بديوي الوقداني

[الطائر المهاجر]

آخر زمان وكلّ من عاش خبّر

وبغيت اقول الميّت ارجى من الحيّ

ورّد حباله في زمانه وصدّر

إن كان هو ظميان ولاّ رُوي ريّ

ما عاش في هذا الزمان المغبّر

واحواله اللي ما عرفنا لها زيّ

دنيا عجوز وغيّها ما تغيّر

تضحك مع الجاهل وتعجب هل الغيّ

جار الزمان وحد نابه وكشّر

واسعار طارت والمخاليق في ليّ

وقام الإمام وسل سيفه وكبّر

واهتز من صنعا إلى باب بمبيّ

والشمس دارت وجهها واقتوى الحرّ

ما عاد يمنع من لظى حرّها الفيّ

والنّار شبّت والحطب ساع جمّر

واللي يدوس النار يصبر على الكيّ

والنيل فاض وظنّتي يخرب البرّ

واهل البيوت الطارفه مالها نيّ

والطير الأخضر صاحب الطير الاصفر

وطيور ما تعرف لها وجه وقفيّ

عنوانها يخبرك عن كل مُضمر

شبّت وشابت وابدلت عود بصبيّ

والنّمر جنّب والحصيني تنمّر

يحسب سباع الغاب من جملة الصّيّ

واقيّس انّ الحب ما يشبع الذّر

وعلوم باتت ما بقي دونها شيّ

وراعي النصيحه ضاع نصحه وعذّر

قال اسمعوا لكن ما يِسمِع الحيّ

واللي حكم في سابق الحال عبّر

تعبير يعقوب ابن اسحق يا بنيّ

وريح العوالي قابلت ريح صرصر

وحَذف الجنادب بينهم شوف عينيّ

والنمل جاله ريش والنّسر عمّر

واليا استمدّ الحبل لا بد من طيّ

والظلم ظلمه ون دخل دار دمّر

ودنياك ما دامت لحاتم إبن طيّ

منها السلامه واس مالي ومتجر

واقول كنّي ماسك الشمس بيديّ

ون كان الافعى نابها ما تكسّر

عضت وصار السم لا تسمع الدّيّ

ون كان عظم الداعيه ما تجبّر

ولاّ اظلمت ما عاد يبقى لها ضيّ

واختم كلامي بالنبيّ المنوّر

صلّى عليه الله ما ساروا الحيّ

والآل والأصحاب ما الصبح نوّر

وعداد نبت عقب الامطار مرجي

[الطائر المهاجر]

بديوي يقول اشوف الايـام تقتلـب
كما يقتلب في البحر عـود اشبـاح
اذا ما رماه الموج في غايـة الهـوا
وجـا فـي غزيـرٍ مقتفيـه ريـاح
تفكرت في الدنيا كفـى الله شرهـا
صفاها كدر لـو قدمـت بـا فـراح
غرورٍ فـرورٍ هاينـه مـن يودهـا
لهـا قبـل سكـرهْ والعقـب ذبـاح
ضحوك لصاحبها سريـع انقلابهـا
لها ضحك مثـل الضاحـك المـزاح
وكم واحد طـاوع هواهـا وغرتـه
كما غر من صيـده خفيـف جنـاح
نعـد المراجـل والمراجـل تعدنـا
وحنـا رعيـه غافـلـة بـمـراح
موكل بها الجـزار يذبـح سمينهـا
ويـا ويـل يـا جزارهـا الذبـاح
الافراح ما دامت لمـن كـان قبلنـا
تمـتـع قلـيـل وزاد منـهـا راح
بعد كان حكم سرور بالعدل والعطـا
والاحكام قومهـا علـى الصحـاح
وجا غالب وطال حكمه وكـم حكـم
وبنّـا السرايـا يحسبـه مـرتـاح
وجانا محمد علي باشـا ولا طغـى
وشبعـوا معـه طلابـة الاربــاح
يقوم ليا ساروا كمـا سـارح الدبـا
نخلّـي البـلاد المرجعـات قْـبـاح
ليا اوحيت عند الصبح دقت طبولها
- تقول الرعد في عرض بارق لاح
وبن عون حاكمنا وبن عون اميرنـا
وبن عون مفتـاح للغلـق مفتـاح
وبن عون ما خان الرعية وما ظلـم
كثيـر العطـا والـعـدل سـمّـاح
وبن عون مثل النجم في مظلم الدجى
مصابيح مصبـاح الظـلام صْبـاح
وحنّا عصا الحكام من يـوم جدّنـا
وحنّـا عتيبـه للملـوك ســلاح
عتيبة جناح الصقر وثبيـت هامتـه
ولا يستـوي طيـر بغيـر جـنـاح
رعوا نجد بالسيف اليماني وبالتفـق
ومعها من العـود الطويـل رمـاح
وضدوا بني قحطان ومطيـر كلهـا
وخلّوك يـا نجـد العريـض بيـاح
وكم حلةٍ غاروا عليها مع الضحـى
وراحت نهايـب فـي يديـن فـلاح
وكم فارس خلوه في دارس الثـرى
ينوشه مـن العقبـان كـل شنـاح
ويارب ترحمنـا وتحسـن ختامنـا
وتجعل لنـا عنـد الذنـوب سْمـاح

[الطائر المهاجر]

الأوله يا الله يا اللي علـى الأمـة رقيـب
يا غافر الزلات تمحي الذنوب اللّي عليّـه
تكتب لي الجنة ليا امسيت في قبري غريب
مالي مهرج غيـر دود القبـور العامريـة
وارجلي اللّي ما تعدّا على الحـيَّ القريـب
ولا توانا يـوم ربعـي يقولـون الحميّـة
بعض العرب تفرح ليا قالوا بديوي صويب
وانا احمد الله جاني صوابـي مـن يديـة
يا بادع القيفان رجلك ليا شـا الله تطيـب
لا يفرح الحاسد ولا يرتجي منـه الشفيّـه
يا سرع ما دنا الرعد والمطر ظلا صبيـب
ونشوف من يغرق ومن كانت بيوته ذريّـه
فيما مضى ظليت أنا اسري واباري كل ذيب
واليوم مثل اللي قعـد لاشـداد ولا مطيّـه

[داعي الشوق]

أيـامنـا و الليـالي كـم نعـاتبـها= شبنا وشابت و عفنا بعض الاحوالـي
تاعد مواعيـد والجـاهل ما يكذبـها=واللي عرف حدها من همـها سالـي
إن أقبلت يـوم ماتصفـى مشاربـها= تقفي و تقبل وما دامـت على حالـي
فـي كـل يـوم تورينـا عجايبـها=واليوم الأول تراه أحسن من التالـي
أيـام فـي غلبـها وأيـام نغلبــها=وأيام فيـها سـوى والدهـر ميالـي
جربـت الأيـام مثلـي من يجربـها=تجريب عاقل وذاق المـر والحالـي
نضحك مع الناس والدنيـا نلاعبـها=نمشي مع الفي طوع حيث ما مالـي
كـم من علـومٍ وكـم آدابٍ نكسبـها=والشعـر مـازون مثقـالٍ بمثقالـي
اعرف حروف الهجا بالرمز واكتبـها=عاقل ومجنون حـاوي كل الاشكالـي
لا شك حظي ردي والـروح متعبـها=ما فادني حسـن تأديبـي مع أمثالـي
إن جيت أبي حاجةٍ عـزت مطالبـها=العفو ما واحدٍ من المخلوق يا والـي
قـومٍ إلى جيتـهم رفـت شواربـها=بالضحك واقلوبها فيها الردى جالـي
وقومٍ إلى جيتـهم صكّـت حواجبـها=وابدت لي البغض في مقفاي واقبالـي
ما كني إلاّ مسـوى حـال مغضبـها=والكل في عشـرتي ماكـر ودجالـي
يا حيف تخفي أمور كنـت حاسبـها=واللي على بالـهم كلـه على بالـي
الجار جافـي وكـم قـومٍ نحاربـها=والأهل وأصحابنا والـدون والعالـي
والروح واشعذرها في ترك واجبـها=راح الحسب والنسب في جمع الاموالي
نفسي تبي العز والحاجـات تغصبـها=ترمي بـها بيـن أجاويـد وانذالـي
المال يحيـي رجـالاً لا حيـاة ابـها=كالسيل يحيي الهشيم الدمـدم البالـي
عفت المنازل وروحي يـوم اجنبـها=منها غنيمة وعنـها البعـد أولالـي
لا خير في ديرةٍ يشقا العـزيز ابـها=يمشي مع النـاس في هـمٍ وإذلالـي
دارٍ بـها الخـوف دومٍ مـا يغايبـها=والجوع فيها معه من بعض الاحوالـي
جوعـاً سراحينـها شبعـاً ثعالبـها=الكلـب والهـر يقـدم كل ريبالـي
عز الفتـى راس ماله من مكاسبـها=يا مرتضي الهون لا عزٍّ ولا مالـي
دللت بالروح لين أرخصـت واجبـها=وأنا عتيبي عريـب الجـد والخالـي
قـومٍ تدوس الأفـاعي مع عقاربـها=لهـا عزايـم تهـد الشامـخ العالـي
كـب المنـازل وقـل للبيـن يندبـها=تبكي عليـها بدمـع العيـن هطالـي
لا تعمـر الـدار والقـالـه تخربـها= بيع الردى بالخساره واشتـر الغالـي
ما ضاقت الأرض واشتبـت شبايبـها=من كل حر مشهر في راس ماطالـي
دارٍ بـدار وجيـرانٍ نقـاربــها=وأرضٍ بأرض وأطـلالٍ بأطلالـي
والناس أجانب ليـن إنـك تصاحبـها=تكـون منهـم كما قالـوا بالأمثالـي
الأرض لله نمشـي فـي منـاكبـها=والله قــدر لنـا أرزاق وآجـالـي
حـث المطـايا وشرِّقـها وغرِّبـها=واقطـع بها كـل فـجٍّ دارسٍ خالـي
اطعن انحـور الفيـافي مع ترايبـها=وابعد عن الهم تمسي خالـي البالـي
مـن كـل عمليـةٍ تقطـع براكبـها=فدافـد البيـد درهـامٍ وزرفـالـي
تبعـدك عن دار قـومٍ ودار تقربـها=واختـر لنفسـك للمنـزال مغزالـي
لو مـتّ في ديـرةٍ قفـراً جوانبـها=فيها لوطا السبـاع القبـس مدهالـي
اخيـر من ديـرةٍ يجفـاك صاحبـها=كم ذا الجفـا والتجالـي والتحلالـي
دس المخاطر ولا تخشـى عواقبـها=الموت واحد ولا عند الحـذر جالـي
إن المنيــة إذا مـدت مخـالبـها=تدركك لو كنت في جو السما عالـي
ما فرت الأسـد في عالـي مراقبـها=تسعى للارزاق ما حنـت للاشبالـي
والشمس في برجها والغيـم يحجبـها=تقفي وتقبـل لها في الفـلك مجدالـي
رب السماوات يا مجـري كواكبـها=يا مجري السفن في لجات الأهوالـي
ضاقت بنا الأرض واشتبت شبايبـها=والغيث محبوس يا معبـود يا والـي
يالله مـن مزنـةٍ هبـت هبـايبـها=رعادها بات له في البحـر زلزالـي
ريح العوالـي من المنشـا تجاذبـها=جذب الدلي من جبا مطويـة الجالـي
ديمـومةٍ سبلـت وأرخـت ذوايبـها=وانهـل منها غزيـر الوبل همالـي
تسقي اديار عزيـز الوقـت حاربـها=ما عاد فيها لبعـض الناس منزالـي
يا جاهـل اسمـع تماثيـل مرتبـها =فيها معانـي جميـع القيـل والقالـي
شبـه الدنانيـر تزهـا فـي قوالبـها =في صرفها زايد عن قـرش واريالـي
يا ربـي توبـة وروحـي لا تعذبـها =بيوم القيامة إذا ما ضاقـت أعمالـي
وأزكى صلاةٍ على المختـار نوهبـها =شفيعنـا يـوم حشـرٍ فيه الأهوالـي

[داعي الشوق]

العذر يالطائر على الازدواجية في الطرح

،،،،،،،

[الطائر المهاجر]

اذا تشوف انك تضيفها على ديوانه اضفها بدل الموجوده لأن هذي قد تكون اشمل وافضل تنسيق

[ابراهيم عبدالحميد]

الطائر المهاجر

عظيم الشكر و التقدير للعرض و الجهد الراقى الكبير

[زهرة اللوتس]

الطائر المهاجر
مجهودات تشكر
عليها
تسلم ايدك
تحية طيبة

زهرة

[صعبة المنال]

السلام عليكم ورحمة الله وبركاته

يعطيك العافية يا داعى

صعووب

اختياار موفق للغايه

وابياات بغاايه الجمال

تدل على ذووق شعري رااقي

شكرا على النقل الراقي