لا صرت في وقتٍ كثير المذاهب

[محمد عبدالله البدراني]

المشاركة الأصلية كتبت بواسطة الطائر المهاجر

لا صرت في وقتٍ كثير المذاهب = وكلٍ يقول انه على الحق ف الدين
والبعض يشعل فتنته للمكاسب = اما لشخصه او لبعض الموالين
فخلك بحالك دوم نفسك تحاسب = ولا يجرفك سيلٍ وراه المعادين
مايضعف الإسلام ياكود كاتب = ولاّ رجل دينٍ يدوّر نياشين
فرق تسد منهاج من كان راكب= على حصان الدين يكسب ملايين
ولاّ من اللي طامعٍ ف المناصب = او جاهلٍ والعقل مصدي من سنين
دين التسامح ديننا ف المواجب= ودين الأخوه في جميع الميادين
تاريخنا حاضر ولا هوب غايب = يوم اننا وحده حكمنا إلى الصين
واليوم صرنا اشتات بيدين حاطب= القتل فينا جايزٍ بالقوانين
اسلام يعني ارهاب في حكم راهب= وحاخام طامع في بلاد العريبين
وحنا نتناحر بين شيعي وناصب= وهذا متصوف او اباضي بتعيين
من دون وحده كيف نقدر نواكب= هجمات شرسه من نفوس الحقودين
من اللي لهم ثارات ولهم مآرب = عن موطن الإسلام ماهم بغافين
ارض بها الثروات في كل جانب= والشعب جاهل بالعدا ماعرف مين
مرٍ نقول الغرب للشر جالب = ومرٍ نقول الفرس بالعرب طمعين
وحنا البلا منا غرقنا بقارب= عميان ما ندري عن الشط لا وين
تقاضبوا بالحلق والكل عاتب = وبعصيهم كلٍ تناوش للادنين
والبحر عاصف ما نجا به مراكب= الاّ من اللي وحد الجهد ويعين
وان استمر الحال فالكل ذاهب= والكاسب اللي فرق الناس صفين
الدين واحد لو تزيد المذاهب = والله يحاسب من حرف منهج الدين
كلش ولا التعميم لاقوال كاذب= حدد هدفك ولا تضم البريين
وحكم لعقلك واترك الجهل جانب = فمن لاحكمه العقل يخسر بعد حين

صح السانك يابو عبدالله

واعتلا شانك


جزل دائما لاعدمناك

وقصيده تستحق المرور مرارا



تحيتي وتقديري

[عطر الياسمين]

اكثر من رائعة
تسلم وصح لسانك
تحياتي

[عبدالعزيز العمار]

فمن لاحكمه العقل يخسر بعد حين

صح عليك يادكتور وصح لسانك

أبدعت وأجزلت بهذه الرائعة

تحياتي لك مع التقدير

[داعي الشوق]

ابدعت يا دكتور

والله يصلح الحال

و صح لسانك ملايييين يا مبدع

ولاهنت

مع تحياتي لك

[كظيم]

الله الله الله

الطـائر المهــاجـر
صح لسانك وكلك
ابيات جزلـه ووافيـه من حكيم
ابدعت فيهـا معنى ومضمون
وابدعت في سبكهـا وحبكهـا لله درك
تقبلني وتقبل اعجابي ومروري المتواضع لاهنت
ودي وتقديري

[نفحات حساسة]

صح السانك ولاهنت

للتميز عوده وتجديد

تحيتي لك

[الراقي]

صح لسانك على ما قدمت من ابداع
ابيات فيها من الاصالة ما يكفي

[نفحة الطيب]

صح لسسسسسانك اخوي
واعتلى شانك ورفع الله قدرك دنيا واخره
كلمات قصيدك رااائعه وراقيه
وليس بغريب على مبدع مثلك
ادام ربي بكل خير
تقبل مروري
أخ ـتك/ نفحة الطيب

[روح الشعر]

تاريـخـنـا حـاضــر ولا هــــوب غــايــب
يـوم اننـا وحـده حكمنـا إلــى الصـيـن

صح لسانك اخي


جزله من جزل

لاهنت ولا هان فكرك

[روح الشعر]

وحـكـم لعقـلـك واتــرك الجـهـل جـانـب
فمن لاحكمه العقل يخسر بعـد حيـن

صح لسانك واعتلى شانك جزله من جزل

ودي واحترامي اليك