محاوره فكاهيه وتحدي القافيه

[الطائر المهاجر]

ابدع القاف واثني في الفكاهه درر = غير شعر الفكاهه ما شفى للغليل
فيه تضحك وتسلى وفيه تلقى العبر = والغطو في مجاله يتضح للدليل

[نجم الإبداع]

الله يازين بعض الناس فوق السُفر= يكفت الكم وتشوف اللعابه تسيل
يلهط الفخذ ويمرمش عظام الصدّر = عند صحن المفطح ذاك باعه طويل

[ابو زياد]

بما ان الكلام عن المفاطيح

انت غافل ولا لك عن لحوم الضهر= لين أ كلته يجي لك دايم منه ويل
وان كليت السان لزوم تحكي الشعر=وان كليت الكبود يصيرلك بطن فيل

[الطائر المهاجر]

اوزن القاف يالقيطون ميزان الحجر= ودرب لك جحه ومقيالك قليل
ولا تطول والحذر نوم العصر = ينتفخ راسك وتصحى به عليل

[نجم الإبداع]

الله ياشفت لي واحد يدرب غفر = كرشته كنها برميل وانفه طويل
طاسة الفول ماتكفيه لو هو فطر= لازم السندويشه والضحى له عويل

[ابو زياد]

يلتمس سلك راسي عند وقت الاكل=واخلط الزيت بالما من صلاة الضهر
كيف نقبل كروش غيرت في الشكل=لو تشوف العساكر عند ضابط خفر

[نجم الإبداع]

التمس عندك التيار عقب العصر = تقلب القاف يابو زياد عند الاصيل
عودنا لويناظرها لكان انفجر = خوفي انك لريح الاكل تغدي قتيل

[ابو زياد]

تيل جبت الحقيقه ولا باقي غرير=لويجون الدكاتر كان رحت.ا. وطي
ركز الشوف تلقى انك انت الضرير= يافلاح انت دايم تخطي المربطي

[الطائر المهاجر]

شفت توقيت بيتك والتمست العذر = ثاني مرة تكرر غلطتك يالجميل
"أي" بدل "ايل" و "اير" بدل " ار" = خاف كاس اللبن خدرك وانت الثقيل

[ابو زياد]

واصل الجوع عندي فوق حد الصفر=انقلب منه راسي لين خض الصميل
صاير المخ عندي مثل ريل بلير=عقب ماهو مدور صاير مستطييل