16-09-2007, 03:24 AM
|
رقم المشاركة : 21 | |||
|
بكتب ابيات عجاب هايضات = كالجواهر في العقود الناظمات
من حشا قلب تشوق من زمان = في هوى تلع الارقاب الغاويات عذبنى بالجفاسه والصدود = واودعن القلب يقلا به لهود كن جاشى يصطلى فوق الوقود = حين شفت اقرونهن الواردات واردت طيبهن ريح خنين = والعذارا يخلفن قلب الذهين فان بغيت افضى غرام الدايخين = فالعرب فيهم اجروح بينات يا سلام الله كيف ان الغرام = يرفعه بالصوت قمرى الحمام فان بغيت افضى بصوت مستفام = فالعرب فيهم اجروح هايلات هايلات والهوى ماله طريق = لاترى حي ولا تلقا رفيق كم شجاع في هوى غيه غريق = غرقته واسعات بالوشات ألوشات العايلين المايلين = كم سعوا بفراق خل عن خدين ربما ان يرجعوا لو بعد حين = الى تلين قلوبهن الجاسيات جاسيات من تساليط الزمان = كدر الخلان بالتغيير حان لا اجتمع صد وتغيير الزمان = فالعذارا ينمرن لو صافيات شاقنى منهم مجمول حسين = جادل نهده كما فنجال صين حط في لاجى الحشا جرح مكين = منه راسى والعوارض شايبات ذارف دمعى على صحن الخدود = طول ليلى ما اتلذذ بالرقود زاد قلبى شوق عينى باللهود = ما اهتنى بالزاد مع طيب المبات ما أبات الليل من وجدى عليه = ما من الله أشتكى إلا إليه أشتكى له ولا اتكال إلا عليه = أشتكى بالحال له كيف السوات أشتكى بالحال من ما صابنى = من غزال صابنى واقصابنى أبتغى منه الدنى واقصى بنى = ما يخاف الله سيد الغاويات كلما قلت التحم جرح الضمير = زادنى بالقلب له جرح غزير مخطر قلبى إلى شفته يطير = بالخضار مع طيور الطايرات طايرات شاهرات مالعن = لا متباعن نوهن لى يفجعن ناميات العشب روض يرتعن = ينكفن يمه اعجاف هايلات فارس الهيجا وهو زين الذليل = على الشوفات كساب الجميل أشتكى له من جوى قلب عليل = من زمان له ازروع هايفات هايفات ما سقاهن الوصال = تالفات في هوى سمح الجمال عين له سود تشادى للغزال = من عناديل الغلات المغزلات حط فى قلبى وقلبى له هوى = ما اهتوى غيره من اطفال البنات هواسه ميالة تسبى العقول = لا توصف لابقصر ولا يطول بسمرة مسمارها في القلب طول = ذا مخالبها لقلبى صايدات صايدات راس معلوقى انا = ميقن من شوق عينى بالعنا يانهى سدى ويا مسكاى انا = أشتكى ياعيد هزل موجفات من غزال كاعب غض غضيض = منه قلبى يا نهى سدى مريض مايناله كود من حظه حضيض = بالمواصل منه في حد الحيات تايه في حد غايات الشباب = زاد جرحى في ضميرى بالتهاب آه واقلبى عليه الذهن ذاب = ياسنادى بالبقا ذرب الهوات إسمها في سوق ريح عود = فص ياقوت ثمين ألف وزود بلادها الحوطة عسى سيله يجود = فوقها وينل مثل المرزمات ذا اسم هذا الظبى أو ريم العجاج = سابى عقلى بعينه والحجاج والنواهد كنها حقين عاج = والكتوف امن الردوف امعزلات |
|||
|
|
16-09-2007, 03:24 AM
|
رقم المشاركة : 22 | |||
|
ياركب يامترحلين همايم = دن العقوب اموردات المقاديم
قلايص يا ما حظن بالغنايم = حدب الظهور امذكرات علاكيم عوص رعن نوار نبت الصرايم = في ضف أهل بيض الدروع المصاريم بشدن جول امجفلاة النعايم = والأ تحفق فرق رقط الحلاقيم في صحصح ساقه هبوب السمايم = يبغن جانب جال ما يبهج الهيم يا ركب ما عسر الليالى بدايم = الدهر له تأخير حال وتقديم قوموا القطع امصقلاة العظايم = وادنوا ان شفتو من الصبح تنسيم عوج المراكب راميات الخدايم = حمر المناكب مدنيات الدياميم فيلا خرجن امن الحمى بالقصايم = ياركب لى بالعين والواو والجيم لعل ياهل مبعدات الهزايم = من عقب تسميح الامور المعاسيم منى على عهد الرضا والختايم = تهدون ترحيب جميل وتسليم ابها من الياقوت في كف سايم = وانوج عبيره من عبير المشاميم والذ من ما غادرته الغمايم = في مستطيل اكهوف حمر الشخانيم جن في سريب امذعذعات النسايم = عند الغدا يوم افرحته الهماهيم يم الذى عن شوفة الدون شايم = مجرى ينابيع الصخا طيب الخيم ماهوب جماع يدور الحطايم = إلا ولا يلقا بطرق المواثيم له اشتكى ما قاعد لى وقايم = من جادل كالريم خص الى ريم لو شاهدوا حسنه كبار العمايم = تبدلوا عقب الهدى بالمواثيم أمشى مع اوباش الملا كالمهايم = من فقد وضاح الثنايا المناظيم ياسيدي ياسيد سمر الكمايم = دعج النواظر هايفات الهواضيم محد يزايم ما نيب أزايم = أيضا ولا مثلى يحمل الهواظيم عسجد ايديه وفي خدوده رقايم = ومعكرش راسه سواة الحماحيم هذا ويا من للمروة ملايم = إن غضونت شعث الوجيه المكاتيم ياحصة ما قلبوها الخمايم = ولا جابها البياع في مجلب سيم لو فاح ريح اقرون عطر الشمايم = لا شفا ورا بغداد ناس مزاكيم ياسيدى ياسد سود الامايم = خمص الخواصر والبطون المهاضيم خريدة يفطر بها كل صايم = حورية بالزين فيها مراسيم أيام عنا طرف الاحداث نايم = ولا سامع يفضى اوصات المناديم وصلاة من يحيى رميم العظايم = على الذى شرف بقدره ابتعظيم |
|||
|
|
|
16-09-2007, 03:25 AM
|
رقم المشاركة : 23 | |||
|
يابكرتين ناطحنى ضوايع = عفر سهاويّات جدع قرايع
أطلع عليهن يوم افقدن ساعة = زولتين زمهرتين طلايع عانقتهن وقلت مابالحكى باس = يوم التفت إلى ان الاثنين جلاس قالوا نسألك بالذى يرزق الناس = وش ذا البكار وقلت ذولي ودايع قالوا كذوب من يودعك ذينى = ما تنتودع جنس ذا البكرتينى والله يامن شدهن ابلا يدينى = ما ادّاهن الا اللى له العقل ضايع ذولى يبوقهن الذى ما بعد باق = ويسرقهن اللى كان ماهوب سراق لو يطمعون ابهن مصلين الاشراق = ما طاعوا فيهن عذول وطايع أقفن ويتليهن مع السوق حاشى = يمشين عجلات ولا هوب ماشى يوم استمرن فى حلى المماشى = قالمتله العفرا الطويلة ترايع وقفت له الأخرى وردت لها الراس = وهذيك جتها كنها ظبى الاطعاس يتعبثن امن الهوى عدم الاجناس = وحطن فى قلبى اطعون فنايع سمر الجدايل بكرتين فتاتين = ماهقوتى خلن شى من الزين يسبين من له في اطروق الهوى عين = بالدل هو ويا الحكايا النوايع صعبات مايمشن قود ولا سوق = للى زبون للهوى كلهن عوق بالوصف ماسومات بالخصر والطوق = ولهن صيت بين الاسلام شابع لا عن مع اللى بالعمد يسمك البيت = ولا من بنى الجدران والحى والمميت ليلة لهن في مفرق السوق وافيت = أصبح قلبى من جواشيه ضايع البكرتين العفر زينات الالوان = مابيعهن واختار فيهن بالاثمان وحياة رب للمخاليق وزّان = ما قر بالاسوام لو بت جايع والله ما ازرى الاعلى اللى يسومون = منى وهم لاثمانهم ما يطولون بياعهم يبشر له الخسر مضمون = واللى يبى الاطماع فهن الطمايع |
|||
|
|
|
16-09-2007, 03:25 AM
|
رقم المشاركة : 24 | |||
|
الهزانى يجاوب أحمد ابو عنقا على قصيدته عضنى ناب الزمان وقلت آه
مرحبا ما غرق براق بماه = أو تردد صوت رعد في جهاه
أو بكن اعيون مزن جنح ليل = أو تبسم نور نبت من بكاه أو صفا ديجور جلباب الظلام = أو بدا فيروز صبح من قفاه أو عدد ما حن مشتاق دنيف = فارقه من بعد محبوبه عزاه أو عدد ما ضج في قرن الحجيج = أو نفر من بعد حجه من قضاه أو سرا الخريت بكوار هجان = أو تبارت يعمليات وراه بالكتاب اللى لفانى من صديق = نظم در من بحر فكر نقاه من محب لى رفيج من عشير = صادق فرض على مثلى قضاه بعد منظومى كتابى والسلام = للذى مما جراله قال آه أيها الغادى على حر هجين = دارب كالقوس محنى قد شراه سالم من سوق معوج الظلاف = كن حمرة ناظره جمرة غضاه هملعى نايف المقدم نجيب = ما يشده راكبه لولا براه شد فقمى عيط من نسل عيط = نقع خفه من حدو جريه غطاه نابى الوركين كن انه يطير = أين وخده من جنونه يوم جاه دارب لافرق بينه والعجاج = ما حد يوم اللقا يقوى لقاه يسبق الكدرى إلى جن قاصدات = منهل يجلى الصدا سلسال ماه في ضحا يوم من الشعرى المخيف = لفح بارح كافح الجوزا شواه بالبرا عج راس نضوك لى كفيت = من زمانك شر ماتخشا أذاه قدر شرب العجل فنجال اودون = باغى ياهيه تنقل لى وصاه يم أبو عنقا وقل ليش يوم = دز نظمه ماتفطن في قفاه فاق بالآفاق في جيله وانا = كل نظم رايج عندى قضاه ما احقر يالعشر من رد السلام = يوم جيت " الخرج " يو زاد ماه بعد ذا ان كان لى عندك كما = عندنا من ذات توقير وجاه فافتهم نظمى وسلم لى على = منتج الطولات مغنى من أتاه من حشا قلبى وقل له ذا سلام = من محب والمودة في حشاه ميم حا سين ونون كن في وسط = عينه يوم فارقكم جذاه من ذوى الطولات هباس ومن = هاطلات المزن يحذا من عطاه من عطاياه الاصايل والجياد = مثل عرعر في زمانه ما نراه مظفى الحسنى وبداع الجميل = فرز شطرنج الوغا بحر القناه ذروة العليا شقا عين الحريب = فرجة الصاحب سبب عزه غناه تلتجى به بالملاقات الجياد = والرعايا آمنات في حماه بدر تم فى سماء المجد خيل = عم مشرقها ومغربها سناه من ابهاه انجوم نحس افلا آت = والسعود امقارنات في سماه طوق ارقاب الأدنى والبعيد = بالحسانى طول البارى بقاه وان بغانى في مديحه بعدما = يدرى انى جاهل ماقلت آه فان لى يا سامعين الجيل فيه = امن المآرب ما لموسى في عصاه لازم انى اقضاه لو انى بعيد = بالثنا والا فمن ربى جزاه بعد هذا الجيل يالممدوح جاك = في سجل ما ملا عين الرواه حكيهم لك مثل لالٍ في ضحا = ضيح دوٍّ حين ما العطشان جاه لم يجد إلا غدير من هجير = شمس قيظ من وراه وعن ضحاه حزبك اللى انت له طول الزمان = من جداكم تعرف اليمنى جداه أدخلوك ابتهلكة حسبة سنين = والخير عندى وجابته الرواه ماعهدنا ان آساد الشرى = قبل ذكرك هادنت ضب الكداه وانت حاشاك ان تسوى مثل من = قد طوى عن مايح الجمَّه ارشاه ختم هذا الجيل والمكتوب قلت = مرحبا ما غرق ابراق بماه ثم صلى الله على خير الانام = ما حدا الحادى وما رجع غناه |
|||
|
|
|
16-09-2007, 03:25 AM
|
رقم المشاركة : 25 | |||
|
وقال محسن بن عثمان الهزانى يرثى مصلط الرعوجى أحد أمراء نجد :
يا راكب من فوق مثل السبرتاة = حمرا فتاة عن لقاح معفات
تنصا الكواعب من بنات العمارات = يبكن أخو نوضا على راس ما طال يبكن بدم ليس بدمع يخلط = على عقاب العندليات مصلط حلفت ما مثله على الجمع يقلط = ولا انقلن الخيل مثله رجال يا البيض كنى الحلى والعشارق = وابكن اخو نوضا امروى المطارق خيالها وان جللوها المعارق = لحمق الوسيق ورد الاول على التال وان زرفل المسيوق وارخوا الاعنه = والجيش هربد والرمك يشعفنه واهوى على ركن من الخيل كنه = ( جلمود صخر حطه السيل من عال ) وان زرفل المظهور وقفا مع الريع = ولحقن باهلهن عالجات المصاريع ومن العير مالت وجيه المداريع = فلا بوجهه يعلم الله بميال لا واعشيرى مصلط حامى القود = راقى ذرا العليا جاء كل مظهود لين انتدب من فوق ما يقحم العود = عيا على تالى الظعن زين الاذلال لا واعشيرى ليتنى ما بكيته = لو ان معى حل وعقد شريته وبكل ماتملك يمينى فديته = بالخيل والغرس المظاليل والمال مرحوم يا ما قد حمى من مرنه = واعلق اسنان العود بقطيهبنه ياليت غضاة الصبا ما بكنه = ولا عليه اتراب جرف الجبل هال حللت يا ريف الهيافا ويا ريف = ألخيل في ميدانها كالخواطيف يوم البوادى تشعف البوش تشعيف = عيا عليها مصلط ماضى الافعال مرحوم يامروى حدود الهوارى = يامن بوجهه للمروه موارى يمينه اكرم من هبوب الذوارى = أثقل من ايش عند روعات الاذهال حللت يا ما ضيف ليل قريته = وكم عود زان في الملاقا سقيته وكم أبلج حلف السبايا رميته = عليه شقن العماهيج الاطوال اليوم لى موفى ثلاثة عشر يوم = لا لذ لى زاد ولا طاب لى نوم ساعت لفانى عن حجا كل مضيوم = زبن المجنا مصلط ذرب الافعال يفداه من لبس السراويل والبيض = كبدى كن ابها وهج لاهب القيض على الذى ملا اقلوب العدى غيض = ليت المنايا تندفع عنه بالمال من عقب مصلط ياهل الخيل تكفون = لا من اعنوز ولا بعد من ذوى عون كم سربة مهيوبة في ضحا الكون = بدد شعبها والغبا عنه ينجال وان قرطبوها بالعياد الكراديس = وتزعزعت حمر النضا بالملابيس وآزا بلطم الطاس ضرب العبابيس = أنهل وعل السيف من دم الابطال |
|||
|
|
|
16-09-2007, 03:26 AM
|
رقم المشاركة : 26 | |||
|
الله بنّو مدلهم الخيالا= طافح ربابه مثل شرد المها الزرق
لا جا على البكرين بنا الحلالا= ولاعاد به يفصل رعدها عن البرق عساه يسقي ديرتي بالكمالا= ويودع نعام ديار الاجواد له طرق يسقي غروس عقب ماهي همالا= يصبح حمامه ساجع يلعب الورق لي حال أصبر من فرايد شمالا= واصبر من الريع الذي يدهجه طرق جريت انا صوت الهوى باحتمالا= في وسط بستان سقته اربع فرق وطبيت مع فرع جديد الحبالا= وظهرت مع فرع تناحت به الورق روشن هيا له فرجتين شمالا= باب على القبله وباب على الشرق ومبسم هيا له بالظلام اشتعالا= بين البروق وبين مبسم هيا فرق برق تلالا قلت عز الجلالا= واثره جبين صويحبي واحسبه برق حنيت انا حنت هزيل الجمالا= تنقل روي الخيل قد حسه الفرق يا قلتتن في عاليات الجبالا= ما ها قراح مير من دونها غرق ماعاد للصبيان فيها احتمالا= من كود مرقاها يديهم لها طرق ياشبه صفرا طار عنها الجلالا= طويلة السمحوق تنزح عن الدرق له ريق احلى من حليب الجزالا= واحلى من السكر اليا جا من الشرق أخذت منها حبتين تتالا= يوم ان نسناس الهوى يطرقه طرق قالوا تتوب عن الهوى قلت لا لا= الا تتوب رماح علوى عن الزرق وقالوا تتوب عن الهوى قلت لا لا= الا يتوبون الحناشل عن السرق وقالوا تتوب عن الهوى قلت لا لا= الا تتوب الشمس عن مطلع الشرق |
|||
|
|
|
16-09-2007, 03:27 AM
|
رقم المشاركة : 27 | |||
|
هذه القصيدة الرثائية وجدتها منسوبة لمحيسن ولم اتأكد بعد
سر يا سحاب الخير وأمطر بالاحسان=وأمطر من الكوثر صِباحٍ وعَصـري
منشاك مـن طيبـا بـروح وريحـان=بـرد النسيـم مذعـذعٍ بالشّمطـري بأمر الذي ان قال للشـي كـن كـان=هطال يحـي مـن نمـا كـل بـذري يصبح نعيم النبـت مختلـف الالـوان=متشعشعٍ نـوره بالاثمـار خضـري مقام من لـه بالحشـا روض نعمـان=قطـف رواعيهـا أرقـاب البختـري غروٍ زرع بموجـل القلـب بستـان=نوايـع أشجـاره بالانعـام خضـري من يوم قالوا شيل من بيـن الاظعـان=وعنانتـي صـوب لحـدٍ وقـبـري قفّت أظغونه صوب معمول الاركـان=عقب الموده ليس يراعـي لصبـري ياقبـر مـا تنبـاج ننظـر بالاعيـان=ويش الـذي بمـورد الخـد يمـري ياقبر هـذا يشبـه الحـور الاحيـان=غروٍ نزل يحكـم بالمـوت سكـري ياقبر هـذا سيـد غضـات الابـدان=هايف ومهضـوم وسـطٍ وخصـري ياقبر هـذا سيـد عينـي بالاوطـان=قرة عيونـي بيـن بـدوٍ وحضـري ياقبـر هـذا مـدة شهـور وأزمـان=عليـه دمـع العيـن بالليـل نثـري حطّوه فـي أظلـم لحـود وغيـران=بالحل يامن له مـع الحـور قصـري قصرٍ فسيـحٍ بيـن طوبـى وعدنـان=في جنة الفـردوس وأنهـار تجـري ياموت ما تاخذ عن الشـوق الأثمـان=أحكم بكل شي وأنـا منـك أبشـري أعطيـك بغـداد مـع ملـك شبهـان=خزاين الشامين مـع ملـك مصـري وبنـادر الشاهـات والهنـد وعمـان=والبصرة الفيحاء مـع ملـك هجـري مع كل ما يجنـون حضـرٍ وبـدوان=أسواقهـم باللـي كمـا خـد عفـري يا ورق مـا تبـدع غريبيـن الافنـان=باح العـزا حيثـك بشكـواي تـدري عذري ولو جاوبـت ورقٍ بالالحـان=لو نحت نوح الورق وأكبـر عـذري كم عاقـلٍ قلبـه مـن العقـل مليـان=فاجاه من عقـب السكـات التهـذري يا لايمي صابك من البيـن مـا بـان=تأتيـك غـاراةٍ علـى غيـر تـدري دنياك مـا تصفـى لحـيٍ بالاحسـان=الا ان سَقت من الشري والسقطـري قبـل نبـي الله بنـا بيـت الاحـزان=وبكى على يوسف والافراق عسـري ياعين هلي دمعتـك فـوق الاوجـان=مثل المطر ينهل من فـوق حجـري وابكي حبيب الدمع من فوق الاعيـان=تزفيـر عبـراةٍ تلاعـب بـصـدري هيهـات لـي هيهـات ممـا تبـلان=طال الفـراق وزاد بالبعـد هجـري ما ظنتـي القـى عشيـري ويلقـان=الا بيـومٍ شاخـصٍ فيـه بـصـري علي وجدي وجـد مـن راح يسفـان=بوسط البحر شحت من الموت خطري وأشرف عليه الموج من كل الاركـان=حاديه عاصوفٍ مـن الريـح نهـري أيّس وقال اللـي كتـب بالقلـم كـان=وما كان مكتوبٍ على العبـد يجـري وعجل عليه المـوت للـروح ديـان=كم واحدٍ في النـاس فاجـاه غـدري يا ربنا مامن مـن المـوت جزعـان=والموت مكتوبٍ على العبـد يجـري والمـوت لارواح المخاليـق ديــان=ما يندفع مـن بعـد عسـرٍ ويسـري غارت خيول الموت ركضٍ بلا ارسان=والعبـد عنهـا غافـلٍ ليـس يـدري لكن غض الطـرف سحـاب الاردان=لو أحتمـل عنـد امتنـاعٍ وصبـري الى ذكـرت أنـه بملفـوف الاكفـان=خذه علي المـوت غصـبٍ وقسـري ياليت ملك الموت من حيـن فاجـان=مضـى بنـا ويـاه عبـرٍ بعـبـري ما ابغي حياة عقب مريوش الاعيـان=وزهدت في دنياي لو طـال عمـري عسى تجي روحي و روحـه بيمنـان=يوم القيامـة يـوم حشـرٍ ونشـري صـلاة ربـي للنبـي سيـد عدنـان=عـد الريـاح ومالعـا ورق قمـري |
|||
|
|
|
23-09-2007, 12:33 PM
|
رقم المشاركة : 28 | |||
|
كان لمحسن الهزاني ولدصغير فخاف عليه من الغي الهوى وجعله في حجرة في منزلهم واغلق عليه الباب وكانت امه تدخل عليه بالطعام والشراب ثم تخرج وتقفل البابوظل الامرهكذاحتى كبر الولدوبلغ مبلغ الرجال وفي يوم نسيت امه الباب مفتوحافخرج من غرفته فوجد امه تسرح شعرفتاة جميلةمن فتايات جيرانهم فلمارآهاتعجب منهالانه لم يرى في حياته غير ابيه وامه فقال ماهذاياامي؟ قالت لتخيفه هذاراس الذيب فسكت وعاد الى حجرته فلماجاء محسن دخل عليه فوجده ينشد
الــذيب ماله قذلة هلهلية = ولا له ثمان مفلجات معاذيب والـذيب مايمشط بالعنبرية=.لاواهني من مرقده في حشاالذيب فعرف ابوه ان الغي اصابه فارسله الى شيخ قريتهم ليعلمه وذهب الولدالى الشيخ فساله الشيخ هل يعرف حروف الهجاء؟ قال نعم علمني ابي كل الحروف. قال قل الف قال
الف وليف الروح قبل امس زرناه=غـرو يسلي عن جميع المعاني
قال قل باء قال
والباء بقلبي شيدالقصر مبناه=وادعى مباني غيرهم مرمهاني
قال قل تاء قال
التاء تراني كل ماوحيت طرياه=افزلو حلوالكرى قد غشـاني
قال قل ثاء قال
الثاء ثلوم القلب محد بيرفاه=الا ان خلي من عذابه سقاني
فقال الشيخ كفى من علمك هذا قال ايعرف الشيخ ان محسن هوالسبب فيماصاراليه ولده وقال من شابه اباه فماظلم وارسله الى ابيه وقال قل لابيك خـتمت وعادالولد الىمحسن واخبره بماقالهل الشيخ فعرف الحقيقة |
|||
|
|
|
23-09-2007, 12:48 PM
|
رقم المشاركة : 29 | |||
|
الله الله شاعر بالفطرة |
|||
|
|
|
23-09-2007, 03:11 PM
|
رقم المشاركة : 30 | |||
|
الله يسعده ويسعد ابوه |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 11 ( الأعضاء 0 والزوار 11) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة مكعيل والقواطي القديمه ..!! | بارقةأمل | المواضيع العامة | 15 | 16-12-2010 06:50 AM |
رد: عبد المحسن الهزاني
