الـــزوجــه الثانيـه ،،ومـا بـعـد ذلك !!

[ابراهيم عبدالحميد]

داعي الشوق

حيله ذكيه للعوده دون خسائر بشريه

إبداع رائع و راقى
سلمت يداك أخى و دمت لنا

[عبدالعزيز العمار]

الغالي داعي الشوق//

صح الله لسانك وجاد بيانك..

قصيدة جزله من راس جزل..

لاهان راسك ...

[داعي الشوق]

المشاركة الأصلية كتبت بواسطة ابومياس

سعود فيه مثل يقول اللي ماهم قد المشاكل لايتمشكل

ورفيقك هذا الله يصلحه مسكت معه غلط وسوى نفسه عنتر

ولاحسبها زين بس ماصحاه الا الحديده اللي بيد المستورة زوجته الاوله

اقعدت راسه 0

نص متعوب عليه ياسعود

صح لسانك وبيض الله وجهك طرقت باب جميل

واجدت التعبير 0

اعجابي

دمت بخير

هلا بك يا بو مياس

والله قولك حول الدعوى يالحبيب

هههههههههههههه

تسلم على المرور يابو مياس

وصح بدنك ،،،

[السفيرة]

قصيده قمة في الروعه

صح لساانك ولاهنت

يعطيك العااافية00000تحياااتي

[داعي الشوق]

المشاركة الأصلية كتبت بواسطة ابو أنس

الفاضل داعي الشوق...............
قصيدة جميلة اجتماعية معبره

بس تراك احرقت ها العذر على الناس
وعلى قولة اخوي ابو مياس ((اللي مهوب قد المشاكل لايتمشكل))

أكرر انها قصيدة ممتعة وطرح موفق وسلس
لك كل الشكر

حياك الله يا ابو انس

وليه ناوي نيّه هاه تكلّم

هههههههههههههه

الله يسلمك ويحييك يالغالي

وصح بدنك مع التحية

[حي الضمير]

داعي الشوق صح لسانك ملايين
قصيده ممتعه على شكل قصه والحقيقه ابدعت حيل بالوصف للموقف
شكرا لك يامميز

[ســُلاف]

خلصت واتخلصت من ذا المهازيـل
وكلـن رضـا بمقسومـه اللـى حديـده
كذا اريح له
قصة شدتنا وغيرت جونا
صح لسانك ياداعي

[داعي الشوق]

المشاركة الأصلية كتبت بواسطة سعيد الصاعدي

الاخ الفاضل/ داعي الشوق
صح لسانك ولاهنت يالغالي
تقبل تحياتي

حياك الله يالشاعر سعيد الصاعدي

وصح بدنك والف شكر لك على المرور الطيب

تحياتي ،،،

[داعي الشوق]

المشاركة الأصلية كتبت بواسطة الكاشف

[blink]عليك بالعليا بقو العزايم = وعند الولي وصل الحبل وانقطاعه [/blink]
ههههههههههههههههههههههه
الحافي
صح السانك
يالها من رائعة قاصمة لمن نوى او اراد ان ينوي
انت تخوف من التعدد هههههههههههههههههههه

لاهنت عيني
وشكرا لك

حياك الله يا بو محمد

وصح بدنك يالحبيب

وألف ألف شكر لك مع التقدير ،،،

[هاجس نجد]

المشاركة الأصلية كتبت بواسطة داعي الشوق

هذه القصيدة كتبتها بعد سماع قصة أحد الزملاء بعد أن قرر أن يتزوج بإمرأه أخرى

وعندما ذهب بجاهه ليخطب من أناس مقربين له وتقدم .. وافقوا وأعطوه ..

وبعد أن وصل الخبر لأم عياله وجد أن الأمور ما هي على خبره ،،

ثم أراد أن يتراجع عن الزواج ولكن كيف ؟؟

وخاصة بعد أن تقدم للناس وأعطوه الكلام البيّن ،،

وفعلاً تراجع و بطريقة غير عادية وسليمه ..

... بتعرفونها بالقصيدة ،،

مره حدث لى موقفٍ يالرياجيل = يوم قلت أبآخذ حرمة لي جديده
ودى اغيّر يوم شفت البهاذيل = من ذا القديمه يوم صارت جليده
من عقب ماشاروا عليّه مشاكيل = قالوا تجوز خل عنك العنيده
قلت ابشروا باللى يرد المكاييل = والصاع مدبولن وفوقه نقيده
قالوا مرادك عندنا بالتساهيل = انته تقدم والمطالب زهيده
ثم قمت انفّش كشختى فوق واشيل = مثل الحصان اللى عزومه شديده
ماهمنى لو صار بعض الاقاويل = فى نفسى احفّز مواقف سديده
صمّلت بالنيه وعزمت بالحيل = وانا اتطلع للحياة السعيده
خذنا الوعد والوقت لجل المقابيل = عند الذى ساكن بدارٍ بعيده
جينا و حيونا بذيك الفناجيل = قالوا نعرفك انت راع القصيده
قلنا نريد اللى رموشه مضاليل = على كتاب الله محصي عبيده
قالوا طلبكم والم يالحلاحيل = بليا شروط وقدم اللى تريده
لاجيت بعد اسبوع تلقى المعاميل = واتحظر المملك ويدك بإيده
عودت مع دربى بذيك المواويل = ادعى الاهى كل ما ابنى نشيده
يوم جيت لعيالى لقيت التهاويل = لقيت قدامى حرايق وقيده
البيت مقلوب وفيه الغرابيل = وقدامى الحرمه بيدها حديده
قالت علومك وصلوها المراسيل = اعلوم نبخصها وجتنا وكيده
قلت الخبر ملبوس بالقال والقيل = ما هو صحيح اللى بلغكم مكيده
معقول نرضى بالغنادير تبديل = لا لا ولا يمكن وانتى الوحيده
من بعدها والراى جاله تحاويل = ودى اتراجع مير كيف الشريده
حطيت نفسى فى ضروف ومشاكيل = ويش العمل ياهل الحلول المفيده
مضى علي اسبوع مثل المهابيل = والناس ترقب جيتى فى وعيده
فكرت واعطيت التفاكير تحليل = أبغى اتخلص مير ما أبغى النقيده
زهمت باللى ودهم بالتواصيل = اهل العروس اللى خصاله فريده
قلت العذر لو يمكم نفسى اتميل = لكن حدانى حادىٍ يالوليده
يوم رحت للمشفى بقصد التحاليل = قالوا نتايجكم هجدها هجيده
حالتك صايبها كثير العلاعيل = بالدم فيروس ومشاكل عديده
لياك تعرس دام بالدم تشكيل = حالك دمار وغير لايق وريده
اقنعتهم بالشاطحات المثاقيل = قالوا هذا المقسوم والله مريده
خلصت واتخلصت من ذا المهازيل =وكلن رضا بمقسومه اللى حديده

أخوي العزيز الغالي / سعود سعد الحافي

(( داعــــي الشــــوق ))

صح لسانك وعلى شأنك

فكره جهنمية للتخلص بإسلوب مقنع

ولكن قصيدتك هذه سوف تجبرني لطرح قصيدة

تحكي حال بعض الزملاء اللذي آذاقته زوجته سوء العذاب

وبعــد أن أشرت عليه بالزواج من أخرى أقتنع بعد جهد جهيــد

ثم أرسلت له اقصيدة أشرح له فيها بأنه كيف يتحمل كل هذه المعاناة

مع زوجته الأولى والحمد لله أخذ بالنصــيحة وتــزوج بأخــرى

وإلــى يومنــا هــذا وهو يدعو لي ويشكرني على هـذه المشوره

تقبل ودي وتقديري

أخـــــوك

سعــد عبــد الله العبيــد

هاجس }{ نجــــد