انا ما نيب لا شيعي ولا سني

[الآكيد]

المشرف العام


صح لسانك وانا اقول ماقاله محمد السفري


والحق يقال

[مبروك بن ماضي]

عدوي من يعادي الدين من عجمٍ وعربانـي
0000000000000000 وصديقي من يعلي كلمـة التوحيـد لرتبهـا

صح لسانك شاعرنا العلم الدكتور / عثمان العبدالله
والله يهدي الجميع الى سوى السبيل
كعادتك عندما تسمو بالحروف في سبيل جمع الكلمه
سجل إعجابي القديم بشعرك وشخصك الكريم
وتفضل بقبول تحياتي واحترامي
أخوك / بن ماضي

[الطائر المهاجر]

لم تكن الكيبوردية في وضعها السابق قادرة على ترجمة ما رغبت قوله
لذلك كان لابد من اعادة الصياغة.
شكرا لكل من حضر وتفاعل
مع أطيب تحياتي

[الطائر المهاجر]

شكرا لكم جميعا
على كريم الحضور والتفاعل الراقي
مع أطيب تحياتي

[فهد الغنام]

ابو عبدالله مساك الله بالخير ... بسم الله نبداء

تقول القول يا مشرف حشا ما فيه نقصاني = وإلى منك كتبت القاف أمور الدين جّنبها
علامك من مسلسل طاش قمت وجبت ألأدياني = تبي تشرح عقيدتنا وتفتي في مذاهبها
وأنا خابرك رجّال(ن) نزيه ولنت علماني = وراء ما تترك الشيعه بحاله لا تقّربها

[الطائر المهاجر]

غدا دينك سياسه يا فهد والكل فهماني= وبضاعه تنشرى وتباع مايدرى بجالبها
وانا ما جيت لك افتي بهرج فلان وفلاني= انا اقول التشرذم آفة والدين حاربها

[فهد الغنام]

ابو عبدالله ... الله يعين عليك ..يالقرم

ترانا نعرف الجره ونعرف نمسك الجاني = مواضيع (ن) مثل هاذي تركّد يوم تكتبها
ترى الشريّه هي الشريّه لوّ انه وسط رماني = تبي تبطي مفاهيم البشر يصعب تقلّبها
ومثل ما قيل راع الطيب يبلع زلة العاني = وأنا اقول الحرار الشقر اكيد الحر ينجبها

بعد عودت يا مرحب بقاف ٍ هيض أشجاني=ويا مرحب براع القاف والجزلات ينجبها
سليل أحرار لحروفه يداعبها وفناني=وهقوة فيك ما خابت ولكن كنت مرعبها

[الطائر المهاجر]

ترى الشريه هي الشريه ولكن ثوبها ثاني= فانا ضد التشرذم والتقسم كيف تحسبها
وضوح كل ما قلته بلا ركض مع فلاني= اقول الحق ما اخشى ولا دور مكاسبها
عطاني الله تفكير افكر وابدع الحاني= ماني مثل اللذي كالخيل ياشقرا بجنايبها

[فهد الغنام]

ابو عبدالله ... مسيت بالخير يالغالي ..

لوّنه غلطة(ن) سهله نقول انسان غلطاني = لشك الدين غلطاته كثير اللي يحِسّبها
نعرف اللي بديرتنا يحج لقمّ وايراني = سلاسل مذهبه دايم مع السِكّه يسحّبها
يسبّون الصحابه والصحابه درع الإيماني = أهل بدعه وأهل عادات حنّا ما نقر إبها