ثلاثين خانه

[نفحات حساسة]

صح السانك وحرفك

ولالاهنت يالجزل،،نص رائع

سلمت وسلم منطوقك

تحيتي لك

[خيالة الشعر]

صح لسانك اخي ماجد

اسم لامع في سماء الشعر

ولنا عودة بإذن الله

[القديري]

شاعر مبدع وقصيدة جزله
صح لسانك وقلبك
مع أطيب تحياتي وتقديري

[زهرة اللوتس]

وانا كتبـت اليـوم فيهـا وأوصيـك

يانفـس عيشـي دون ذل واهـانـه

صح لسانك

[الخنساء]

يالله يــالــلّــي طــــــول لــيــلــي أنــاجــيــك

وتبـكـي عـيـونـي مـــن خـشـوعـك لـيـانـه

أســـال بـهــا فـــي كـــل وقـتــي وأرجـيــك

أغـــفــــر لـــــــزلات الــعــقـــود الـمــشــانــه

صح لسانك

قصيدة اجبرتنى للعووووووودة

[الراقي]

نص اكثر من راائع

وحضور جميل

صح السانك شاعرنا القدير

[الـزلـزال]

لروعة حروف شعرك وتميزها
.
.
عدنا
.
.

صح لسانك ملايين ملايين

ولك فائق تحياتي وتقديري

[صعبة المنال]

أن قلت فيها من جميـل المحابيـك

والا علـى الأحسـاس أروي بيانـه

صح لسانك

صعووب

[عبير الورد]

المشاركة الأصلية كتبت بواسطة ماجد الراشد الهيري

يالله ياللي طاعة العبد ترضيك=الاول اللي معتلي جل شانه
ياخالقي من نفس ادم على ايديك=ياللي عليه اليوم كل استعانه
خمسه ثلاث بيوت جتني بطاريك =ثم أستوت عندي ثلاثين خانه
أن قلت فيها من جميل المحابيك=والا على الأحساس أروي بيانه
ديناي ربي ياعساها تباريك=يالله عسى مااقول هذا اوانه
خلاص يكفي من حياة التهاليك=نفسي بها يارب لاشك مدانه
أبعتزي للدين وأشري المساويك =وأقصر ثيابي خشوع ورزانه
ياماجد الراشد عساها بأراضيك=تنبت زهور الخير عشر وثمانه
أما تساوي الطيب والا يساويك=والاّ تعيش النفس فيها مصانه
تمضي بي الدينا دروب ومساليك=لحظه أسيّرها ولحظه عشانه
كل التجارب لو تمنيت تعطيك =مااعطتك والله في حياتك ضمانه
والحظ مثل النقد يصرف بلاشيك=ياليت حظي ماتقيّد مكانه
أنتي معي يانفس والا أناديك =والا أزهدي فيها وعيشي زمانه
عاشرت بالدنيا رجال وصعاليك=ناس (ن) تسر القلب وناس(ن) جبانه
فيها وجيه مكثيرين المناسيك =تسبيحهم صادق عليها لسانه
وفيها من اللّي لانوى هو يخليك=وفيها من اللّي يتصف بالرزانه
وفيها شعور أحساس عشته وناسيك=وفيها غريب أطوار يضحك ميانه
واللّي بدون أسباب ودّه يجافيك=واللّي له الأسباب يرضي كيانه
واللّي على حبّه رماله تذريك=واللّي على طبّه من الوقت بانه
واللّي يبي يشري رخيصه بغاليك=واللّي يبيع بدون علم وأمانه
واللّي غروره في ملامه يوذيّك=كنّه يغنيها على ليل دانه
واللي يكابر في كلامه وينبيك =مطلق على الثنتين فيها عنانه
واللّي يشوّه في غموضه مباديك=لو ماتصيب النفس خلّت وزانه
واللّي على زيف المشاعر يمينك=خاوي على الوجهين فيها حنانه
الواقع اللي بعض الأحيان يبكيك=لو مايسّر القلب تبكي عيانه
وانا كتبت اليوم فيها وأوصيك =يانفس عيشي دون ذل واهانه
يرحمني الله في طريقي وأنا امشيك =عسى من الجنات حظي سمانه
يالله ياللّي طول ليلي أناجيك=وتبكي عيوني من خشوعك ليانه
أسال بها في كل وقتي وأرجيك =أغفر لزلات العقود المشانه

شعر\ماجد الراشد الهيري

الله الله


صح لسااااانك ملايين


سلمت وسلم منطوقك الجزل


ربي يعطيك العافية

[ماجد الراشد الهيري]

لكم فاق الشكر واصدق التقدير والله ماقصرتوا جميع