يامرحبا يالخالدي وفالك العود

[حوريه]

صوت وصدى من
شاعرين مبدعين
صحت قلوبكما
...

[عبدالعزيز العمار]

ياسلام

صوت وصدى رائعين من شاعرين قديرين

صحت السنتكم ولاهنتم .

تحياتي وتقديري

[علي سعود العازمي]

صح السان راع الصوت وصدى

تقبل مروري المتواضع مع تحيتي

[سمحان]

صح لسانك
ابيات جزله من شاعر جزل ومبدع

[الراقي]

صح لسانك يالشاعر

أبدعت يالرائع وتألقت

لك كل الشكر

^^^^^^^^^^^^^^^

[حي الضمير]

المشاركة الأصلية كتبت بواسطة وليدالبسطي

بسم الله الرحمن الرحيم

السلام عليكم ورحمة وبركاته

مجاراة بيني وبين الشاعر الشامخ والاخ العزيز

احمد الخالدي

يقول احمد الخالدي

سر ياقلم وأكتب تقارير وبنود=وأرسل على اللي قد سمعنا سلامه
الطيب يحوي جملة البيض والسود=لو كان من إيران وإلاتهامه
المشكلة وقتي من الشغل محدود=والأنف من شغلي تزايد زكامه
دقيت سلف وجيت ولا أنته بموجود=وأنا غشيم وزاد وقتي أحتدامه
يم الحسا رغم التحاويل وسدود=ناتيك لو الخط زاد إنبرامه
مشتاق للأحساء مع قصر صاهود=والقيصرية قبل يهدم مقامه
وعيونها العذبة لو الدرب مسدود=ورمانها وقاره وحلو وغرامه
وإن جا(نجم)شايب به هموم وسهود=يشفي بعد ربي برجله سقامه
أنا أشهد البسطي له سنين ملهود=والله لا الوم اللي تجرأ ولامه
فعلت خدمة أسمها دوم موجود=وإن زرتني ماشوف الزعل والملامه
غالي ولو ماهو نسل عم وجدود=وإليا تباطيته سئلته علامه
والفكر مثله في الهوى كان مشدود=من جامعاته خذت أكبر علامه
ودرب الهوى مافيه يابوهلا فود=بسج لو شفت الغلا من حمامه
يوم الحساب أخاف من رب محمود=وأجي وأنا مجرم بيوم القيامه

ردي على الشاعر الجزل احمد الخالدي

يامرحبا إعداد ماهبت النود=للي من الدمام أرسل سلامه
من دار أخو نورة وحنا له جنود=ياجعل ربي دوم يرفع مقامه
يحفظهم الله من حسود ٍ وحاقود=وجعله حكم يبقى ليوم القيامه
في ظلهم حتى البكستان وهنود=يلقون بعد الله خير وسلامه
وأنا الفلاسي ياسي الأصل موجود=برض الحسا من قبل يبين زحامه
يوم القرابه ظلمها صاب الجدود=بدل نهار الكون أسود ظلامه
يامرحبا يالخالدي وفالك العود=والبن الأشقر حاكرين بتمامه
وحليب خلفاتٍ شعل / وضح مع سود =وعلى الصحن زدنا زبيب وادامه
اقرب وترى الدعوة لك اسهود ومهود=عند البساطا لا ابد ماتضامه
وإن كان ماشفتك ترى خلفي أفهود =من صلب راعين الكرم والشهامه
يكفيني الغربه ومع حظ مقرود=لا يزيد همي وأنت راعي فهامه
ترى الحسا دارك من عصور وعهود=يوم العريعر حار بيض النعامه
أنتم حميتوا الدار من قبل بارود =لاجاكم الجايع يقدم طعامه
ويوم المبرز شامخة وقصرصاهود=هي عاصمه لحكمكم يا النشامه
والحب مالي فيه بيت ٍ وعامود=طرقي أنا ياخوك يالله السلامه
وأخاف من شيئين (شاهد ومشهود)=لامن يلفوني بشاشٍ وخامه
أوصيك طيع الرب وأرقى لك سنود=وإياك تنسى شهر ارمضان وصيامه

وليدالبسطي
22/6/1431هـ

رائعه وجزلة
تستحق العوده مجددا

[نفحات حساسة]

يامرحبا يالخالـدي وفالـك العـود

والبـن الأشقـر حاكريـن بتمامـه

وحليب خلفاتٍ شعل / وضح مع سود

وعلى الصحن زدنا زبيـب وادامـه

صح السانك.. ولاهنت

للتميز عوده وتكرار..

يعطيك العافيه..وسلمت..

تحيتي..

[محمدحزام بن فاهد]

صح لسانك ولسانه وجميعكم شعراء رايعيييين تحياتي

[مسافر]

صح لسانك
ولاهنت
جزلة من جزل
تقبل مروري
واطيب تحياتي

[شجون القصيد]

يحفظهم الله من حسـود ٍ وحاقـود
وجعله حكـم يبقـى ليـوم القيامـه
في ظلهم حتـى البكستـان وهنـود
يلقـون بعـد الله خيـر وسـلامـه


صح لسانك ولاهنت

عوده للتميز

تحياتي