الدكتور مطلوب الليله - اقلط لو سمحت

[الطائر المهاجر]

لا انته جرير ولاني للفرزدق وزير = كل وقت له شاعره وانته امير الخبوب
والجيب عامر بقرشك لابغيته تسير= تشري به اللي تريده قبل وقت الغروب

[نجم الإبداع]

ياصاحبي تعرف الحاله ولا انته غرير= زاد الغلاء وآل قارون ارخصوا كل ثوب
الناس تشكي وما جاوب جناب الوزير= تجويعنا يعشقونه عامرين الجيوب

[الطائر المهاجر]

منتاب لا جايع ولا ظني فقير = تبي تعوض خساره سهم شق الجيوب
ودامك بصحه فاحمد الرب القدير= قم وتهجد وصوم البيض تغسل ذنوب

[نجم الإبداع]

الحمد لله في نعمه وحنا بخير = والرزق ياشيخ للانسان شي امحسوب
لكن تتعبني الميه لكيس الشعير= والرز ميتين والشقه بنوها بطوب

[الطائر المهاجر]

خذ لك قطيعة اريضه واشتري لك بعير = ازرع وكل من حصادك من بقول وحبوب
والفول كيسه رخيص وان بغيت العصير= الجح اربع بعشره والسمك في الغبوب

[نجم الإبداع]

الرازق الله وابنسلك طريق الحرير= نعيد ذكرى مضت ونعيد ذكرى الرسوب
جيحون له فوق راسي يامعلم خرير= عادت قوافل قتيبه وابتدينا الكروب

[الطائر المهاجر]

المشاركة الأصلية كتبت بواسطة فلاح بن منشار

الرازق الله وابنسلك طريق الحرير= نعيد ذكرى مضت ونعيد ذكرى الرسوب
جيحون له فوق راسي يامعلم خرير= عادت قوافل قتيبه وابتدينا الكروب

خابرك راسب بدرسك يوم كنته صغير = دفوك تنجح ولكن في رسوبك طروب
والمشكله صرت فيما بعد اكبر مدير= في مدرسة مانجح فيها حدٍ بالجنوب

[نجم الإبداع]

هذا المقدر ولو اني في زمن بن نصير= لكنت جهزت رحلي وامتطيت الحلوب
لكن في عصر رايس مات فينا الضمير=لابه صناعه ولا لي زرع عند الرجوب

[الطائر المهاجر]

المشاركة الأصلية كتبت بواسطة فلاح بن منشار

هذا المقدر ولو اني في زمن بن نصير= لكنت جهزت رحلي وامتطيت الحلوب
لكن في عصر رايس مات فينا الضمير=لابه صناعه ولا لي زرع عند الرجوب

رايس سخيه بتحلب ثم تسقي النضير = وان كان يبغوا عطوك اللي يطفي السغوب
والمفلس اللي مثل شرواك ماله نصير = ماله سوى انه يهاجر مع رياح الهبوب

[نجم الإبداع]

استغفر الله لولا العيب لاجيك سير = واخذ قروشك بحد السيف قبل الغروب
وانزلك عند مسجد واكتف ايدك بسير= وان صحت قالوا تجنن عود صابه غيوب