حرب المحاوره بين شعراء الفطاحلة

[منيع]

المشاركة الأصلية كتبت بواسطة المشرف العام

اشوفك يامنيع اليوم تقرا لكن بغنّه = مثل عودٍ رشخ مرقوق لكنه بلع سنّه
وراح الطقم سد الحق فلا جره ولا كنّه = وترى شعر الفطاحل وان بغيته يقلع اقلاعي

عثمان ترى انا اقرا واطلع الجنه=وشوف التبسك واحد مهذري وبه حنه
تبي نطلعه حاضر وبالشوفه ولامنه=وترى شعر الفطاحل وان بغيته يقلع اقلاعي

[نجم الإبداع]

اشوف الناس من سهم المواشي حيل منجنه = الا يالله تحفظنا الا يارازق الرنه
سمعت السوق باقي بانهياره طايح الرنه = وترى شعر الفطاحل وان بغيته يقلع اقلاعي

[ابو أنس]

اشوف الشعر والشعار على كل المبادي ثار=هجوم وصد واللعبه غدت لعبة حديد ونار
واقول اليوم ياكافي ترا الشايب وراه صغار=وذا شعر الفطاحل وان بغيته يقلع اقلاعي

[ابو أنس]

يابو فارس واخوه زياد جهز لك حِزِب وانخه=وخلّو المشرف يحدد مقاديره لها الطبخه
وحنّا معكم نشجّع ومن يقصاكم انلخّه=عسى تمضون في شعر الفطاحل يقلع اقلاعي

انا الفارس انا المغوار انا الشاعر ابو طله=ابي لي حزب متوحد نكون بحزبنا شله
هدفنا اليوم ذالشايب وغايتنا نبي نشله=وذا شعر الفطاحل وان بغيته يقلع اقلاعـي

[الطائر المهاجر]

انا معكم اذا ودك نحطه هيل للدله = ونتفجل على الطبخه ونركيها على المله
ونختار الذي بعده ولو هو صار ابو طله= وذا شعر المهبل ان بغيته فاقلع اقلاعي

[نسناس الهوى]

المشاركة الأصلية كتبت بواسطة ابو طله

انا الفارس انا المغوار انا الشاعر ابو طله=ابي لي حزب متوحد نكون بحزبنا شله
هدفنا اليوم ذالشايب وغايتنا نبي نشله=وذا شعر الفطاحل وان بغيته يقلع اقلاعـي

انا ماقوى على الشايب ولاني بالهوى مقدور = على قولة هلَ الفرعون" انا مُش عايز العب دور"
بركّ ايدي على خدي وابيك تبارز الدكتور = ترى شعر الفطاحل وان بغيته يقلع اقلاعي

ابو فارس هو القايد وانا بمشي تحت حكمه=ابقعد لين يا مرني وبا اوجه لك اللكمه
وتطيح بحجر شايبنا عساه تصيبه الزكمه=وذا شعر الفطاحل وان بغيتـه يقلـع اقلاعـي

[الطائر المهاجر]

الا جعل الحريّق يحترق ويشب به نخله = مدامه مرثٍ من لاعرفنا تيس او صخله
حطيئة في زمانه بالهجاء والمدح يابخله= وترى شعر الفطاحل لابغيته يقلع اقلاعي

عساك تضيع في ديرة بدو سرقان نهابه=ويجيك الذيب يلعب بك يوريك اطول نيابه
وتجي مقهور يمي وابعد بوجهي ولا ابه= وذا شعر الفطاحل وان بغيته يقلع اقلاعي