اخي العزيز

سجل اعجابي

بكل قناعه

يعلم الله ان كلماتك لها رونق خاص اسعدتني كثيرا

الف الف الف تحيه

شكرا

[يوسف الشقران]

ساعود لباقي الردود انشاء الله

ولكم كل الود

[يوسف الشقران]

مشاعر حالمه

عبدالله بن سعود

فلاح بن منشار

سـعـد الحويماني


كل التقدير والشكر

ولي عوده لردودكم الكريمه انشاء الله

الف تحيه لكم من القلب

[فهد الغنام]

ابو عيسى ... انا شهادتي فيك مجروحه ...


لكن الحمد لله انا قلت في الترحيب بأنك مكسب لهذا المنتدى ولاخاب ظني .



معلقة العصر الحديث ..



طويله ... يابو عيسى .. بس قويه من اولها الى اخرها .




ابو عيسى ... انا رديت لك على الايميل .. مدري وصلك والا لا .




صحححححححح لسانك يالغالي .

[يوسف الشقران]

المشاركة الأصلية كتبت بواسطة مشاعر حالمه

ماشاء الله عليك ..

100 ويزيدون من الأبيات الراااااااائعه واللي تحمل كلمات هادفه ..

صح السااانك ولاهنت يالقرم ..

تحيتي لك / مشاعر حالمه ..

الف الف شكر وتحيه

شكرا علي هالاطراء الجميل
وانا ماتعمدت اتكون اكثر من مئة بيت
لكن طلعت معاي بهالصوره

لكن الوعد الاهم واللي ااكده لك

انك مع كل قراءه لهالقصيده

( اذا ما شرفتوني بقراءه ثانيه )

فانا اعدك باكتشاف جديد خلالها

الف شكر مره اخرى

المشاركة الأصلية كتبت بواسطة ابوعيسى

السلام عليكم ورحمة الله

اعلم ان هذه القصيده ليست جديدة علي البعض
ولكن كمشاركه اولى احببت ان اضعها هنا


ــــــــــــــــــــــــــــــ ـــــ

هناك من قال عنها ملحمه
وهناك من قال معلقه
و انها قصيره رغم طولها
أما أنا بعد الضياع
أسميتها الشكل النهائي للضياع

((الشكل النهائي للضياع))

صورة أنغام الـورود اتكلم إحساس الثوانـي = في هجير الليل وأمواج البحار المُقفِرَه
صار نور الشمس مظلم والقمر شكل افعواني = والرمال انهـار تسبح في رياض المقبَرَه
ليل ابو تمام جاحظ والفرزدق أخطلاني = ماعقل مجنون ليلى لو قصيدي يذكره
ياهلا بفرعون وكسرى وقيصر وجنكيز خاني = وان حضر هتلر معاهم لاتقول اشطمَّرَه
وان تغيَّب موسوليني جاكم ستالين عاني = كمَّلوا بالكوت ستَّه والورق ما أكثره
دمدم الإنكار في وجه العبير الزعفراني = والخمايل تستظل الشمس في غصن اشجره
في حكايات ألف ليله تنكتب ليله عشاني = وارجع اكتب ألف ليله عن مشاعر نيِّرَه
يافرح وقِّف عرفت اللي تبيه وماخَفاني = جيت تطلبني دموعي والدموع محيَّرَه
يشتري من لا يبيع وليتني بعت وشراني = يرتفع سهمي وينزل والظروف مسعَّرَه
شفت حلمي في صلافه أعلن الحرب وغزاني = وطَّد الأمر وبنى في داخلي مستعْمرَه
واستقر وجا يِذكِّرني و ياليته نساني = حط لي في كل باب وكل مَدخل سيطَره
فارس العشق ايترجَّل من على صهوة زماني = تغترب فيه المساكن والقوافل مُبحِرَه
ياقصيدي ليش تنحت للسحاب انسان ثاني = ياقصيدي وقف أوزان الشجر بالمسطره
هذي قصه ماعليها ملح في سن الأماني = للحيا تنهيد في ذكرى ضياع الشوشره
والخطيب أطرم علي منبر علي فرش اقحواني = والقطوف اصلب من التهذيب في جسم اصْخَرَه
مر طاووس ايتغطرس كان متواضع أناني = كان في طيبِه بخيل وفي عبوسه كَرْكَرَه
كسَّر القاف وتمرَّد قافي وثار وعصاني = جيت أجبر قافي المكسور فيني واكسره
مقتنع بالواقع الحالي ولو جار وضناني = والقناعه كنز لايفنى ولا فيه اثمَرَه
مرحبا ياهادم التركيز مِنصَف الثماني = مفرداتي غصب عني لاشتهيت مجرجرَه
فيك شي ايخالف التقدير والفطنه كساني = فيك شي ايخرِّب الفطره وبايديك اخبَرَه
صرت أدوِّر فيك من جهلي وأبي فك انسجاني = قيدك اصعب مايكون اني احدد مصدَره
في بلاط السوسن المقهور لو دربي مشاني = ماوقفت ولا انعطفت ولانطقت بثرثره
للسهر تأثير سحري يشتعل في صولجاني = يبتدع من لايبدع دام هذي مِحْبَرَه
ياكرز ياتوت ياتذكار يسبق عنفواني = لاتشيل الفُل والريحان فيك أستَشعِرَه
مايز بلذة حلاك وآه ياسمر ياسمراني = والحلا بلا ملح باهت وان تحاليت أسمرَه
يا زمرد يا درر ياكنز أسطوري لفاني = لَفني في ألف ضحكه في سكون معطَّرَه
في جمال القبح كان الرمش هاوي لاحتضاني = والحنين الحاير المهزوم شاف المرمره
والحـزن يرسم لنا بسمات والميـت يعاني = والجروح اتفرِّح الأطفال والجرح اشْعَرَه
ينتهي من لابدا خاف النخل يزهر اواني = باشتعال الثلج واحلام الشمال الممطِرَه
لاطفيني والعنا باللطف لاطفني ونصاني = ومانعيني كان في منعك حياة مقدَّرَه
بين طيات المواصل مارسينا في مواني = والبواخر ترفع أعلام البلاد المثمِرَه
والغدير اينافس الشيطان في ذات المعاني = والقمر يملك مجرات الأسى والأبخِرَه
ياشعورٍ كان في ماكان لو كان بمكاني = كانت الكف الكفيفه لو تكرم منكره
في حروف المعجم ايسلم عليك الأحمداني = واستعارات الكنايه بالنهايه مُجْبَرَه
لاحتجب نور القمر والهم غافلني وجاني = تاه في ظلي ظلام الليل والظلم أشكَرَه
أنتخي بالموت يفزعلي علي همي وسلاني = ما أشوف الموت ساعدني عليه و ودَّرَه
صار كحل الخد أوضح من سلامات التهاني = والتحيات العنيده للغروب امصَخَّرَه
عاش ابو زيد الهلالي كان ابو ليلى دعاني = والزناتي من زناته كان صَرح المَفخَرَه
حبة الخال الفريده يرتوي منها حناني = قيل عنها في خيانه كيف صارت مُسْفِرَه
في ضميري احصان طرواده يقدم في صواني = بلغ اليونان عني كان فيهم مقدِرَه
قفل الباب الحديدي عن أقاليم احتقاني = في أماكن يسجد الإنسان فيها لبقره
قالوا ان ابليس له قرنين وان ابليس فاني = يصغر بكِبره ويكْبر ذنبه الله ماكبَرَه
والبس بدوري من التيجان ماكان اهتواني = واترك ابليس ابغروره مادريت اشغرَّره
واتعلم من حيـاة ابليس وشلـون التفانـي = بس أغيِّر جملة الأهـداف واقلب محـوَره
شاع تقديـس التأسلم في مذلَّه وامتِهانـي = مد لي ورده ويخفي عن عيوني خنجَره
ما اعترفت بكل مايَعْبُد مجوس وكيفرانـي = وارتضي بالله ربـي كل يـوم استغفِرَه
ياعسير النـوم يسرها تـري همي طوانـي = كل هوجاسي نسفته وانت أشوفك تسهَرَه
طال هجراني لنفسي والغضب زاد وعَمانـي = والغضب لـو راي عاقل ماتعدى الحنجره
طاح مجدافي قبل يتعب وانا باكسب رِهانـي = صرت ادوِّر بالتعب مخرج واقول المعذِرَه
صرت اطرِّز حرف وأنقش حرف والحرف انتهاني = وانتهـى حرفي وخليت الدروب محفَّـرَه
سلسبيل الشرخ في نسمات خط الأصفهانـي = صاغها المرجـان في نعي احتمال المجزره
في فضاءات العسل كان الذهب لون ارجواني = والحلا مكـروه والمصفـوف اصلا بعثره
تنكتب أوراق فوق أقـلام حبر اسكندرانـي = ضاع فيها الرُشد والآفاق ماهي مُزهِرَه
واحد اثنين أو ثلاثـه لـو تبينت امتحانـي = والإجابه في تسـاؤل تعطي نسبه مُبهِرَه
والحساب ايكون حسبه نحتسيها في قنانـي = نجمع القسمه ونطـرح في قناة مشفَّره
صوت نبت الأرض مايرتاح من صمت الأغاني = والكلام ايكسر أزهار الجفـاف بمنظره
في كرامات أولياء الليل شـاخ العسقلانـي = وانتهض طفل الربيع المعتدل للغشمره
ماسمعت الأصمعي منهو سواه اللي شجانـي = يستهل بصوت بلبل في البدايه صوَّرَه
ثم (كَعكَعها وطَبطَب ) من فنون الأصمعانـي = وابتلش منصور ذاك الوقت في ما قرَّرَه
هَدني هوجاس فكري وأَرتجف مما كوانـي = واحمد الله مابقـى فالبال شي استخسره
تدمع الآثار في تزييـن مستقبل كيانـي = والـرسايل لونهـا قمحي وبس مكرَّرَه
هاك ماعندي وعندي خير وعين الله تراني = والنفـوس بنسجها الخالص تكون مخيَّرَه
من قدر يفهم قدر مفهوم أرجيه ورجانـي = واللـذي يفهم يفسر لي أمـور مفسَّره
حاصرتني عالي الأسوار والواقع دهانـي = وانصدمت بلا موانع من قريب الأسوِرَه
ماعلي وأفترض إن الأسى يوم اصطفانـي = بدَّل المذهب ونادى بارتيـاد الأديِره
اشـرب المر ويحليـه التفـاؤل لا أتانـي = وادري الدنيا بتعرجهـا خطـوط مدوَّره
حطني في البال او مابين رمشك والعياني = وانتبه من ضحك رمش أشفق عليه وأَحذَره
ياحسافه كنت مستهوي هواك ولا هناني = من هـواك الا هروبي واستحيت استذكره
ايه انا اللي شرَّع الباب لهواك ولاهواني = واهتويت اسفك قصيدي في غرامك وأهدرّه
ايه انا اللي أطلق المطلق وسميته حناني = ايـه انا اللي ما تمنن في عطاك وما شرَه
ايه انا اللي جمَّل اجزاء الروايه واستهاني = ايـه انا اللي رتَّب الموضوع هذا وسطَّره
ايه انا اللي حدني شعري وحددني وحداني = ايـه انا اللي تعَّب المعنى الغريب وعزَّره
صرت الملِم ما تنثِّر واهدم اللي كنت باني = أجمع أشتاتـي وأشتت ماجمعت وأنثرَه
يمتنع سهل الكلام الممتنع عني وأراني = القط أجزاء السؤال اللي تصعَّب واحشره
من حماسي أسمع التغريب معزوف ابكماني = واسطـوانات النشيـد اللي سمعت مطوَّره
ياربوع الشام ضاعت شذرة السيف اليماني = زخرفة قصر الولع تسرق خيالـي وتسحَرَه
للغروب الهام طاغي كل ماحل اعتراني = ينفض الـواقع وكـل الأُمنيـات امغيِّرَه
يلتوي غيري وأنا بالدرب ماشيٍ لواني = لكن اسلك في مسـاري لاتصعَّب أيسَره
وارتبك في موطن الإرباك وافقد اتزاني = عن طريـق الثور وخِّر ماتفيـد العنترَه
مارضيت أَقبَلْك لكن شفت رفضي لك أَباني = لَملَم الفاضي وقدَّمها إليـك مصرَّره
ثعلب الصحراء رومل لو من الخبره عطاني = كان سـويت الهوايل في نظـام العَسكَرَه
في شعارات العرب القى الجرب واللون قاني = تنرفع من شخص متصهين ونفس مزوَّره
لاتسائلني عن اللي كان واللي كان كاني = ولا تحـاول تخلط الموضـوع أيمن بايسَرَه
فوق عالم من صفيح أسايرك وارفع بناني = وآخذ الإذن إنـي أهدم كل معلم وادمرَه
لاتزيد الطين بلَّه واطرح اخفافن سماني = من ستر نفسه عسـى الستـار ربي يستره
يكفي ماسويت مامليت من كثر الطعاني = والطعون اللي تجي في ذات ذاتـي موغِرَه
يابعد منهو بعد واللي بعد حبه براني = يابعيـد القرب لاتبعـد وروحـك مُحضَرَه
خفِّتك مثل النسايم يارفيع الحاجباني = تمشـي الخطوه تزينها دلع فـي بختره
للجبل مليون قمه ارتقيها وارتقاني = طيـفك اللي احتل ممتد الخيـال وحـرَّرَه
شاب راسي واصبغ ابيض كان ماربي هداني = وان تزاينت السـواد القى علي الرف اغبَرَه
كيفي وان خالفت كيفي ماوصلت اللي جفاني = وان عصى جمهور أحاسيسي أفض الجمهَره
مختصر طول الحديث وليت معناه استباني = يمكن الزبده تكون بغيـر قصد مأخَّرَه
هانت ولاهان غير الشاعر بعصر الغواني = والطلاسم تلفت الأنظـار والداعـي مَرَه
يرتقي قدر السحالي والعقارب والحَصَاني = والحيايا بـآخر الدعوه تصيـر مأمَّرَه
لاخطيت ولا تخطيت الحدود او كنت جاني = أجهل الظـاهر وأفهم مايكون بجوهره
من عواصم هذرتي ناديت يامرٍ سقاني = كيف يطري للفرح ان الـمرار أستَثمرَه
تنشطر ذرات عقل الفيلسوف الألمعاني = ماعَرف سقـراط عنها لو أرسطـو دبَّرَه
لامني من لاعرف نفسِه بالاول وابتلاني = لـو يركز بالمرايا نظرتِه شاف اظهَرَه
يجنح التعبير في وصف الكلام الأولاني = كوكبة تكفيـر كافـر بالغـلا مـا أكفره
واخرتها جاك منهو يمتهن كاني وماني = يحسب ان القـاف متبـعثر ولا يستعْبِرَه
تلك كانت كيف ما كانت ولا هذا كفاني = والكـلام ايجر بعـضه والدْلال امبَهَّرَه
كان الأحمر في زراقه صار أسود أبيضاني = لاتقـول ان البنفسج كان أخضر باصفره
هذي من هذي وهذا اللي تعثر في لِساني = واحتجب كل اجتهادي في هوي المُستنصِرَه
دامها انغام الورود اتكلم احساس الثواني = لاتـلـومـون القصـايد والبحـار المقفره

***

دمتم بخير

وكل عام وانتم بخير


الف تحيه
( النقد بأي شكل سيكون مفيدا )

ـــــــــــــ

صح لساااااااااااااااااااانك


لين ترضى


لاهنت


جزله

جزله


تقديري واحترامي