اعمل المعروف وارمه في بحر

[عبدالإله]

ابداع شعري يفوق الوصف

و معاني تستحق الاشاده

صح لسانك

و لا عدمناك

[حي الضمير]

تـدرك ان الخلـق إلا مـا نـدر
تجحد المعروف في عصر الحضاره
تكشـف الشـدات انـواع البشـر
وتعرف الشيهان واشباه الحباره

ابدعت يامميز
وقصيده تستحق العوده مجددا

[حوريه]

نص فـاق حدود الأبـداع
صح لسانك مـدد طااائرنا
ودمت بكل خير
0
0

[الوهيب]

كتبت فأبدعت فأمتعت
صح لسانك مليار
ولا هان راسك
تحياتي الطيبة

[عبير الورد]

المشاركة الأصلية كتبت بواسطة الطائر المهاجر

اعمل المعروف وارمه في بحر = ولا تفكر بالربح والاّ الخساره
واعرف انه لو يجي منه الضرر= جالبٍ للخير لو طال انتظاره
ادري انك قد تواجه من نكر = جاحد المعروف يحسبها شطاره
وقد تلاقي من يبادرك الشكر= لو نسيته دايمٍ فيك افتكاره
كلمةٍ تشعر بها عز وفخر = من بعيد وجاهل ملفى دياره
تذكرك عن فعل في ماض انحسر = وتدفعك للخير ما تترك مساره
وكلمةٍ من جاهلٍ فيها عبر = لو تحس بحرقها مثل الشراره
تدرك ان الخلق إلا ما ندر = تجحد المعروف في عصر الحضاره
تكشف الشدات انواع البشر= وتعرف الشيهان واشباه الحباره
فالرجل ماهو بماله لو كثر = ولا هو بأصله وفصله وافتخاره
الرجل مثل الذهب طول الدهر= ما تأثر بالبروده و الحراره
والرجل منهو تسامح لااقتدر = ماهو اللي كل همه اخذ ثاره
شعبثيٍ ف المشاكل له نظر= كل يومٍ في المحاكم له خفاره
ينصر الظالم على ضعيف احتقر= وياكل حقوقه بظلمه والفجاره
والرجل بالفعل ماهو بالظهر = ياصل لعلياه عن جد وجداره
حوله رجالٍ تنقى في حذر= مابهم خادع ولا فيهم خكاره
كالمرايه صادقه للي نظر = ما تشوه للحقايق في مهاره
الوطن بقلوبهم سر وجهر = والمواطن همهم في كل غاره
والرجل من يعرف الله ما كفر= دائماً يخشاه في السر وجهاره
ما يتاجر بالعقيده لو طفر = ولا ينافق شان ياصل للصداره
التواضع منهجه مهما كبر = ما تغيّره المناصب والتجاره
عارفٍ للعمر لو طال وقصر = بالنهاية راحل بغير اختياره

الله الله


صح لساااااانك ملايين

سلمت وسلم منطوقك الجزل

يعطيك العافية

[الطائر المهاجر]

شكرا ماجد
على كريم الحضور
لاهنت
تحياتي

[سمحان]

قصيده جزله وابدعت شاعرنا

وصح لسانك

[عبدالعزيز ابراهيم المنصور]

الطائر
لافض فوك
سلمت ولاهنت
دمت بخير

[الخنساء]

الــوطـــن بـقـلـوبـهـم ســــــر وجـــهـــر

والـمـواطـن هـمـهـم فـــي كـــل غــــاره

والـرجـل مـــن يـعــرف الله مـــا كـفــر

دائـمـاً يخـشـاه فـــي الـســر وجـهــاره

مــــا يـتـاجــر بالـعـقـيـده لـــــو طــفـــر

ولا يـنـافـق شـــان يـاصــل لـلـصــداره

صح لسانك

قصيدة اجبرتنى للعووووودة

[نفحات حساسة]

ياعيني عليك ياحكيمنااا

صح صح صح السسسسسسسانك..ولاهنت

جزل..يعطيك العافيه..وسلمت..

تحيتي لك..