ديوان المغفورله بإذن الله الصريح العتيبي

[الصريح العتيبي]

المشاركة الأصلية كتبت بواسطة محمد عبدالله البدراني

العزيز الغالي الصريح العتيبي سلمه الله


الله الله عليك يابو فايز

لاوالله الا فيه وابشر بعزك


لله درررررررررررررررك يامبدع

ماجرب الدنيا ولا فك الطليب من الطلـب
دايم وزان امه اليا منـه زعـل تتحايلـه


اههه يابو فايز اشهد بالله انك صادق استوقفني هالبيت للاعجاب


ووقفت كثيرا بين بقية الابيات للتأمل والتلذذ بالفكره الراااائعه التي صيغت حولها الابيات المحكمه كالعاده من لدنك

الله عليك يابو فايز


تحياتي

مع اسمى ايات الشكر فائق الاحترام واطيب المنى رعاك الاله

الاخ العزيز الشاعر القدير/محمد البدراني---------------سلمه الله

احرجتني بسلاسة الالفاظ وعذوبتها
في قصيده اراى انها عاديه وهناك من المبدعين
من هو افضل مني بكثير
عموماّ شهادتك اعتز بها يازميل الحرف
ودمت بخير حال

[ابو أنس]

أخافها واياه طارد وملحوق=لقى مع الصّدّه معاني جميله
والوضع ذا في كل بيت(ن)وموثوق=ماهو مخصص في بلاد وقبيله
وش قولتك في اللي لفادار(فاروق)1=ثم(ن)رجع يومه سمع من حليله2

1ـ فاروق ـ المقصود الفاروق عمر بن الخطاب (رضي الله عنه)
2 ـ إشارة الى قصة عمر مع زوجته عندما جاءه أحد الصحابه يشتكي من صلف زوجته فسمع زوجة عمر وقد ارتفع صوتها فعاد حجلا وناداه عمر ....اللى آخر القصه

[محمد عبدالله البدراني]

الله الله


ياسلام عليك يابو فايز ومليوووووووووون صح السانك

بيتين تكفى عن دوواين


وصح السان الكل


لاهنتم وبيض الله وجيهكم

[الطامي]

المشاركة الأصلية كتبت بواسطة الصريح العتيبي

وراك تتركها تمشى مع السوق=وانته عشاك من المطاعم تشيله
ماهيب من برقا ولاهيب من روق=وإلا عليك تصير شجره ضليله

انت اش عليك مع المخاليق محروق = ماتترك العريان هو مع سبيله
ان كان عندك مثل ماقلت او فوق = فالناس ماترضى عليها الهزيله

[الصريح العتيبي]

المشاركة الأصلية كتبت بواسطة ابراهيم عبدالحميد

يعجز قلمى على ان يوفيك قدرك
من الثناء لعطاءك المتميز الراقى
سلمت يداك ودمت لنا

اشكر لاخي العزيز مروره
وكلمات الثناء والاطراء
التي غمرني بها
وشهادتك اعتز بها
دمت بخير حال

[ام العمده]

الصريح العتيبي
الطائر المهاجر
سناعيـــــــــس
داعي الشوق
ابو انـــــــــس
الطامـــــــي



صحت السنتكم
شعار من العيار الثقيل
.بيض الله وجيهكم
دمتم بهذا الشموخ

تحياتي وتقديري

[الصريح العتيبي]

انا اصرف لابن راشد جنيه الذهب صافي=وترجع عّليه عملة احميد مشروكه
وهو للذّهب مثل الصراريف صرافي=وخزنة جنيهاته اليا احتجت مصكوكه
ادّور ثمن ذيك الجواهر والاصدافي=غد(ن) والعوض فيها من الصاحب اشكوكه
يحسب اني امشي مثل بعض العرب حافي=وانا اسبح على بحراّ يغوصه بسنبوكه
وانا ماطلبت إلا الوفى منك يالوافي=عسى ساعةّ فيها عرفناك مبروكه
لعلك تعيش وراعي الحق يستافي=حشى مارضينا تلحقك طقة الشوكه

[الطائر المهاجر]

جزلة من جزل وشاعر فحل
صح لسانك واعتلى شأنك يابو فايز
للإبداع رموزه وانت رمزه المميز
لاهان راسك يالغالي
تحياتي واحترامي

[محمد عبدالله البدراني]

العزيز الغالي اخي الصريح العتيبي سلمه الله


الله الله الله الله الله الله الله

يابو فايز وش خليت من الذهب الصافي


اشهد بالله انك شاااااااااااااااااااعر ومانت بحاجة هالشهاده لكن والله ماقولها الا لمن يستاهلها والفرق بين شاعر وشاعر وباقي الناس قصاده

يحسب اني امشي مثل بعض العرب حافي
وانا اسبح على بحراّ يغوصـه بسنبوكـه


اشهدبالله انك تسبح ببحر عميق عميق يابو فايز

وقل من يجاريك او يشبهك


تميز تميز تميز



لله دررررررررررررررررررررررررررررر رررررررررررررك


ياشيخ هذا الشعر الا يستحق يسمى شعر



تحياتي
مع اسمى ايات الشكر لهكذا شعر فائق التقدير واطيب المنى رعاك الاله

[رفيعة الشان]

صح الله السنتكم جميع وعز الله كفيتوا ووفيتوا ,, وماشالله عليكم
لكم تحياتي