يابراد الصيف

[حمود جارالله المزيني]

الأخ : حي الضمير
مشكور .. وحياة سعيدة
تحيتي

[الخنساء]

المشاركة الأصلية كتبت بواسطة حمود المزيني

يابراد الصيف ياظـل الهجيـر =يامعاليـق الحشـا يالغالـيـه
ليت لي جنحان باطرافي واطير= مايهمّن حـر شمـس القايلـه
يابعدهم من طريف ليـا عسيـر =ومن بقيق لحد سبـت العاليـه
ذقت طعْم الحب يوم اني صغير= بس حبّك حيـل كاسـه حاليـه
في وجودك أنتشي كنّـي أميـر = والملابس كـان غبتـي باليـه
ان عطشت القاك لي ميّ غديـر =أو ينابيـعٍ الوجـام السايـلـه
وان رضيتي منطقك لين الحرير = وان زعلتي اووب غلطه قايلـه
ما يجنّ الخود لك انـداد غيـر =من صفات الزين كلـه شايلـه
ان وصلتيني مثل جبر الكسيـر =وان هجرتيني عزومـي مايلـه
للهوى جيشٍ ليـا مـدّ النفيـر =قوّتـه لاهـاج قـوّه هايـلـه
ذا يصيح وذا يطيـح وذا يغيـر= وذول كسّابـه وذولا جالـيـه
حرب كل اللي يواجهـا خطيـر =صايلـه والا جموعـه زايلـه
لكن انتي مالنـا عنّـك مِطيـر =كـل ذره منْـك ماهـي خاليـه
نوب نرشح دمع من شانك غزير =ونوب نضحك والمشاعر ساليه
حبنا مبطي مهـو تـوّه غريـر =له غصـونٍ بالثمـر متْداليـه
عاذلي شف شعر بشّار وجريـر =والعصـور الاولـه والتالـيـه
لا .. بكيفك خل لومك لي كبيـر =مالك بلومي وانـا بـك ماليـه
اكتب الاشعار من دون استشير= أو أخاف من الهـروج الطايلـه
كل حاكم له وزيـر ويستشيـر =وكل شاعر بالقصيد الراي لـه
صحّ .. به شاعر مع العالم أجير =مـع قصيـده رمتّـه متمايلـه
صورة الاطماع لصقت بالنظيـر=يستـدر العطـف والا يحايلـه
لكن الحب المشـرّك بالضميـر=يجبر العاشـق بنـارٍ صاليـه
كان صاغ الشعر جابه مستطير=فـي بيـوتٍ ترتجـل متْتاليـه
هاك يا ريحانتي ماهـو كثيـر= مالقيت الا الشعِر مشكـى ليَـه

صح لسانك ولاهنت

قصيدة رااائعة من شاعر جزل

سلمت ودام حرفك

[صنداح الزلامى]

صح لسانك وعلا شانك
قصيده رائعه وابدعت يامميز
أجزل التحايا والاحترام

[مبارك أبوظهير]

الله الله الله


حمود


ألف ألف صح قلبك وفكرك ...



إبداااااااااع منقطع النظير ... لله درك



إعجابي .. غلاااااااي



م ن

[حمود جارالله المزيني]

الأخ : ناصر عبيد الهواوي
لك مني أجزل الشكر وأعذب الود

[حمود جارالله المزيني]

الشاعر : حسين السبيعي
أشكرك أخي ، ولاأجد من الكلمات مايوازي ثناءك
تقبل تحيتي

[حمود جارالله المزيني]

زهرة اللوتس
مشكورة أختي على ردك الطيب
الله يوفقك

[حمود جارالله المزيني]

نفحات حساسة
مشكورة أختي على الرد
الله يوفقك

[حمود جارالله المزيني]

الأخ : عبدالله الثوينبي
سلمت يداك على هذا الإطراء ..
لك تحيتي

[همس الورد]

صح لساانك مليوووووون

و صح بدنك

بووووووح رائع

تحيتي