الشــــاعــــــــر مـــنــيـــع ،، خـــذ فــنــجـــــــــال

[داعي الشوق]

ترى الحواشي مستصيبه بعلات = معلوم للعالم وكلن قريها
ثم انصحونا بالدواجن بديلات = صرنا بوسط الناس مثل السفيها

[عبدالله راشد الثويني]

الله يعطيكم العافيه

صح السنتكم ولا هنتووو

متابعين

[عذب القوافي]

صح ألسنتكم يالشعار وأنا مع الصفوف
عساكم على القوه
تقديري

[منيع]

الخوف للي يمارسون المهمات=واللي اشوفه انت برى هذيها
اكل على كيقك ولاهناك خوفات=وعزرائيل عمك مايشاور حديها

[منيع]

الاخ الشاعر السمح
الاخ الشاعر عبدالكريم بن خزيم
ياهلا والله تشرفنا بتواجدكم معنا
تحياتي

[داعي الشوق]

يا منيع لا تكثر على القلب نوبات = لا عاد لي رغبة ولا مهتويها
صارت تجيني بالوساويس شغلات = حسبي على اللي سبب الغث فيها

[منيع]

خلك نباتي مثل بعض الخواجات=ورتاح من غث اللحم لاتبيها
موز وجزر وايضا معاها سلاطات =وحتى البطاطس ذي بعد تشتويها

[داعي الشوق]

الله يا لدنيا عليها سوايات = صارت مواكلنا تدار برحيها
صرنا مع الكراث روحه وجيات = ما ضنتي يامنيع هذي نبيها

[منيع]

اجل على هذا يبي لك سبع كيات=اربع براسك كلها نكتويها
وثلاث فوق الصدر مابها خلافات=تحيي خفوقك واعتبرها بديها

ههههههههههههههههههه

[داعي الشوق]

ضحكتني والله يا منيع لكن طيب .. وخذ هذي

هو عيد ميلادك . ننادي بحفلات = واقوم بالواجب سوات البديها
ثم نطفي الانوار ونشب شمعات = بس العدد كمه وأنا بأشتريها