ابيات فكاهيه (شاركونا)

[الجفول]

ابليس يوم اني نخيته لقيته """""" بس انت مدري ليه عني تخليت

[زهرة اللوتس]

لي قصةٍ مع صاحبي فلــم هندي ------ دايــم انا ويّاه فـ هواش ودموع

ودّه يســامرني على تيس مندي ------ وانا رقيقه ودي بازهار وشموع

خلّي غبي والعقــل عنده مصدّي ------ وبفن التخلف حايزٍ شكر ودروع

قلت له تطـور عيش باشا وافندي ------ الى متى وانت بتخلفك منزوع

قـــام وتلفّت قـــــال قومي تغدي ------ هذرتك واجد يوم انا ميتٍ جوع

[الجفول]

ياقطو ياللي ساكن ٍ بالبراميل """"""""" ماشفت خلي يوم كب الزباله

[الجفول]

شريت لي ثوبٍ علشان لقياك """"""" والثوب راحت موضته مالبسته

[زهرة اللوتس]

أنااشهد ان الله من الزيـــن معطيك*** والاّّّ ّالعقل عطاه غيرك وخلاك

[منيع]

ياليتني جوال بيدين ميسون=كل مازهم قالت (الو) يابعد حيي

(صناعة محلية)

[زهرة اللوتس]

كنت احسب انه يهل الدمع لوداعي.......واثريه مسكين يبكي من حساسية

[نجم الإبداع]

الخنفسان الي عشق خنفسانه=والمملك الشرعي على العقد صرصور
يوم الفرح غنو على البرتكانه = بعران من بعرة خروف اهل منخور
جات العروس الليل تاكل لبانه =وخروفها مربوط في مربط البور
غنت له احلى لحن وادلق لسانه=وركبت على ظهره وساقته مخمور
تاه الخنيفس واثملته الخيانه = عود عقب عرسه على عظم مجبور
ون الخنيفس من هواها وعانه=في جحرها منحاس من لسع دبور

[الطامي]

منيع
رائعة
لي عوده تليق بها

[زهرة اللوتس]

حب سباك

بزبوز عيني يسرب الدمع لأجلك

لا نفع به لحام ولا نفع أبو جلمبو