ألــفية الفطـــاحــلــة

[عبدالعزيز الصبيح]

القاف قلي يافتى الجود بالقاف=رايك بربعً ما بدى منهم خلاف
أهل المعاني مورثه كنز الاسلاف=عطني الجواب بكافك اللي تلقاك

[الطائر المهاجر]

الكاف كل شايل ما يطيقه = ومحدٍ توانى او شعر أي ضيقه
ذولا الفطاحل عارفين الحقيقه= واللام لولاهم قعدنا بتبراك

[عبدالعزيز الصبيح]

اللام لاهل الجزل مركى ومجلاس=بقصر الفطاحل راسيً ثابت الساس
ومرقابه اللي معانقً حوم قرناس=والميم جت لك مثل كيفً بمركاك

[سناعيس]

الميم ما والله على البال يطري=نترك فطاحل حبهم حب فطري
اللي لهم بالقلب صفحه وسطري=واثبت لهم يانون صدقك ومبداك

[عبدالعزيز الصبيح]

النون نفخر بالقروم المناعير=يطري علينا ذكرهم طاري الخير
القاف منهم كالدلال المباهير=وحد القصيد الواو شفها تحراك

[الطائر المهاجر]

والواو ويلي فالفطاحل بلاني = اساهره وادفع ولاقد عطاني
ولاقلت وش بك قال فكرك جفاني= والياء ياراع الياء فالياء تفداك

اليا يختم القول من والف احزان=جني شعر متصور بصورة انسان
لامن شرب كاسه تعوذه شيطان=سكرة فطاحل عانقت مطلع افلاك

[عبدالعزيز الصبيح]

المعذرة ... باضيف خاتمة من غير قصور باخوي وليف الحزن

اليا يقول اللي بدا باول القول=ألفية يسمع لها صم وسهول
بقول الفطاحل ما ورا طولهم طول=وطبع الجفا حاشاك يلحق بطرياك

[الطائر المهاجر]

الرد الأخير جاء في الوقت الذي اجمع فيه الأبيات في المقدمة
ولم تشملها ، وقد حذفت المكرر ، بحث اعطيت للجميع الفرصة ، وفي نفس
الوقت عدلت القوافي الأخيرة المكررة حتى لايكون هنالك تكرار
شكرا لك جميعا
مع أطيب تحياتي

[الطامي]

شكرا للجميع
على الألفية والتنويع
ودائماً معى الفطاحل بريع
لاهنتو