قصائد كوميديه للطائر المهاجر

[شمس القحطاني]

المشاركة الأصلية كتبت بواسطة الطائر المهاجر

محاورة لم تنتهي

لعنبو هالحظ ماني له خوي = من عرفته واقفٍ لي في خصامه
قلت تكفى... قال ما نيب بدوي = ما عرف النخوه ولا لي بالشهامه
قلت رزقي راح بيدين القوي= لو تردّ بعضه وتخصم للغرامه
من شريت السهم دحدر في الهوي= وانت يالمنحوس من دمر حطامه
آه ليتك رجل لانصاه نصوي= واذبحه وافتك من باقي جهامه
قال لانّك يالمغفل مهتوي = من قرب للداب تلحقه الملامه
عارفٍ للسوق كالذيب يعوي = وتدخل رويسك بجحره كالنعامه
وفي النهايه اتقول حظي بالذوي= ويش اسوي لك مدام انك صتامه

الله الله الله

شهالجمال ...شهالروعة اللي اهني ...

شي فوق الوصف الحقيقة ...

قوية جدا وكلماتها بالصميم

رائعة

دمت بود

[الطائر المهاجر]

وقم يالهندي وكفخ الشايب وربطه ، وخذ كل قروشه وجوازات السفر
ويوم رجع الولد واذا بأبوه في وضع مزي ، وشرح له القصة
اركضوا يدورن اللي خطب لهم في المسجد ما لقوه ، راحوا للبيت
اللي سبق ان اشف الشايب البنت من ورى الدريشة واذا به مقفل
نشد الناس ، قالوا : هذا نفر بنقالي مافيه هندي ، وشال عفشه
ورحل ولا ندري وين راح ، والا والله يوم تورطوا ، بلغوا البوليس
باللي حصل وشرحوا القصة كلها : قال لهم القانون لايحمي المغفلين !!
وعلى طول للسفارة واشوى لقى منهم تجاوب ، وعطوهم جوازات بدل
فاقد ، وحجزوا لهم على اقرب رحله ...
طبعا الشايب ما يبي يكشف للشيبان وش الل حصل له حتى لا يتشفون
منه وقال لولده اياي واياك تعلم امك ..
وفي جلسة الشيبان : كل يبارك له ويهنونه ، وهو يتظاهر ان كلش
على مايرام وانه اخذ له فقشة قمر ، ولكنه خلاها عند اهلها ، لأن توها
صغيره والسلطات الهندية تمنع الزواج من القاصرات ، الا يوم انطلت الحيلة
على الشيبان حتى على اللي جاب الصورة ، وتهيض الشايب وقال:
دايم مخانق وهي تقرص مثل عقرب رميلـه
ا تشفق موعد السمره بعد طوال الهواشـي

واهنيي رحت لديارٍ بها الريم الكحيله = القمر في خدها والليل في سود الرماشي
عذبة المبسم بريق كالشهد في سلسبيله= عز الله اني بعدها ياناس مالي في الخشاشي
حيسفا عمرٍ قضيته طافي ما بي فتيله = لين فرجها الكريم بدرةٍ ما به غشاشي

ومن قرادة حظه ان الشيبان كانوا عنده ذيك الليله ، وسمعت عجوزه شايبها وهو يقول
ما قاله ، قالت هين اوريك يالعود ..
يتبع....

والله شعر جميل واسلوب متالق في المحورة
اطربتنا يا شيح

[محمد بن عبدالله السلمان]

مشرفنا الفاضل ................... تسلم يدك على
هذه المناوشه الفكاهية الدعابية
والله أمتعتنا بها
شاكرا لك وأسعدك الله

[عابرة سبيل]

صح لسانك أستاذي الفاضل *أبو عبدالله* عزالله انك جبتها على الجرح
ايييييييييه الله يعدل الحظ المايل
دمت في حفظه تعالى

[احساس أنثى]

ليت حظي رجل لانصاه نصـوي
واذبحه وافتك من باقـي جهامـه

أي والله صدقت مشرفنا هههه

صح لسااااااانك وسلم قلمك

يعطيك ألف عافيه.............لاخلى ولاعدم

مع التحيه

[الطائر المهاجر]

مشكورين على كريم الحضور
والتفاعل الرائع ، واعان الله البنات ووفقهن في الإختيار
المناسب وحفظهن من مدعي الحب والباحثين خلفهن عن مصالح
تحياتي الطيبه

[الــذاهبه]

الطائر المهاجر


فوق الروعه


دام نبضك مشرفنا

تحيتي

[الــذاهبه]

المشاركة الأصلية كتبت بواسطة الطائر المهاجر

قريت عيـونها ما خبّـرنّي = قرتني بالرموش وخدّرني
احس القلب معها طار منّي = غزالٍ تفتن القلب المعنّا
ابلحق لكن اقدامي عصنّي= انادي تبتعد ياناس عنّي
اصيح صياح من داخله جنّي= تعالي كود قلبي يرجهنّا
لقيت عجيّـزٍ قلت المعونه = شرحت الوضع وارهيت المؤونه
ابي من صادني يدفع ديونه = فسحر بسحر والبادي تجنّا
خذت رقمي وقالت في خشونه= توكّل يافتى خل الرعونه
احـاول علّـني القى حصونه= واجيب العلم من انس وجنّا
صبرت ايام ناري بالمحاني = رساله جات من نفس المكاني
وعجوز قريح ترسل لي تهاني= وعن البخشيش الحظها تغنّا
وفي الموعد تلاقينـا ثواني= بهمس الطرف نحكي بالاماني
تبسّم لي واحس الموت جاني= تعلّـق زود قلبـي ما تهنّا
ابي تنطـق ولكن فاجأتني = تقول الناس حولي وتركتني
احس بسحر فيها علّقتني= وراحت وتركت لي ليت إنّا
تبي حبي وفيها ولعتني = ولا ادري ويش اسوي وهقتني
وقلت اركد من الواضح بغتني= ولكن ليش تركض ما تونّا
عجوز النحس وينك طال عمرك = فما تبغين حاضر زاد قدرك
فشلت وظنتي تقليد سحرك = فشوفي حلّ لا نرجع لكنّا
تعالي يام مريفق قصر شبرك= اعرف ابليس اخيّك تحت امرك
واعرفك لا شتهيتي زان مكرك = ابي المحبوب فانتي اليوم منّا
يريد الله وتكلم عجوزي = طلبت العون قالت ما يجوزي
زعل مني الشويب ولد جوزي = على شانك وبخشيشك تدنّا
حلفت وحرزتني بالحروزي = كلامي واضح ما به لغوزي
ابيها لي مره علّي اجوزي = عن دروب الهوى من كل فنّا
ونا في غرفتي داله اكلّم = واذا باللي دخل عيّا يسلم
عجوزي والمره كلّن تولّم = اكلت الطعم علقه ما تونّا
أيا راسي كفـايه لاتألم = طويرن بالقفص صعبٍ يحلّم
حريم اليوم تفعل ماتكلّم = اذا لفّ الرجــل منّا ومنّا

دام ابداعك مشرفنا

قمة الروعة لاهان قافك ولاهنت

دمت بخير وعافيه

[عبدالرحمن الصباح]

صح السانك سلمت يالغالي رائعه