انت بدوي خلك بدرب البداوه

[نجم الإبداع]

ماعاد ينفع لو رقعت الاداوه = ندري عن القسمه وعن ضرع محلوب
ادري الجنوبي مايشوف العلاوه = كنه من اليابان والا من النوب

[نجم الإبداع]

اخواني
عبدالله المرشدي
مهدي الحبابي
عبدالله الشويمان
سعد العتيبي
تسلم قلوبكم البيض

لاعدمتكم

[الطائر المهاجر]

حكيك سياسه ، خلنا في هداوه = نزيل فرقه مالها ساس بالنوب
الكل يلمسها بجهر وخفاوه = ولا هي لصالح شعب بالهم مغلوب

[عبدالله الشويمان]

بعتقادي الجميع عرف الفكره...

فإذا انكم مصممين على بناء القصيده اتفقوا على مطلع ..سواءاً مطلع ابو عبدالله أو اي مطلع يرغب طرحه أحد الزملاء.. وابدأوا..وعساكم على القوه..

وكل شاعر يرغب بالمشاركه يكمل على ابيات من سبقه من الشعراء.

واذا ختمت القصيده تنقح وتصحح الاخطاء والعيوب اذا كان فيها اخطاء وعيوب..

وتنشر بصفة رسميه باسم شعراء الفطاحله..والحقوق لمنتدى الفطاحله..

وبالله التوفيق.

وبالله التوفيق

[الطائر المهاجر]

الظاهر لي انهم يبونها ردية حتى تصل لعدد معين من الأبيات تنقح ، فتشكل قصيدة جيدة ،

[نجم الإبداع]

فرق تسد والبعض يدفع اتاوه = أمه كسيرة حظ والعدل معطوب
مافوق عيني يارفيقي غشاوه = عز العرب ياشيخ من قبل مسلوب

[عبدالله الشويمان]

حسب تفاعلي مع الموضوع...وحسب ميانتي على الدكتور عثمان...

حررت ابياته لتناسب مطلع القصيده التي يرغب في تحقيق اهدافها...

وأنا اعلم ان الدكتور عثمان شاعر متمكن ...والخطاء وارد من اي انسان ..والكمال لله سبحانه وتعالى..

واتمنى ان يتفاعل الاخوه الشعراء والشاعرات باكمال القصيده لتغطية جميع الجوانب في هذا الموضوع..

واليكم ما توصلت اليه :

((ليش بدوي خله بدرب البداوه؟ = وشو صفر سبعه ولاهوب محسوب!
وشهي حضر في نجد مناب جاوه؟ = ليش الأصل والفصل في كل ماجوب؟
كلام ناقص من دلوخ الغباوه!= اللي يرون الناس من عقل مثقوب))
حنا عرب إخوان ومامن جفاوه=مافيه فرقٍ بيننـا الكـل مقروب
وكـلٍ لجـده ينتسـب بالسماوه=ببلادنا ويعيـش غالي ومحبوب
شعب وسعوديين علم وعلاوه=الجهل وللَّا وعلمنا نلبسه ثوب
راح التعصـب وبتدينـا النـقـاوه=اليوم يد وحده على كـل ماجـوب
وللَّا زمان الغطرسه والشقاوه=والعنجهيه في كثيرات الاحروب
شرقي وشمالي والجنوبي صفـاوه=مع نجدي وحجازي ترى الشك محجوب
إخوان بالاسلام ومامن عداوه=البيت واحد والمحبه لنا سلوب
تشابكت ارحامنا بالضراوه=على اختلاف انسابنا كلنا حضوب
في ظل رب الكون نحيا هداوه=سبحانه الهادي الى خير ألدروب
أملوكنا هم ذخرنا والعزاوه=معهم جعلنا بيرق الدين منصوب
من عهد اخو نوره شديد الصحاوه=عبدالعزيز اللي بنا صرح مصبوب
واليوم ابو متعب على الخير خاوه=الى طريق العز والعز مطلوب
والعز يا زينه لحضر وبداوه=فيما فرضه الله مع طيب ألقلوب
دينٍ ودنيا والاخوه طراوه=بين القبايل كلها دون عذروب
ومن لا على دينك فخله خلاوه=ومن شذ عنا ما لنا فيه مرغوب

مع احترامي للمشرف العام وجميع أعضاء هذا المنتدى الطيب..

اخوكم/ الرعد

[الطائر المهاجر]

بانتظار ناصر القزلان لإعادة الصيغة وإضافة ما يراه
شكرا لك يابو بدر
تحياتي الطيبة