17-12-2013, 09:31 PM
|
رقم المشاركة : 21 | |||
|
مع لويحان
قالوا لي الناس شبت وقلت ما يزملني الشيب =من عاش ما مات لا بدّه من الدنيا يشيبي الشيب ما فيه لابن آدم مناقيد وعذاريب =غذّاه فضل الشباب وراح مرجاعه صعيبي تسير الأقدار بالمخلوق تشريق وتغريب =برّق يزين القمر وإذا انتهى وقته يغيبي كل على قد حاله مونس منها تجاريب =شي يعالج وشي يعجز عنه الطبيبي يا طيّب العقل ما تكمل بدنياك المطاليب =تطيب لك حاجتين وثالثهن ما تطيبي والرزق عند الخالق اللي يعلم الغيب =يرزق ضعيف العزوم ويرزق الشهم النجيبي كثر الحرص ما رزق فرخ الغراب ولا أشبع الذيب =كم ليلة بات جايع بأطراف الغريبي
من عاش في حيله وكذب وتهاويل= يا سرع من عقب الطلوع انحداره والشور ما ينفع قلوب المهابيل =كالزند وان حرك تطاير شراره لو تأمره بالعدل يعرض على الميل =يستل على رايه بربح وخسارة مثل الجدي مرساه ليله نهاره =والطبع ما ينزال غيره بتبديل والحنظلة لو هي على شاطي النيل =زادت مرارتها القديمة مرارة
أقول فعّال الجميل يسود =والطيب ما له بالرجال حدود
ومن شح في جاهه وفي بذل ماله =عدّه مع اللي باللحود أرقود إلى صار يدركها ولا يفتخر بها =عن البيض جنب للخصال السود يفخر بجدان تحت غايب الثرى =وهو عن سنعهم معطي أصدود ما كل مالود يجي مثل والده =شتان ما بين الردى والجود |
|||
|
|
18-12-2013, 10:59 PM
|
رقم المشاركة : 22 | |||
|
مع عبدالله بن صقيه
دنيا بهـا كـل حـي ماشـي عبـري=الرابح اللي سلـم فيهـا مـن العـاري للي ردي لو قريـب جـد مـن يشـري=نبيع برخيـص يـا سـوام يـا شـاري درب المراجل على راعى الـردا عسـري=ما يمتهنهـا سـوى الوافيـن الأخيـاري أحد صعـد فـوق واحـد دون منحـدري=لابـد مـن عقـب المسنـاد مـحـداري يا ساري الليل جنـح الليـل لا تسـري=راعى المساري يتيه الـدرب يـا سـاري كم ضارب للمهالـك مـا درى غـدري=صاحي ترى الوقت لو لـك زان غـراري ياما هلك بـه رجـال بالقسـا تـذري=علـى نصايـب مقابرهـم ذرى الـذاري يامداري الناس شاب الراس مـا تدري=كثر المدارى يعيـب الرجـل يـا مـدار ي عنز على اللـي لعبـده يكتـب الأجـري=مـزارع الزيـف لا تغريـك الأزهـاري لو مسكني بالمعـزه فـي خـلا قفري=أحسن ولا قصرة اللـي سلكهـم عـاري أفطن لساس القصر يا سكـان القصـري=ترى المراجـل ماهيـب أسـوار وأدواري من شانت بطانته مـا ينغبـط عثـري=قصـاص الاثـار يقتـصـه بـالاثـاري
ساس الردي لا بد مبنـاه ينهـال=ولد الردي صاحي تحطـه بطانـه ترى الذهب من صافي جنيه واريال=ما يختلف ياذيـب طيلـة زمانـه تلقاه وقت الضيق لا ضكك الجـال=الصفر لا يغريـك زيـن لمعانـه بستان غيرك لوبه الوان واشكـال=ما تنتفع من خوخه وبـرد قانـه ما ينفعك ما فيه لو بالثمـر مـال=لا صار بالغدراء جـداره مخانـه احرص عن الزلات في كل الاحوال=لا تنخـدع باللـي يعلـج اللبانـه ما يفتري ويشين النـاس رجـال=راع الحكي بالناس خلـه وشانـه عليك باللـي بالمهمـات سـردال=ليث مثل من حط قوسـه رهانـه انته وانا نبعد عن القيـل والقـال=كم واحـدٍ ياذيـب ضـره لسانـه
ترى أصدق صديق للمرء كتمان سره=اصحـا تبيـن مايـكـن حـشـاك وبالك تسامح من يرى العفـو ذلـه=هالوقـت طـول للكـلاب عصـاك موتك على عزولـو حـي ماتدفـن=سحـم الضـواري يمعطـن شـواك اعـز مـن تبقـى ذليـل سـاعـة=بجـوار نــذل قـاصـر يـدهـاك
ان كان كفك يبذل المال حبـوك=والا محبـة ديـن محـد يحبـك الى قل مابيدك بالحـال سبـوك=اقرب قريب من القرايب يسبـك مثل الدكاتر الى أيسوا منك خلوك=والا بذلت المـال يلقـون طبـك
يازمان البلاوي من بلاويـك شبنـا=من بلاويك شبنا يا زمان البـلاوي إن سكتنا مرضنا وإن هرجنا نشبنـا=في أعللنا من البلوى يحير المـداوي صار دانا ومسموم الدوا من عربنـا=افحص الدا وبرّق بالدوا يا الرخاوي من يعالج جربنا قبل يعـدي جربنـا=في بعضنا جرب حقدٍ وحسد وشهاوي
العام وسنيـن عديـده ورى العـام=موت الإهانـه صايبـاتٍ اسهامـه سنين خلت راعـي الخلـف قـدام=الحر قـل مـن الدبـور احترامـه وقتٍ بـه المخـدوم للخـدم خـدام=بالناس اخس الناس يسمع كلامـه النـذل مفطـر و الأجاويـد صيـام=عصـرٍ ترقـت بالنمايـم لئـامـه هذا زمانٍ فيه مـن طـاح ماقـام=يهلك ظمأ والمي موجـود أمامـه أكبر خطا وأكبر غلط وأكبر اجـرام=خلط الحلال اللـي حـلال وحرامـه ترى الجهل لبيوت الاجـواد هـدام=يتيـه دايـم صاحبـه بالمهـامـه كم جاهلٍِ حطـوه للسطـح مـرزام=الاتبخصـتـه لقـيـتـه فـدامــه ياصاحبي لا يخدعك كبـر الأجسـام=مافاد بالخرتيـت كبـر الجسامـه
تغرضـت شبـه الثعالـب للنـمـور = والبوم باتت فـي وكورهـا احرارهـا المـوت للأحـرار خيـر مـن الحيـاة = من يـوم قرنـس نسرهـا صقارهـا ما تلحق الشرهات مـن لالـه سلـوم = نشـره علـى كسارهـا جبـارهـا اشفق على الطيب ولو هو لي خصيـم = الطيبيـن اللـي تشـيـع اذكـارهـا الرجـل مايجحـد لعـدوان جمـيـل = لعـل مثـوى اللـي جحـد نارهـا عدو جدك لو ضحـك لـك مايبيـك = الـى اولمـت بـه وسطـه مجمارهـا الناس في وقت الرخـا كـل غضيـد = مار البـلا لـى قيـل ويـن اخيارهـا المرجلـة ماهيـب تمسيـس الثيـاب = ولا بنـايـات وكـثـر ادوارهــا المرجلـة حيـل تقـلـط للـرجـال = لو انـت فـي خـدر بنـي باوعارهـا ياللأسف صـار الذنـب بالنـاس راس = ركبـت مشابهـة النسـا باكـورهـا وخافت مخيفات السباع مـن الشيـاه = فـي برهـا وبحـورهـا وامصـارهـا
مايفك الدار غيـر أهـل الديـار=ولا يقـرب للحمـول إلا الزمـول
من يغر النـاس فـي حلوالكـلام=والغلو والغيظ في صدره يضـول تقل طاووسٍ يمشكل بـه شكـوك=ماهو الصاحي ولاهوب أمهبـول التريث واجـبٍ فـي كـل حـال=لانصر مـع مستميلينـك ميـول فـان للأيـام ميـلٍ وإعـتـدال=الدهـر لاتامنـه غـولٍ خـتـول لاتعيـل ولا تـراخ لمـن يعيـل=ولاتصر في كل ماتنـوى عجـول ماعلى الدنيا صحيـحٍ مستريـح=في شقاها مديب عـاذل ومعـذول المنايـا بعـد تدبـيـر الإلــه=كم طوت صفحات شبان وكهـول ناظر الماطا قبل توطـا وتطيـح=في حيايا في جحورٍ فـي دحـول وانتهض عن مقعدٍ فيـه احتقـار=مثل حرٍ شايـف بالجـول جـول المذلـه مـا رضوهـا الطيبيـن=ما حدٍ يرضى عن العليا النـزول من رضى عيش المذلة والهـوان=استهانت به من النـاس الخبـول |
|||
|
|
|
20-12-2013, 07:05 PM
|
رقم المشاركة : 23 | |||
|
مع مرشد البذال
أوصيك لاتبحث سدود المغيبــين =ولاتجهــــــر اللي غارقن بغفلاتـــه ترى النميمه تمحق الرزق والدين =والمنـزل العالي تهدم اطبقاتـــه لاتحسبن أهل الظليمه بخيتـــــين =كلـــــن يوافق ما عمل في وفاتـــه وانـذرك حق الضعيف المسيكين =اللي علـــى حقــــه يهـل اعبراتــــه ترى الضعيف الليا غدى الليل ليلين =يدعـي وعند الله توافق ادعاتـــه الظلم فان الظلم يفنى السلاطين =ياويــــل راعي الظلم من مقبلاتــه وانذرك عن ربعة رخو من هياسين =اللي سوالفهــــم بــوده وهاتـــــــه ويا عبيد الأقشر لوصفا لك نهارين =نهــــار ثالــث جاك يرفع عصاتـــه والله عندي ربعة الناس الأقصين =ولا صديقـــا يبلشـك في حياتـــــه ترى الرجال ابهم فهود وحياويــن =جاك الكـــلام اللي صحيحـا ثباتـــه ان كان ما تدري ترى الناس دراين =الرجل مدحـــه بالمجــالس طراتــــه رجلـن تعلــق به رجالــــن مسلمين =عز الرفيـــق ولابتــــه والحماتـــــه ورجلن تشوفه جسم وعيون ويدين =ولولا الشعـر ما تفرقه من خواتـــه كم واحد بالبيت يضرب بسيفين =وأن جـاء حزم كلاب قبع عبادتـــه والحلم عن الغيض ينجي الشياطين =يكفيك شر إبليس هو و دحراتـه
الصدق له مع سايد الحق مطلاع=والكذب له مع غير يمه مطاليع دنياك كم واحد مغريه رايه ولو ضاع=في خاطره عنده لمن ضاع تسنيع وكم واحد للي يشيرون مطواع=للي عطاه الراي ممنون ومطيع قلبه ليا شاروا هل العرف سماع=أخذ من الأريا ثمرها بلا بيع وكثر التجارب درس والدرس نفاع=فيها لذربين الرجاجيل ترفيع احرص على ربعه شريفين الأطباع=لوهم من الأجناب فيهم منافيع كم نازح يشرى والأقراب تنباع=بيعة رجا ماهيب بيعة تقاطيع لاتستوي بالغيض صارم وجزاع=على رفيق شفت منه التواجيع لاعاش من دايم على الربع صعصاع=ومقطع جيبه يدين الفراريع وان طعت راي اللي درس كل الأوضاع=الميز هو مصراع كل المصاريع رجل بلا ميز ولو طال له باع=يضيع افعاله من الجهل تضييع
لـو تعطيـك زيـن المعوشـه=تالي سوالفهـا تعـود علـى مـاش
الرجال طيور توصـف للحـرار=كـل طيـرن فـي جناحينـه يطيـر وين طير يحتريلـه كـل جـار=ويـن طيـر مايصيـد إلا الشعيـر لو تقول إن الشجاعـه بالطيـار=كان فضلنـا القطـاه بمـا يصيـر وين طير وإن هوّا شق الستـار=وين طير يذعـره صـوت الصفيـر النداوي له على الصيـد إقتـدار=والحمامـه بالمـحـل وتستـديـر ربعة الطيـب تزيـدك بإنتصـار=ترفعك رفـع العمـد بيتـن نظيـر والردي عرفه مثل بيـر هيـار=تنقبـر فيهـا ويدفـنـك الحفـيـر لا ترابع واحـدن بالعهـد بـار=وإن وفى لـه مـرة خيـره كثيـر التجارب خلهـا لـك مستشـار=لاتبي غيـر التجـارب لـك شويـر والرجال إبهم فهد وإبهم حمـار=وأنت فكـر بالفهـود مـن الحميـر وانت في دورك عليك الدور دار=لاتحسـب إنـك مخـلا يالفقـيـر وقر العالم وتلقـى لـك وقـار=وإن حقر حقرت لـوك إبـن أميـر والشرف لايستوي فيـه إنهيـار=الشرف هو مقضب السيف الشطيـر والقناعة مرجلة والضعف عـار=وأطلب النجدة مـن الوالـي القديـر لاتجي للنـاس طلباتـك إكثـار=كـل ديـوان تجـي يمـه مغـيـر ما خبرنا بأهل الشحـذه تجـار=غير فقره كـل نفـس لـه تعييـر خل عز النفس للعـوره ستـار=لو فراشك في طرف بيتـك حصيـر الكريم معان والفـارس مجـار=مـدّي الواجـب ونطـاح الذخـيـر الغنـى بالـذل مذمـوم مـرار=والفقـر بالعـز لأمجـادك يثـيـر طربة الدنيا مثل لعـب القمـار=لو جمعت المال شفت تالي المصيـر لو جمعت من الذهب حمل القطار=عند نزح الروح ما أنت بي له دبيـر صار بين الوارثين بـلا مشـار=ينعزل حـق الكبيـر مـن الصغيـر واهني اللي مشى طلـق شكـار=سالم من ظلم عمـر ومـن عميـر لوّه بالدنيـا بحالاّتـن إعسـار=يرتجـي بالآخـره فرحـة نظـيـر
لاخيـر فـي جيـلٍ يلفّـق تلـفّـاق=الجيل عنـوان اهلـه فيـه ملـزوق والنـاس كـل لـه تعابيـر واشـواق=والهم على الطامع مشاريـه وحقـوق وليا اشتبهنـا مصـدر الحـق فـراق=الحـق لـلأول بـلا شـك وارهـوق من حسب الدنيا علـى جبـر ودقـاق=ماطاب عيشه لويحوّق الذهـب حـوق ماضاع حرفّي علـى السفـن حـدّاق=ولادام من عد الذهـب وزن وعـروق والبخـل مايغنـي ردييـن الأوفــاق=كثيرهم ثوبه علـى المتـن مشقـوق لو تشنقه ما ادرك ثمن موس حـلاق=إن كان ما حدٍ خلصه مـات مشنـوق والجود مايضعـف زكييـن الاعمـاق=اللي عن الزابن دفـع منهـم السـوق
أوصيك لا تبحث سـدود المغيبيـن=لا تجهـر اللـي غـارق بغفلاتـه ترى النميمه تمحق الرزق والديـن=والمنزل العالـي تهـدم أطبقاتـه لا تحسبن أهل الظليمـه ابخيتيـن=كل يوافق ما عمـل فـي وفاتـه وانذرك عن حق الضعيف المسيكين=اللي علـى حقـه تهـل اعبراتـه ترى الضعيف اليا غدا الليل ليليـن=يدعى وعند الله توافـق ادعادتـه
يالقلب انا ابهدي عليك النصيحه =هرج القفا بالك تحطه على البال ما اشوف به كود العنا والقميحه =من بين غادين الجدا قال ما قال ناسٍ يحسبون النميمه مديحه =وهي توصف من خبثات الاعمال زلة صديقك لاتجي لك نحيحه =لو كان عايل قل حشا اليوم ما عال عزه عن الهكمه وزين سميحه =خله على وجه البعيدين رجال ماكل نفسٍ من عناها مريحه =لابد ما يبدي لكم بعض الاحوال ليا بدت بعض العلوم الصحيحه =كل ذكر مجناه من حيث يحتال احدٍ تنجا حقته من نطيحه =واحدٍ يورى للشريعه وما قال رجلٍ بلا ربع سوات الذبيحه =تطاه شمطان اللحى وطيت نعال الشر تحدثه الوجيه الوكيحه =سبة هبيلٍ تبتلش فيه عقال
كان الكلام من المعادي على هـون=بعض المسبـه بالمجالـس مديحـه تجيـه عربـانٍ مـن الله يخافـون=عن الظليمـه ينصحونـه نصيحـه لو كل خلق الله على الحق يمشـون=كان القلوب من الخطـا مستريحـه كم واحدٍ بعروض الأجواد مفتـون=وهو سلومـه يفضحنـه فضحيـه وكم واحدٍ يطعن وهو فيه مطعـون=يذم ريح النـاس والشيـن ريحـه بعض كلام الناس تهمات وضنـون=قـولٍ تنميـه الوجيـه الوقيـحـه الظلم لو فازوا هلـه مـا يدومـون=راع الظليمـه لاتباطـى مطيحـه والناس هذا الناس من عصر ذالنون=كلن على دربـه ركابـه مشيحـه مقرود يامن بـدل اللـون باللـون=بعض الكلام يحرفه عن صحيحـه والصدق هو والكذب ماهو بمقرون=كان إنها تـدرس بلهجـه فصيحـه مايمدح الرجـال بالشكـل واللـون=إبحث معه لينك تعـرف القريحـه تراك تعرف عنه وأنتـم تهرجـون=يبين لك من كـل جـودٍ نضيحـه المستريح اللي من الشـك مامـون=مع كل خلـق الله علومـه مليحـه كم واحدٍ حيٍ لـه النـاس يثنـون=وإلا توفـى قـالـوا الله يبيـحـه وكم واحد لو هو باالألحاد مدفـون=ذكراه عند الناس بيضـا صفيحـه وكم واحدٍ يجمع ملاييـن وخـزون=مـالٍ تنميـه اليديـن الشحيـحـه لا تشكره رملى ولا فـك مديـون=ولا حل مشكلة النطيـح ونطيحـه ولا له على جاره من الفضل ماعون=لو إن جيرانـه تشـوف الذبيحـه وكم واحدٍ جيران بيتـه يحمـدون=للجـار ريـف وللجماعـه منيحـه وكم واحدٍ منه العـوادي يخافـون=زبن المخيف اللي كثيـرن فحيحـه ربعه نهار الضيـق فيـه يتـذرون=لا جا نهـارٍ فيـه لجـه وصيحـه وبعض الرجال بهم شريفين وعفون=كلن علـى ماقـال يرجـع لكيحـه وبعض الرجال بضحكهم يستغلـون=يجيبها مـن نـوع زلقـه بطيحـه هذاك بين له من الهـرج مدفـون=خلـه إلا شافـك يزيـن سميحـه الهرج لـه نقـال والـرد للشـون=مزح الجزع يثر بكبـدك جريحـه
من لا يحوش باول العمر طوله=تالي شبابـه صعـب التبديـل من فات عمره ما مدح بافعاله=قعد بوسـط الطيبيـن رزيـل
العباثه والجهـل مـا فيـه خيـر=الهدايه نـور والجهـل اظلمـات ما يصير ان العمي مثل البصيـر=اسمعوني يـا القلـوب الواعيـات العمي ما هـوب عيـان النظيـر=كم عما قلـب اعيونـه صاحيـات لو تشوفـه شايـب وسنـه كبيـر=يمكن افهم منه ابو عشر سنـوات ون نشدته قال مدري وش يصيـر=مـا درا بالماضيـه والمجبـلات والليالـي لـو تديـر وتسـديـر=ما يثبت وين راحت ويـن جـات والشرف ما ينحقر عنه الصغيـر=كم اصغار ينطحـون الموجبـات كم صغير يجتـدي فيـه النشيـر=وكم كبير صار من عرض الخوات لا تقـول ان المراجـل للنضيـر=ما يفيد النظر كـان القلـب مـات ولا تقول انـي غنـي ولا فقيـر=استعبري يـا النفـوس الموهبـات ما لك الا ما كتب لك لـو تطيـر=الوهايـب بالجبـيـن امقـيـدات والقدر وان حل ما يفيـد الغريـر= لو علي بابـك اقفـول امغلقـات المنايـا مـا طـرش لـك نذيـر = وغـارت الدنيـا توجـه بغفـلات مـا تعلـم ويـن نيتهـا تغـيـر= عند ما تدرون هاك الفعـل فـات ماذكـر ايحـول للدنيـا عشـيـر= ولا صفت لاحد علي طول الحيات واحد تعطيـه مـن غيـر اتغديـر = واحدن تسلـب اثيابـه والعبـات اللسان اهو اكبر الشـر الشريـر=كم كلام صـار شبـة مشكـلات والحيـا والمرجلـه درب عسيـر=وجتناب النفس عن كل اشهـوات لا تطيع النفـس وابليـس العثيـر=ارجم الشيطان في سبع احصوات كان طعت ابليس خـدرك تخديـر=حط في عنقك اعقـود امبرمـات الرجال اشطار كان انـك شطيـر=كان الك دوره لهم سبـع ادورات لا تقول اسبق علي العـد الغديـر=(ان جهمت اركاب غيرك ساريات
لو كل من قال المثايل عسفها=ماصار نقص(ن) بالمعاني ولا زود والبندق العوجا تجنب هدفها=لا صار منظرها عن القطر مصدود وغاية جميع الخلق محد(ن) عرفها=رضا جميع الخلق ماهو بموجود لاشك تدي كل نفس(ن) نصفها=وترى كلام العدل يظهر له اشهود من رابع العقال نفسه صرفها=عن تيهة(ن) يشقى بها مابها فود اسمح عن اللي تيهته ماعرفها=يمكن يرد ليا لقى الدرب مسدود ماكل اجاويد(ن) تبعها خلفها=لابد مايخلف حمد سيرة احمود كم واحد(ن) يمة جدوده نسفها=على الشمال ورد مع دربه اردود درع بأمور(ن) مانشد عن كلفها=وكدّر سماه وصار بالجهل مزيود نفسه غضب غيره لعب في شرفها=اصبح بخيت(ن) لابس(ن) ثوب مقرود كم واحد(ن) ربعه يعدل عجفها=من حشمته صاروا مشاكيل وفهود عنهم مهمات الأفاعي كتفها= محد(ن) يجيهم بطش والحق مريود دنياك بالغفلات يضرب طخفها=لمحة بصر ماله سنا برق وارعود غدارة(ن) لو ضحكتك بطرفها=تراك عقب الضحك ببكاك ماعود ان اقبلت قامت تمشط ازلفها=هنوف عرس(ن) طيبها المسك والعود وان ادبرت شفت الكدر من حرفها=تمسي تسيد وتصبح الصبح مسيود
واحذر تصير لمن وثق فيك خداع=ترى أقشر الحالات حال الخداديع الخدع لو راعيه بالزود طماع=تراه مثل زراعة مالها ريع من طاب لك بالمد قدم له الصاع=ولاتفتخر كانك تعرف المواضيع الصدق له مع سايد الخلق مطلاع=والكذب له مع غير يمه مطلايـع كم واحد مغرى برايه ولو ضـاع=في خاطره عنده لمن ضاع تسنيع وكم واحد للي يشيرون مطـواع=للي عطاه الراي ممنون ومطيـع
ماكتب بالألواح . . ماهوب ممسوح=اليوم هو توضيح . . عطب الجرايح ترى من عاش بالأفراح . . لابد من نوح=ساسٍٍ بلا تسليح . . خطر اللوايح والعقل هو مفتاح . . بيبان مصلوح=وينزحك تنزيح . . عن كل سايح عن ربعة السفاح . . يالقلب منصوح=لاتتبعه وتطيح . . ما به ربايح مثلك ليا من طاح . . خلاه مسدوح=أترك ردي الكيح . . زين السنايح زبن الرفيق شناح . . بالطيب له نوح=من ورد عين السيح . . عاف الضحايح نفسه على الأمداح . . قد شاحها شوح=ذكره مع أهل الفيح . . وأهل البرايح خله وراك سناح . . عن كل كاثوح=ينجّحك تنجيح . . رجل المدايح كانّه بكرب شباح . . للضد ذرنوح=صميدعٍٍ زحزيح . . عطب الجوايح ليا عدّي المياح . . في جانب الصوح=كان الروّي تشنيح . . للدلو مايح
المرجله حمل(ن) تشيله لحالـك=وإلا السفـاه إبليـس عـنـك يشـيـل
يرقص قدام وجهـك ويمـدح فعلـك=ويـعـاونـك ياخـيـبـة الـزمـيـل لعين(ن) يوصلـك المهلـك وينثنـي=تقعـد بمظـمـأ مامـعـك صمـيـل من طاع شور إبليس والنفس والهوى=عاف النهـار وحـب مسـرى الليـل من لا يحوش بأول العمـر طولـه=تـالـي شبـابـه صـعـب التبـديـل من فـات عمـره مامـدح بأفعالـه=قـعـد بـوسـط الطيبـيـن رزيــل المرجلـه فـي كـل فعـل طيـب=فعـل يصـيـر لصاحـبـه قنـديـل أشر الحيا والعقـل والحـق أمشـه=وعلـى حـقـوق الـنـاس لاتعـيـل من داس قدر الناس داسو كرامتـه=يجـيـه سـبـع نـكـلـه تنـكـيـل بعض الرجال إذا حضر في مجلس=جالـه بوسـط الصامتـيـن صهـيـل ماهو صهيل حصان من زود السطر=صهـيـل عـيـر شـايـل جـلـيـل متهـزي بالنـاس وهـو الـهـزوه=ولا يختشـى مـن خبـقـة الزبـيـل لو تنصحه مايعتبـر فـي كلامـك=فـيـه الهـبـال مخـيـم ومحـيـل وبعض الرجال إذا حضر فزوا لـه=شوفـة شـرف ومشـاهـدة جمـيـل إذا نشدتـه جـاك زيـن أعجوبـه=مثـل الحليـب مقنـد فــي هـيـل وإن مانشـد خـلا كلامـه عنـده=ولايعتـرض للنـاس فــي سبـيـل قصرة لسانـه مـن شكالـة راسـه=وإلا بــدرب المرجـلـه حلـحـيـل وترى كبير النفـس تكـره طينتـه=مــرد راعــي الكـبـر للتسفـيـل إذا حصـل ثـور كبيـر راســه=يشـيـل كـبـر ولا وراه حـصـيـل إذا قعـد وسـط الرجـال مزلغـم=وهرجـه يرتـل هرجـتـه ترتـيـل يغتـر فيـه الأجنبـي وإن شافـه=واللـي يعرفـونـه تــراه دحـيـل ينوي مناوي الحـر وهـو البومـه=يبـي يصيـر الـراس وهـو الـذيـل ترى الكذب عذروب الرجال وعارهم=راعيـه لا يجـزع مــن التفشـيـل شاهد على شي(ن) وهـو ماشافـه=ومصـور هــرج وهــو ماقـيـل هـذاك بالدنـيـا كبـيـر عــاره=وبالآخـره فــي حـامـي الملـيـل راعـي الظليمـه ماتسـرك حالـه=حـتـى الشفـاعـه عـنـه تستقـيـل واللـي قتـل نفـس بغيـر السنـه=تــراه يـاقـع مثـلـهـا قـتـيـل وإن طال عمره من قـرادة حظـه=حسابـه قــدام ماينـفـع التمهـيـل وترى العطا من غير حاجه ضايـع=مثـل دفـق مـاء بالتـراب يسـيـل إذا صار معروف الأثنيـن مماطـل=حـيـال وإلا لــك وراه شـغـيـل لا يربح الطالب ولا أجر لمن عطى=بالباطـل مابيـن الأثنـيـن عـزيـل ياراعـي النعمـه تحمـد ربــك=لا تحـسـب أن اليـسـر مستطـيـل لاتأمـن الدنيـا تـراهـا مـغـره=هنـوف تعاشـر كـل وقـت خلـيـل تفتـر بيـن إقبالـهـا واقفايـهـا=فـر الهبـوب الصـلـف للكتـويـل أحـد تزيـن لـه مبـادي وقـتـه=وأحـد عليـه بـلا خـمـال تعـيـل أن أقبلت نم حـدر جـذع النخلـه=وعليـك العثـوق المرطبـات تمـيـل وأن أدبـرت لا تعتبرفـي قـوتـك=لـو أن حيلـك مثـل حـيـل الفـيـل تـراك لـو أنـك شجـاع صامـل=تصيـر مـن جـور الزمـان ثعـيـل واصبر اذا مسك مـن الوقـت شـده=تــراه ماينـفـع كثـيـر الـويــل والصبر موعود بالأفـراج صاحبـه=ولا شــده إلا عقـبـهـا تسـهـيـل ولا تفضي أسرارك على كل صاحب=إذا صـرت ممـا صايـبـك علـيـل تغتر في رجـل(ن) قبـل تجروبـه=تخمـل علـيـه بهقـوتـك تخمـيـل وهو مايقـر العلـم بيـن ضلوعـه=إلا ان يـقـر الـدهـن بالغـربـيـل تـراه للعـدوان ينشـر سرايـرك=والسـوء علـمـه للمـعـادى تـيـل بعض رجال الوقـت هـذا مغـره=والـلـي تومـنـه الـسـدود قلـيـل أيضـا إذا رابعـت رابـع طيـب=كـد بـأن فعلـه مثـل نجـم سهيـل تـرى الرجـال يطالعـون قرينـك=دايــم علـيـك عيونـهـم دربـيـل إن مانجحـت بعينهـم مـن فعلـك=والا حسبـت مـن الحـمـام دويــل |
|||
|
|
|
20-12-2013, 09:25 PM
|
رقم المشاركة : 24 | |||
|
مع صقر بن مسلم النصافي
دنيا تدور ولا تطيـع المشاويـر=تجيب خير وتاخـذه بالطلوعـي ما داومت لمكسريـن الطوابيـر=أهل الرشوم منزحين الجموعـي دنيا نبـي منهـا عـدال الموازيـن=وتميل لوني في خطاهـا جزوعـي تضحك لناس بالفـرح مستمريـن=وناسن تجيهم بالكـدر والفجوعـي وصارت بها سود المقانع شياهيـن=وفحولها صـار اتبـوع التبوعـي
إحفظ لسانك لا يجي فيه تبطيـش=تصبـح عيونـك كايـدات رمدهـا يجيك من ينشدك نشدة تكديـش=يبـي يسنـع هرجـة يعتمـدهـا خله يقوم مفلت في يده ريـش=يروح منك وحاجتـه مـا وجدهـا ترى دعابيل الخبول الفوانيـش=تبدي بما فيهـا ولا احـد نشدهـا يجيك واحدهم يورش توريـش=سحابتـه يسبـق مطرهـا بردهـا واللي لغمقات السوالف مناقيش=قراية الكلمـة علـى اول عددهـا تجي سوالفهم بضحك وتبهيـش=وقلوبهم ما احـد يفكـك اعقدهـا
الـقــصــيــر أمــشـــوا بــحــقــه لـــو بـــدت مــنــه الـمــشــقــه=وإن كــثـــر بــالــقــلــب دقـــــه طــــــو بــيـــتـــك وأشــلـــعـــه
مـــــــــــادواه الإمــــــراحـــــــه فـــي فـــراق الــســـوء راحــــه=لاتـــجــــازيــــه بـــقـــبـــاحــــه يـــــــوم ربـــــــه صـــرقـــعــــه والــخـــوي حــقـــه عـلــيــكــم تـجـعــلــونــه مــــن حــديــكــم=كـــل شـغــلــه فـــي يـديــكــم لـــيــــن يـــاصــــل مـــربـــعـــه إن تــمــرجـــل كــيــفـــو بــــــه وإن تـــــــردا عــــبــــرو بــــــــه=لـــو يـصــيــر لــكـــم عــقــوبــه قــصـــة(ن)بـــالـــمـــبـــلـــعـــه والــحــمـــق يـــخـــر مـــضـــره يــلــحــق الــعــقــيــل شـــــره=ون طــــــرا راعــــيــــه مـــــــره قـــــالــــــوا الله يـــقـــطـــعــــه والــصــبــر عـــنـــد الـــبـــلاوي خـيــر مــن كــثــر الـشــكــاوي=لــــو تــصــيــح ولــــو تـــــلاوي مـــابــــغــــا الله يـــصـــنـــعــــه وأحـــــذروا حـــقـــر الــفــقــيــر دعــوتـــه يــمــكــن تــصــيــر.؟=أدخــــــــل الله وأســتـــجـــيـــر قـــبــــل يــــــذرف مــدمـــعـــه الـــتـــكــــبــــر لــــلــــرخـــــوم يـحــســبــون إهــــم الــقـــروم=عــنــدمـــا يـــبـــدى الـــلـــزوم عــشــرهــم نــصـــف أربـــعـــه والـــعــــدو لــــــو زان بــــالــــه أنــقــلـــوا مـــنـــه الــحــمــالــه=لـــو مــغـــط ألــكـــم حــبــالــه بـغــظــكــم يــبــقـــى مـــعـــه والــصــديـــق بـــكـــل حــــــال عــنـــد حـــظـــرات الــمــجـــال=مــدحــكــم عـــنـــد الـــرجـــال كــــــل مـــاجــــاه أشـــبـــعـــه والـــتـــمـــنـــي مـــايـــفـــيـــد لـــــــو تــــزيــــده مـــايـــزيــــد=مــثــل بـــق طـــار مــــن إيــــد بــالــهــوى مــــن يــجــمــعــه. والــحــلــوف أبــغــيــر حــاجـــة كــلــهــا ذنـــــب وســمــاجـــة=واجــــد الــلـــي بـالــلــجــاجــة دوم حـــلـــفــــه يــمـــطـــعـــه كـــــم صـــبـــي(ن) بــالــرخـــا ظــنـــكـــم فـــيــــه الــصـــخـــا=وأن كــــربــــتــــوه أرتـــــخــــــا كــــــــل عـــذر(ن)يـــاســـعـــه راعــــي الــصــبـــر مــحــمـــود لـــيـــن مــولــمــتـــه تـــعــــود=ثــــــم يــــنــــزل بـــالـــحـــدود والـــمـــطـــمـــن يـــرفــــعــــه وإن بـــــــــلاك الله بـــعــــاقــــه مـــــن مــقــاريـــد الــرفـــاقـــه=لاتـــــوريــــــه الـــحـــمـــاقــــة لــــيــــن ربـــــــك يــقــلـــعـــه خـــــل شــوفــاتـــك بــعــيـــدة عـــنـــد نــفــخــاتـــه وريــــــدة=ثـــــــم عــقــب(ن)لاتــعـــيـــده الــســعـــه ثــــــم الــســـعـــه والـــرجـــال أبـــهـــم كــــــذوب مــايــهـــاب مـــــن الــعــيـــوب=لــــــو يـــفـــجـــر مـــايـــتـــوب والـــــخــــــزا مـــايـــوجــــعــــه والـــرجـــال أبـــهـــم صـــــدوق فـــــي كـــلامــــه مــايـــتـــوق=يــفــتــهــم كـــــل الــحــقـــوق والـــكــــريــــم أمـــســـنـــعـــه والــحــريــم أبــهـــم طــبــايـــع فـيــهــن الـتـخـمــيــل ضــايـــع=لـــو بــهــم عــاصــي وطــايـــع كــــــل الأكـــثــــر مـــنـــدعـــه الــــنــــصــــاح أيـــبـــيـــنـــنـــه والـــخـــمـــال إيــدمـــدمـــنـــه=وإن بـــغـــن دربـــــن يــجــنـــه لــــو عــلــيــهــن مــســبــعــه. ثـــم فـيــهــن مــــن حـبــيــبــه رجــلــهــا تــشــهــر بـطــيــبــه=واهــنــي مــنــهــي نـصــيــبــه لــــــو مــتـــاعـــه ســلـــوعـــه وإن طـــرش وأبــطــى مــراحــه أمـــنــــن قــلـــبـــه بــــراحــــه=مـايـطــيــع أهــــل الـقــبــاحــه والـــجــــهــــل والـــلــــودعــــه ثـــــم فــيــهـــن شــلــبــديـــه تـــاكـــل الــطــلــيــان حـــيــــه=والــــــردي مـــاهــــي رديــــــه مـــيــــر مــــاجــــا تــبــلـــعـــه رجــلــهــا لــــو جــــاب واجــــد عــنــدهــا مـــاهـــوب يـــاجـــد=أن سـكـت فـي الـفـقـر سـاجـد وأن تـــكـــلــــم تـــســـبـــعـــه ثـــم فـيــهــن مـــن تــحــوفــك كــنــهـــا تـــفـــرح بــشــوفـــك=وأن تــبــيــن عــــرق جـــوفـــك بـــيـــن إيــديــهـــا تــمــصــعــه تـنــصــحــك وهــــي الـــعـــدوه وأنــــت تـحـســبــهــا حــمـــوه=لاتــــظــــن أبــــهــــا مـــــــروه حـــبــــل وصـلــك...تــقــطــعــه لاتـــــقـــــول أن الــــعــــجــــوز عـــــن طـبــايــعــهــا تـــجــــوز=عـــنـــد طــاريـــهـــن تـــفــــوز تـــضـــحـــك أم الـــدعـــدعــــه ثـــم فـيــهــن مـــن تــحــلــوى شـــرهـــا يـــبــــلاك بـــلــــوى=لـــيـــن بــلــحــجـــة تــعـــلـــوا فـــــي ثـــيـــاب مــطــوعـــه.)) ولـــــو تــعــطــيــهــا ســــــدك وأنــــت كـــتـــم الـــســـد ودك=تــصــبــح الــهــرجــه بــضـــدك فــــالــــنــــداه أمـــصـــلـــعــــه ثـــم فــيــهــن مــــن تــحــبــك وأقــشــر مــاتــشــوف جــبـــك=وألـحـمــتــهــا لـــــو تــســبـــك فـــــي جـــســـدك أمــربــعـــه أن تــكــلــمـــت أفــضــحـــتـــك وأن تــغــاظــيــت.؟أجــرمــتـــك=ون تـــســـاكـــت نــتـــفـــتـــك نـــتـــف ريــــــش الــقــوبــعـــه بـــــع أقــاصــيــهـــا بـــدانــــي زدتـــهـــا والــعــمـــر فـــانــــي=لاتـــحــــط أبـــهــــا مــثـــانـــي ســـــو بـــيــــع أمــقــلــفــعــه ثـــــم فــيــهـــن غــشــمــريــه صـــايــــبــــه ومـــجـــادعـــيـــه=عــنـــد ضــحــكــات الــثــنــيــه مـــــن يــجــيــهـــا تــلــقــعـــه الـســفــيــه إلـــيـــا نــظــرهـــا دايـــمـــن يــلــهـــث بــثــرهـــا=وأن بـــغـــاهــــا مـــاقـــدرهــــا بـــــس يــلـــهـــث مــدلـــعـــه مـايـطــيــع أهـــل الـنـصـيــحــه لــو لـبــس ثـــوب الـفـضـيــحــه=ولا أعــظـــاه أبـمـســتــريــحــه والــــعــــيـــــون مــــولــــعـــــه والــذهــيــن إلـــيـــا عــرفــهـــا كـــف روجــــه مــــن ظــرفــهــا=جــــــاز مـــنــــه مــاخــرفــهـــا لــــــو تـــكــــون أمــهــيــنــعــه |
|||
|
|
|
20-12-2013, 09:50 PM
|
رقم المشاركة : 25 | |||
|
مع
احذر يغرّك بعض الأزوال بالسوق=يلبس عباة ويخفي الوجه بحجـاب مع يغريك لا هارجك في حسن منطوق=وكفوف تلمع كلها نقش وخضـاب والبودرة منهاوضع نصف طابـوق=وكْريم مع حمرة على زين الأطياب يمشي يهز الردف والراس مفهوق=مثل الحمامة والحقيقة هو غـراب صحيح ما قالوا هل العرف والذوق=بعض البشر يلمع وهو نور كـذاب نمر بن صنت الحافي
خطو الولد سود ثيابه من العيب=مافيه من درب الرجاجيل خصله مشتاله المدحور بالكبر والريب=قام يتزين له بليس ورقصــــــله ترى كثير النبح مايحرم الذيب=يملا بطانه والكلاب تحرصــــله وظل العدو لو تضربه بالمشاعيب=يضحك ومشعابك ثلاثين وصله لي صار ضدك يحتمل للمواجيب=عطه الوقار ولاتنشد عن أصله لاتستمع للي علومه رباريب=ليا جا لزومه كنه الفاس نصله مع عبدالله السلوم
كم واحد نفسه دنيه ومسكين=وهو يغرك باحسن اللبس والزي يحسب سواليف الرجال سباحين=يرجي ثمر زرع قطع دونه الري اوصيك ياسامع كلام الموصين=لا استعصت العله ترى طبها الكي وان صادفك في وقتك الموقف الشين=فاصبر ترى درب الصبر يورد المي والحق مايفرض بوضع القوانين=الا بدين يفرق الحسن والسي ولايروي الضامي كلام متمنين=ولاصار ماشرع بكفه على الطي وان بار بك صاحب وهو يقدر الزين=فاطو الرجا واختر لشمسه على الفي تبقى عزيز النفس لو عشت بالطين=ولامنةٍ توصل قراره جبل طي
اذكر من الماضي نوادر علومه = واشوف بالحاضر تغير سجاياه الوقت نفس الوقت ليله ويومه = هو ماتغير في صروفه ومسعاه اللي تغير فيه واخلف سلومه = ناس تعايش فيه حلوه وبلواه واكثرهم اللي مايميز يمومه = تاه الدليل وضاع مع ضيعة ارياه والناس تسعى والنفوس محكومه = وللعقل سلطان على الشخص يقداه يامن نشدني عن جواب يرومه = خفف على قلبك هموم تحداه ساير زمانك لاتساير خصومه = ماحيلة العاجر سوى لوم دنياه مع متعب التركي
الموت هين البلا وش ورا الموت=عند الحساب يهون سهم المنايا
باكر نموت وتصبح قبورنا بيوت=وعقب القصور بضيقات الزوايا في جوف الارض وكل من حولك سكوت=وتعاقبن بالقبر عوج الحنايا |
|||
|
|
|
20-12-2013, 10:39 PM
|
رقم المشاركة : 26 | |||
|
مع
لقيت النـاس مامنهـم سلامـه=لـزومٍ يلحقـك منهـم ملامـه ولاتحسب حلالـك ؛ لوتبيـده=يبي يحماك من هرج الفدامـه ألا ياليت ربـي يـوم سـوى=عبيده حـط للطيِّـب علامـه على شان الذي بالناس جاهـل=يعرف الحر من برق الجهامـه لجل بالناس شيطـانٍ ملبَّـس=ولو يلوي على راسه عمامـه مثل هذا: تحـذر منـه جـدا=ولا تدني منامك مـن منامـه وبعض الناس في ممشاه رافض=يختل الناس في قـل اهتمامـه يحنـي لحيتـه كنـه مطـوع=ولايفرق حلاله مـن حرامـه حذارك لاتحطـه لـه ظنينـه=ترى ذاك الطمع منه السلامـه وبعض الناس يبدي لك نصيحه=ولكـن ماتعرفـه وش مرامـه وهو ما مقصده نصحٍ ؛ ولكـن=يبي يلبسك للحاجـة خطامـه وإلى منه قضى بـك مايريـده=أخذ سدك وضربـك المهامـه وبعض الناس يوريك المحبـه=وارق من البريسم في تمامـه إلـى قـام يتمسكـن بالتلفـظ=تقول أطهر وأصح من الحمامه وهو بولة حمارٍ -عـزك الله-=ينجس من مشى حوله رشامـه وبعض الناس محمود السجايـا=رقى العليا بعزمـه والتزامـه إلى منه بـدى لـك فيـه لازم=قضى لازمك ماثمـن حطامـه كما إنه وافيٍ في كـل خصلـه=عريب الجد خيلانـه عمامـه أسـال الله يرفـع كـل خيِّـر=عن الخذلان لايهفـي مقامـه قضا نحبي ومالاق بضميـري=حلات القيـل مبداتـه ختامـه أقول الناس مشكاهم علـى الله=لـزومٍ يلحقـك منهـم ملامـه مع فهد بورسلي
حياة المذلـة تـرث الهـم والعنـا=وأنا ما تبيـن لي دجاهـا ونورهـا أرى الناس ناسي بالمجالس وبالرخا=ولاني بعارف خيرها من شرورهـا على الوجه مرأةٍ ومقـراضٍ بالقفـا=خساير رداها ما تسـاوي سرورهـا أنا في زماني شـاربٍ كاس ضيمـه=وأصاحيب وقتي خادعتني سبورهـا يخونـون من لا خان غرّة صحيبـة=عسا الله يجمع كيـدها في نحورهـا أرى الكذب فرضٍ والنميمات سنـه=وعلى الظلم شيبـانٍ تدنّس بزروهـا وإن طـاح ليـثٍ نـادرٍ للجماعـة=قامت على راسه تهـاوى طيورهـا الأيام جـارت وأبلشـت كل خيّـر=الله يعـدينـا مصيبـات جـورهـا مع عمير بن راشد بن عفيشه
ما النـاس الا مـن بنـوك ومعـادن=وماطاب من بنـك المعـادن طـاب عمى الراي مايجري له الطب والـدوا=عمى الراي مـادام الغـراب غـراب ولا ينفع المضيوم كـون بـن عمـه=ايلا عض به من غيـر نابـه نـاب
ولكـن اوصيـك وافـهـم وصيـتـي=ترى الصبر ماعوّد به الخيـر ختمانـه اوصّيك ابو وجهيـن خـذ منّـه الحـذر=ولا تامنه لو يبـدي النصـح باسنانـه ولا تامن اللـي يعتـدي فـي تغافلـك=الى شفت به ماشفت يرضيـك باديانـه ولا تحسب ان دينه علـى البـر والنقـا=والـى زان تـوّك لايغـرك تشبهـانـه ولا تحسـب المبغـض بيصفـي بنيتـه=ولو قال انا لك صافي الغش ّ باضغانـه ولا تستمع في صاحبـك قيـل مبغضـه=الى دكّ في عرضـه بـزوره وبهتانـه ولا تكمه المقبل الى جاك فـي الرضـا=ترى الله بـلا تشبيـه يجـزي بغفرانـه ولاترتضـي للحـر بالهضـم تضهـده=يـدور البدايـل فيـك لاصـف جنحانـه ولاتقطع العـود الـذي عـاش بالثـرى=الى من مكن في الارض وامتدت اغصلنه
دنيـاً تقلـب كنهـا ريـش طـاووس=تمسي وتصبـح بيـن كـره ٍ واناسـه وحنا نعرف ان ضـد الاقبـال بتعـوس=واطيب لنا يـا ابنـي فهـد الجلاسـه مع سليمان الهويدي
والقناعة كنز وافرللـرجال =ومن يطالع رزق غيره مااستراح اطـرد الأوهـام عـنـك والكـسـل = واعـرف الدنيـا مـن أولهـا كفـاح لا تقول بالأمس يضـرب بـي مثـل= انت ابـن اليـوم واللـي أمـس راح لا تخطـي حرمـة النـاس وتزل= وكن على حقـك أحـد مـن السلاح والمقـل يـذل لــو إنــه بـطـل=مايطيـر الطيـر إلا فــي جـنـاح والدراهـم غطـت عيـوب الخـبـل= ارتفـع صيتـه وهـو مابـه صـلاح زلتـه لـو انـهـا كـبـر الجـبـل =اشطبوهـا عنـه فـي كـل ارتيـاح والرجال اللـي لهـم طيـب وفضـل = ذكرهـم مـن مجتمعنـا الـيـوم زاح ول يـا وقـت التعـاسـه والـدجـل = مايعيـش اللـي يتعامـل بالنـصـاح جـاز لـلـي لا حـيـا ولا خـجـل= كـل شـي يستـوي عنـده مـبـاح والتكبـر والغـرور مــن الجـهـل= وغيبة الغافل هـي المـوت الذحـاح لا تعـرض نفسـك لـدرب الـوحـل =وكن حذر واحرص على الدرب السماح واجتمـع بأهـل التراحـم والوصـل=حيـث رفقتهـم تزيـدك بانـشـراح مع شبيب بن جعيلان الدقباسي
ومن قام فالماجوب من غير تقصير=لاينثني يـوم الطويلـه صعدهـا وان حالت الاسباب هي والمقادير=محدن يتـل اللـي يبيهـا بيدهـا والعاقل اللي ياخذ الشور ويشيـر=خـلا سبيـل المقفيـه ماطردهـا كلـن يبـي والله عليـه التدابيـر=سبحان ربٍ كـل خلقـه رصدهـا ومن عاش بالدنيا يعرف المعابيـر=ويجهل بها كان العرب مانشدهـا تقبـل لياليهـا ونوبـن مدابـيـر=ومن خالف الايـام نفسـه قردهـا دنياه مادامـت لناسـن مشاهيـر=كلن يمـوت وغايتـه ماوجدهـا
ولاتوخذ الطوله من النـاس قـوّه =والبيت مايبنا علـى غيـر ساسـي
لاخان ساس البيت يطـرح علـوّه= والريح ماهـز الجبـال الرواسـي والناس فيهـم مـن شجـاعٍ ولـوّه =ومن يكسب الطولات مافيه باسـي وإلا مـرد النـاس لأدم وحــوّه= مافيه فـرقٍ بيـن كـل الجناسـي |
|||
|
|
|
24-12-2013, 11:43 PM
|
رقم المشاركة : 27 | |||
|
للحديث بقية ...... |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الشعر النبطي | ثار التميميه | اكاديمية الشعر النبطي | 15 | 16-12-2010 06:50 AM |
| أغراض الشعر وأسلوبه ومعانيه | مازن حجازي | مرآة الأدب العربي | 15 | 16-12-2010 06:50 AM |
| الخلاوي | سالم العبيدي | رواد الشعر النبطي | 25 | 01-12-2010 07:48 AM |
رد: أبيات خالده من الشعر النبطي
