سليمان الهويدي

[الطائر المهاجر]

ياصالح

[الطائر المهاجر]

ضيعت شبابي

[الطائر المهاجر]

ياعلي

[الطائر المهاجر]

اسباب خلي

موضوع رائع لكن انا اكتشفت اخطاء بسيطه انت كاتب

عشقت القمر حيث القمر ينبعث به نـور=واخص الليالي البيض تزهـاه ويزهنـه
واحب الهوى لاهب من خايـع ممطـور=وريح النفل حيث النفـل طيـب الخنـه
واحب الجماله والجماله عمـل مبـروك=واحب الغناه وعز نفسـي عـن المنـه
واحب الصراحه والصراحه بها مسرور=حيث الصراحه تقطـع الشـك والظنـه
واحب الكريم اللي يفرج عن المعسـور=اليا من عطى حتى اهله مـا دروا عنـه
احب الرجال العارفه واكـره المغـرور=من اغتر في بعـض المظاهـر يغرنـه
سقا الله ليال ماضيه قبل هـدم السـور=نحفر العدود ونشرب الماء مـن الشنـه
نشوف البنات اليا اوردن كنهـم الحـور=مهـار مشاويلـن بالاعـيـاد معتـنـه
على الماء تشوف بيوتهم كنهـن القـور=كثيـر القبايـل تقطـن العـد بالكـنـه
على البال ذكراها ياليـت الليالـي دور=ياليـت الليـالـي ماخـذنـه يجيبـنـه
تذكرت شيبان لنـا يـوم حنـا بـزور=يحثوننـا بالطيـب والفـرض والسنـه
لوعاشوا حياة قاسيه في بحـر وبـرور=عسـى الله يعوضهـم بمافـات بالجنـه
لو دورن مضى من بينهم وين ذاك الدور=زمـان مضـى لـه ذكريـات يحلنـه
يوم الذهب مايلبسونـه بـدون خصـور=جمال النسا ماهو مـن السـوق يشرنـه
فقدنا حياة البدو مـع شوفـة المظهـور=ولا عاد به بدو ولا الطـرش لـه حنـه

والصحيح هو:

(احب) القمر حيث القمر ينبعث به نـور=واخص الليالي البيض تزهـاه ويزهنـه
واحب الهوى لاهب من خايـع(ن) ممطـور=وريح النفل حيث النفـل طيـب الخنـه
واحب الجماله والجماله عمـل (مبـرور)=واحب الغناه وعز نفسـي عـن المنـه
واحب الصراحه والصراحه بها مسرور=حيث ان الصراحه تقطـع الشـك والظنـه
واحب الكريم اللي يفرج عن المعسـور=اليا من عطى حتى (هله) مـا دروا عنـه
(و)احب الرجال العارفه واكـره المغـرور=من اغتر في بعـض المظاهـر يغرنـه
سقا الله ليالٍ ماضيه قبل هـدم السـور=نحفر العدود ونشرب الماء مـن الشنـه
نشوف البنات اليا اوردن كنهـم الحـور=مهـارٍ مشاويلـن بالاعـيـاد معتـنـه
على الماء تشوف بيوتهن كنهـن القـور=كثيـر القبايـل تقطـن العـد بالكـنـه
على البال ذكراها ياليـت الليالـي دور=ياليـت الليـالـي ماخـذنـه يجيبـنـه
تذكرت شيبان لنـا يـوم حنـا بـزور=يحثوننـا بالطيـب والفـرض والسنـه
(وعاشو)حياة قاسيه في بحـر وبـرور=عسـى الله يعوضهـم بمافـات بالجنـه
(ودورن) مضى من بينهم وين ذاك الدور=زمـان(ن) مضـى لـه ذكريـات يحلنـه
يوم(ن) الذهب مايلبسونـه بـدون خصـور=(و)جمال النسا ماهو مـن السـوق يشرنـه
فقدنا حياة البدو مـع شوفـة المظهـور=ولا عاد به بدو ولا الطـرش لـه حنـه

وانا متأكد من الأجابه لأنه الي كتبته هو الي موجود في ديوانه رسم الكلام

تقبل مروري

[الطائر المهاجر]

هذي اخطاء في النقل في مواقع عديده ولكنها لاتؤثر فالشعار يعرفون يقرونها
خايع ، سواء تركت او كتب تحت العين كسرتين او حتى بنون بين قوسين كله سواء
هله او اهله ، زيادة الهمزه خطأ مطبعي ومفروض تكون بدونها وكذلك وضع الكاف
في مبرور بدلا من الكاف
ماقصرت ومشكور
على ملاحظاتك
تحياتي الطيبة

يابوعلـي مانـي بضامـن حياتـي=والموت من حاتاه يابوعلـي مـات
عسى مـا امـوت الاكبـار بناتـي=يمشـن سعيـدات ولاهـن يتيمـات
ان مت قبلي صفوة الخلـق ماتـي=وماتوا مشاكيـلٍ وماتـن عفيفـات
مافات من عمري فلاهـوب ياتـي=والحـي لابـده يعـود لـلامـوات
انا ارثي الناس والا ارثي على حالي=عزي لنفس ماهو مرتـاح راعيهـا
قولو لسالم تراني شفـت الاهوالـي=والله اعلـم يابـو باسـل بتاليـهـا
مرحوم مرحوم ياسور لنـا عالـي=انتـه ذرانـا اليـا زادت بلاويهـا
لوكان ما اشوف زولك بين الازوالي=لك صورة مستحيل الموت يمحيهـا
مهما بكيناك هـم القلـب مازالـي=العين يابوي هلـت لـك عباريهـا
اطلب عسى الله يروف بحالك وحالي=والله يصبـر قلـوب راح غاليهـا

واهني يا الطائر في اغلاط واجد اصلا هذه قصيدتين وبيتين يتيمين بس القصيدتين متقطعات يابو علي
هذه لسليمان الهويدي لكن مرحوم لوائل اولده انا ارثي الناس هذول بيتين يتيمين يعني يفضل انك تشيل هالقصيده
وانا انبهك لأنها متداخله على بعض

[الطائر المهاجر]

بيض الله وجهك
اجل اكمل المراجعه
وبعدا تخلص نعدل
فهذي كلها منقوله

[ابراهيم عبدالحميد]

الطائر المهاجر

اختيار جدا رائع سلمت يداكِ و فكرك المميز
ودمت و سلمت و غنمت

[زهرة اللوتس]

شكرا لك ابو عبد الله
على النقل الرائع
وتسلم ايدك
تحياتي