عيون المها يانجد (هلالي ، بالصوت)

[سليل المجد]

صح لسانك وقلبك
جزلة من راس جزل
لاهنت
دمت بخير

[حمد العيد]

الطائر المهاجر

اجدت وابدعت بهذا النص المبهر

ليس بجديد ان نسمو مع سمو حرفك

لاهنت وصح لسانك

ودي وتقديري

روض الغلااا

[الصريح العتيبي]

أستاذي المخضرم أبو عبدالله سلمه الله
السلام عليكم ورحمة الله وبركاتة

أبدعت .. وكلمة مبدع لا توفيك حقك وتقبل تقديري واحترامي





الصريح العتيبي..............

[عيد مشعل]

صح لسانك ياشاعرنا 000000


يامشرفنا

ودمت على الابداع

تحياتي وتقديري

[عبدالله الشويمان]

المشاركة الأصلية كتبت بواسطة المشرف العام

عيون المها يا نجد بالسحر صوّبن = غريبٍ بدرب الحب تاهن ركايبه
رمته الليالي في بحور من الهوى = ولا صار يدري مدّها من جذايبه
وموجٍ ورى موجٍ بها الموت والبلا= تحطّم حنايا القلب تشعل لهايبه
يدوّر بدربه من يشيله من العنا = ولا حدٍ عطاه البال حتى قرايبه
يقولون وش ودّاك يالطير للمها= مدامك رهيف القلب .. هذي تبايبه
الا يا سبب بلواي والحزن والشقا = علامك تركتِ الجرح والروح ذايبه
حلالٍ بشرعك طعنة الروح بالظما = وحرامٍ على قلبي يعاتب حبايبه
حرامٍ عليك احرم وفي عطفك الدوا = نزيفي يتزايد كيف تاقف شخايبه
سقى الله زمانٍ راح بالسعد والهنا= فحلو الليالي ساقها مع هبايبه
ولا عاد باقي غير ما سبب العمى = عجاجٍ كتم نفسٍ شكت من مصايبه
إذا ضاق صدري ارفع الطرف للسما = ونادي الهٍ يدري الحال عايبه
اناجيه وادعي يفرح القلب بالمنى = ولو لحظةٍ بالعمر فالشمس غايبه
واذا ما تهيّا لي اوصيّك يالمها = تقولي يحطوا فوق قبري نصايبه
لعلك تذكريني اذا ذعذع الهوى = شمالي بنجدٍ والحيا في سحايبه
وزان الربيع وشفتي القبر بالضحى= فصلّي على من راح وانتي سبايبه

تسلم يا مدير
هذا شعر الفطاحله اللي عليه الكلام.
جوهره من جواهر الشعر النبطي الاصيل.
صح السانك صح السانك
ولا هنت
صح السانك

توضيح بكلمة(الهوى)في البيت التالي:

لعلك تذكريني اذا ذعذع (الهوى )= شمالي بنجدٍ والحيا في سحايبه

اذا كنت تقصد بكلمة (الهوى) الهبوب فهي تكتب هكذا(الهواء).
اما اذا كنت تقصد الغرام والعشق فالكلمه صحيحه كما هي .
مجرد توضيح للاستفاده..

الغالى
وقفه هنا مع الابداع
واثبات لتواجدى بهذا المتصفح
والشهاده فيك تبقى مجروووووحه
صح السانك وسلم بنانك
ولاهنت يالغالى

عقاب النهار

[مبروك بن ماضي]

قصيدتك حملتني للوقوف أمامها والتمتع بقراءتها
وهكذا انت دايما مثير للإعجاب والدهشه
حضرت لأتعلم في مدرسة شاعر العثمانيات
دمت رمزاً للإبداع والتالق ودام مدادك العذب
وتفضل بقبول تحياتي اللائقة بشخصكم الكريم
أخوك الصغير / بن ماضي

[بنت القصيد]

الله علييك يالقرم ابدعت
بيض الله وجهك

جزله من راس جزل
تحياتي
اختك بنت القصيد ................

[الطائر المهاجر]

المشاركة الأصلية كتبت بواسطة هاجس نجد

هذة قصيده رائعه من رائع يا دكتور ويسعدني ان اكون اول واحد يمر على هذه القصيده
النابعه من قلبك الطاهر
قصيده في قمة الجمال والروعه جزله بمعانيها وبمبدعها
وجزله بحسها الصادق
الى الامام ونحن ننتظر جديدك
وانا من اشد المتابعين لك

إحترامي وتقديري لك يا غالي


((((هــــــــاجـــــــــس H نـــــــــجـــــــــــــــــــ ـــــد))))

هلا بك اخي الكريم/ هاجس نجد
مشكور يالغالي على كريم الحضور التفاعل المميز
وهذه القصيدة على البحر الهلالي حاولت فيها
تم تجسد الشعر التراثي وبالذات الهلالي
وهي واحدة من عدة قصائد لي على هذا البحر .
لاهنت يالغالي
تحياتي الطيبة

[الطائر المهاجر]

المشاركة الأصلية كتبت بواسطة الــذاهبه

مشرفنا الكبير

نص متميز وراقي

دام لنا بوحك الرااااائع

صح لسانك وقلبك ولاهنت

ودمت بهذا الابداع

هلا ومرحبا بك اختي الفاضلة والشاعرة القديرة/ الذاهبة
ومشكورة يالغالية على كريم المرور التفاعل الراقي
لاهان راسك
تقبلي أطيب التحية