لاصرت تبحث عن مقرّ الرجاجيل

[سناعيس]

والعاقل اللي لامشى ليـل بالسيـل
يجس دربه قبـل تزلـق رجولـه
والعاقل اللي لا وطى درب به ميل
يعدل مساره قبـل تهلـك ذلولـه

ياسلام عليك
صح لسانك يابو عبدالله
وبيض الله وجهك
جزل وحكيم لله درك

تحياتي

[عبيد ابو شيبه]

الله الله
يا دكتورنا / الفاضل ومشرفنا العام
الطايرالمهاجراهنيك واحييك
على هذا النص الشامخ
وبيض الله وجهك ولا هان راسك
تقبل فايق تحياتي

[الـزلـزال]

لاصرت تبحث عن مقرّ الرجاجيـل=فانص الفطاحل ماتبي لـك دلولـه
حصنٍ حصين يهدي لساري الليـل=يشع نوره فـي دروب الرجولـه

الطائر المهاجر
قصيدة رائعه ومميزه وجزله
من شاعر متميز ورائع في كل مايقدمه
نعم منتديات الفطاحله هي المقر الشعري الذي ليس له منافس
ويتشرف كل من ينظم لها ويسعد بمصافحة رجالها
مبدع دائمآ طائرنا المهاجر ومتقن وجزل
حلق ولنا الأستمتاع بتحليقك الشعري
صح لسانك ملايين ملايين
ولك فائق تحياتي وتقديري

[الذيب الذيب]

صح لسانك ياالطائر المهاجر قصيدة جميلة
تحياتي لك يابو عبدالله

[اسير الغرام]

لله درك
اسمتعت بهذه الباسفة
شكرا من الأعماق
سلمت وصح قلبك
احترامي

[الطائر المهاجر]

شكرا أخي مروان
على كريم الحضور والمتابعة
لاهنت
تحياتي

[الخنساء]

المشاركة الأصلية كتبت بواسطة الطائر المهاجر

لاصرت تبحث عن مقرّ الرجاجيل = فانص الفطاحل ماتبي لك دلوله
حصنٍ حصين يهدي لساري الليل= يشع نوره في دروب الرجوله
تلقى به رجالٍ نشامى حلاحيل = مافيهم اللي هايفاتٍ اصوله
ما يقبلون اللي امتهن للتخاتيل= ولا يقبلون اللي بعقله طفوله
نقوة رجال من خيار المشاكيل = كلٍ بدربه واضحاتٍ فعوله
في كل امانه ما يدانون تطبيل = وسيوفهم فالحق تردع جهوله
حتى سطع نوره وغطى على سهيل= واجهر حصاني ماكراتٍ ختوله
قامت تنافر تايهه فالمجاهيل = ثمن تجمّع كود تصنع بطوله
ترسم بخبث وتفتل المكر تفتيل = وكل كشف نابه وخافي ذيوله
وقامت تكلم ناشره للأقاويل= محدٍ عطاها وجه فاللي تقوله
ومن حر ما توجس تدز التماثيل= وتدخل باسامي ناقصتها الفحوله
لعلها تلقى دروب و مداخيل = نسيت بأن الحصن محدٍ يطوله
شامخ ولا تاصله حتى الدرابيل = ولا من بقلبه حقد لو حال حوله
فالعاقل اللي لا سمع للأباطيل= يدرك هدفها ما تطوف بسهوله
والعاقل اللي لامشى ليل بالسيل= يجس دربه قبل تزلق رجوله
والعاقل اللي لا وطى درب به ميل= يعدل مساره قبل تهلك ذلوله

صح لسانك مليون ولايكفون

قصيدة جزلة من شاعر متمكن

وانا اشهد انك صادق

سلمت ودام حرفك

[الطائر المهاجر]

شكرا لأخي عبدالعزيز العقيدي
على كريم الحضور والمتابعه
لاهنت
تحياتي

[نديم الحيارى]

جميل ما خطته اناملك وأملاه فكرك
من ابداع
صح لسانك
لاهنت
شكري وتقديري

[الهامس]

جزلة من راس جزل
سلمت وسلم قلبك
ولاهنت
ودي واحترامي