وقف اظنه واجب اني اناحيك

[ياسر عبدالرحمن الخالدي]

المشاركة الأصلية كتبت بواسطة الطائر المهاجر

قصيدة من حوالي 25-30 سنه

وقف اظنه واجب اني اناجيك= وانصحك ياقلبي بما كان يخفاك
تعبتني ياقلب باسباب ماضيك= واشقيتني بْحاضرك ماظني اقواك
بغيت انا افهم دربك اللي يمشيك= وازريت انا اعرف ما تبيت نواياك
ودي اعرف اللي يكنّه تحديك = وياليتي اعرف لو بعض من خفاياك
منتاب مرتاح ولا شي يرضيك = كنك غريرٍ جاهلٍ وين مسعاك
مر اشوفك ناضج في مراميك= ومر خفيف وراكضٍ خلف مغناك
ومر اشوف الهم بالحيل طاويك = ومر سعيد وطالع السعد بخطاك
ومر تحب ومر تكره محبيك = ومر تود اللي يضرك ويشناك
ياكثر تفكيرك وياكثر طاريك= ويا كثر ما مشيتني درب الاشواك
ما ظن سن الرشد للعقل حاديك= ولا ظن شيب الراس بالخوف يحداك
مدري متى تصحى وتترك غناويك= وترسي على درب يسرك بمفلاك
البيض يسبنك وبالزين تغريك=ياما خذن عقلك على غير إدراك
ليا تغرك ضحكة السن تغويك= وليا تغرك كلمة الحب تسباك
البعض منهن تظهر الحب تغليك= مهوب حبٍ لك اذا تدور رضاك
تاخذ حلالك ثم بالقاع ترميك = وتدور لْدروٍ مشى مثل ممشاك
والبعض لو تصبر فهي دوم تنويك= لا ريّشت تمسك براسك وعلباك
تبعدك عن اهلك ومن كان يرجيك= تملكك مثل العبد لو تخفي شراك
ولا فرخت بفروخها اللي تشقيك= لقيتها غربان بالهم تنعاك
كل يحقرك كلما حل طاريك= يسمع كلام امه وبالنار يصلاك
تعيش باقي العمر همك مخاويك= تتجرع الامرار محدٍ تحاماك
ياقلب يكفي النوم كان انت تبغيك = تامن زمانك قبلما يوم ياطاك
لابد ما تتظر لعيبٍ يرديك= وتبعد عن دروب الهوى قبل تبلاك
واسمع كلامي لاتبيّن شكاويك= شكوى لغير الله مذله ونا افداك
واذا وطاك الدهر والحظ جافيك = لابد ما تصبر على ما تعناك
فكر بصمت ولا يبين الردى فيك= فالناس ما تنظر لهمك وشكواك
الناس تشمت بك ولا ظن تشفيك= فخلك جبل محدٍ يهزك بمرساك
واحفظ لسانك لاتوهق يوديك= دربٍ خطير كلما فيه اشواك
الهرج سم العقل والصمت يعطيك=وقتٍ تخطط فيه لاوين مغزاك

الله الله

صح لسانك ياشاعرنا
ماشاء الله ابداع متواصل
بارك الله فيك

[منيع احمد القرني]

اعود فاقرا القصيده
واتمنى ان افيها حقها
اعجابي بما تسطره شي مفروغ منه
تحياتي لك معلمنا الغالي

[سعيد عوده الحويطي]

صخ لسانك يابو عبدالله قصيده من الوزن الثقيل فيها كثير من الحكمة والصور البلاغيه والمفردات العذبة لله درك وعلا شأنك اخوكم الشاعر سعيد عوده الخويطي ابو توفيق

[مهدي الحبابي]

أخوي ابو عبدالله

صح لسانك واعتلا شانك

قديمك وجديدك رايع

لك احترامي وتقديري

[ابوعبدالرحمن القريشي]

ودي اعرف اللـي يكنّـه تحديـك .....وياليتي اعرف لو بعض من خفاياك
منتاب مرتـاح ولا شـي يرضيـك.......كنك غريرٍ جاهـلٍ ويـن مسعـاك

ابو عبدالله

صح لسانك وعساك عرفت بعض الخفايا

بعد 25 - 30 سنه

قديمك جديد علينا


دمت بود

[حي الضمير]

شاعر الحكمة العملاق ابوعبدالله
وربي من اجمل ماقرأت في شعر الحكمة
ومكانها المفضلة في متصفحي
ومدد صح لسااااااانك ياعلم
ابدعت ابدعت ابدعت
وعواااااااايدك ياقمه

[الطامي]

الطائر
صج السانك استاذي
وافية وهادفه
ولاكن من تنادي في زمان العولمه
وأأأأأأأأأأأأأأأأأأأأأأأأأأأأأ أخ يازمن
شكرا لك

[الطائر المهاجر]

شكرا لأخي الصريح
على كريم الحضور والتفاعل
لاهنت
تحياتي

[حوريه]

ومر اشوف الهم بالحيـل طاويـك
ومر سعيد وطالع السعـد بخطـاك
ومر تحـب ومـر تكـره محبيـك
ومر تود اللـي يضـرك ويشنـاك
ياكثـر تفكيـرك وياكثـر طاريـك
ويا كثر ما مشيتني درب الاشـواك
ما ظن سن الرشد للعقـل حاديـك
ولا ظن شيب الراس بالخوف يحداك


طائرنااا المهاااجر

نص ارتقى لقمة الأبداااع وجماااله

صح قلبك.....

لا خلا ولا عدم

.

[محمد عبدالله البدراني]

قصيدة تستحق العودة مرارا

صح السانك

وعلا شانك


ولله دررررررك


تحيتي وتقديري