مساجلة التحدي بحرفين فأكثر ومن بدعك

[الطائر المهاجر]

صورت لك ما ينجهل من تواريخ = وصورت لي جنه وحورٍ ورمسيس
احداث راحت بين صحٍ وتشليخ = حتى ولو كتبت باثرها قراطيس

[نجم الإبداع]

طيس العرب يضحك منه جاهل السيخ = لاناضره منهان تحت امر قسيس
مجار ماجا منك بالعلم توبيخ= تفند التاريخ وانته برنسيس

[الطائر المهاجر]

سيسونا الغرب واصبحنا قلم = ينكتب به ما بغوا من دون ليه
لين دحدرنا وتوطتنا الأمم = ونحسب انا فوق.. وهم نعتليه

[نجم الإبداع]

ليه والا لو يجي منها السأم = والمقدر قد كتب رقمه عليه
سورة الإسراء بها كل الحكم = العلو قدّر لهم من عقب تيه

[الطائر المهاجر]

يهدي الله كل من ظل الطريق = ومن بغى المسجد عرف دربه اليه
العماله ريحها يمرض بضيق = من يصلي جنبهم سلم عليه

[نجم الإبداع]

يهرج العاقل وفي قلبه حريق = والعماله وش لها فيما يليه
قلت فكره مالها مبنى خريق= والصلاه لله والرجعى اليه

[كظيم]

ليه وقفتم من اعوام وليال=عن مجاراة الحروف ابـ / آخره
التحدي له مقال ابكل حال=مثل رسم الخارطه للباخره

[محمد بن عمار]

باخر هموم الليالي اللي توالت بالعذاب = ذقت همن صار في طعمه مرار و مجمجه
كلما قلت ان قلبي عن هوى المحبوب تاب =
عود لطبعه يمارس وسط
صدري خجخجه

[الطامي]

خجه اللي صايبه مرمسٍ حبه دفين = ان تكلم مشكله وان جحدها مشكله
صايبٍ قلبه هوى ملهوفة حشى وزين = صحبةٍ مثل العسل طازج امه تنكله

[نجم الإبداع]

كله حروف الخط في صفحة الحب=وانا من اهل الحب مبعد ومرتاح
قل للثويني دام له علم بالطب=يقرب لنا المشرط وباعطيه مفتاح