شرع غاب

[احمد الجريفاني]

اليوم مفهوم الخطأ يشبه لمفهوم الصواب

سلم القلب

[صعبة المنال]

صح لسانك

صعوووب

[فهد المري]

قصيدة رائعة

وابيات جميلة

اعجبني قولك

اليـوم مفـهـوم الخـطـا .. يشـبـه لمفـهـوم الـصـواب

والنفس صعب تميّزْ اعداهـا .. عـن اوفـى اصحابهـا

مع الشكر

[الطامي]

بن رده
والله انك صادق
الله يحفظنا ويحفظ المسلمين عامة
صح السانك ملايين
جزلة وطيبه
لاهنت

[وليد أحمد]

هكذا هم الكبار دوما
تقبل المرور

[هاجس نجد]

المشاركة الأصلية كتبت بواسطة احمد رده الحارثي

.

.

.

.

الاخوه والاخوات في منتديات االفطاحله

اليكم هذا النص المتواضع

اتمنى ان يرضي جزءاً من ذائقتكم

اشوف هذا الوقت في تاليه ينذر بانقلاب=في الدين .. والعادات .. واخلاق البشر .. وآدابها
اشوف شيْ يشبع شراييني شكوكاً وارتياب=الفتنهْ اللي ضاربهْ بين البشر باطنابها
اليوم مفهوم الخطا .. يشبه لمفهوم الصواب=والنفس صعب تميّزْ اعداها .. عن اوفى اصحابها
صرنا بوقتاً يحكمه قوهْ ..وبطشْ .. وشرعْ غاب=والغابه تْخوفك ظلمتها .. وكثر ذيابها
نظما .. ولا نتعب لطرد الما .. ولو يطلع سراب=والشخص لو حاول ورا اهدافه .. وصمم ..جابها
نقدر نحصل ما نبيه .. بشرط نقدم ما نهاب=واللي يروم اعلى الرتب . . لا بد يطرق بابها
لازم تكون من الذياب .. ان عشت ما بين الذياب=اللي ليا شافت فريستها .. يسيل لعابها
والجادل اللي كان في الماضي لها جانب مهاب=الله يرجعها لاهلْها لا يطول غيابها
اللي من اول دونها حد الخناجر .. والحراب=ثيابها العفه .. وعزة نفسها بثيابها
الله واكبر طاحت .. ولا طاحت الا في شباب=ما يعرفون من الشريعه غير شكل كتابها
اوحوا لها بالحب .. وان القلب فيها شوق ذاب=والصدق تصرعك بحلاوتها .. وسود اهدابها
من زينها .. لو تشرب الما .. من هنا شفت الشراب=من شافها .. ما تنفتح نفسه للاكل ..الا بها
قامت تبختر بالكحل .. واللبس .. وانواع الخضاب=تحسب شرفها في غلا ملبوسها وخضابها
عاتبتها ترجع لحشمتها .. ولا فاد العتاب=واشوفها تزعل .. وكني مستثير اعصابها
واشرح لها بان الهوى والحب .. له عشرين باب=والنفس قبل الاخرة .. لازم تحَسْب حْسابها
الحب حب الوالدين .. وحب ربك .. والحجاب=والحب حب الدين .. وارض المملكة .. وترابها
طاحت .. ويا ما اكبر مصيبتها . . ويا هول المصاب=طاحت مع اعدا . . يلبسون لـْها ثياب احبابها
كلا على دينه .. يروح يسومها سو العذاب=والمشكله هي راضيه . . مدري وش اللي صابها
سوو بها كل السوايا . . واخر الامر اغتصاب=اكبر مصيبه . . والمصيبه كانت مْن اسبابها
واليوم حالتها بحور اهموم . . وانهار اكتآب=جروحها ترقد بها . . وهمومها تصحا بها
لو صانت ايام العفاف .. وراسها فوق السحاب=ما كان هذي منزلتها اليوم بين اترابها
يمكن اذا عادت الى سنة محمد .. والكتاب=ترد كيد الخاين . . ولا تطمع الاعدا بها
وارجع واقول . . الوقت بالتاكيد صار بْه انقلاب=في الدين . . والعادات . . واخلاق العرب . . وادابها

اخوكم / ابو فارس

أخوي العزيز الشاعر // أحمد رده الحارثي

صح لسانك وعلا شأنك

قصيدة من أولها لآخرها ممتازة

عزالله انك جبت الواقع والصحيح

الله يزيدنا وإياك نوراً وإيماناً وأن يهدينا لطاعة الرحمن

بيض الله وجهك ورفع مقدارك

أشهد إنك شاعر كبير وكبير جداً

لك تحياتي وتقديري

أخـــــــــــوك

هاجس }{ نجـــــد

[حي الضمير]

قصيده رائعه
وتستحق العوده مجددآ
ومليااااااار صح لسااااااانك

[سليل المجد]

صح لسانك وفكرك
ودام ابداعك
تحيتي ومودتي

[همس الورد]

صح لسانك مليون

و صح بدنك

تستحق العودة

[داعي الشوق]

صح لسانك يالشاعر

قصيدة جميلة

تستحق ان نعود لها

لجمالها

صح لسانك مع التحية لك

،،،،،،،،،،،،