حرب المحاوره بين شعراء الفطاحلة

[نجم الإبداع]

المشاركة الأصلية كتبت بواسطة ابو زياد

توقع لاتفقع وانتبه يامدور الفزعات يالمغبون=معك سنعوس او رادر او منشار والشله
ب لاعبكم وبا شعلكم وانا في كفي الغليون=وابضحك لين شفتك تجمع المقسوم والغله

سلام الله عليكم عد مابالارض هل مزون = ونار الملعبه شبت واشوف علوم مختله
انا غايب وقلبي بينكم عايش وانا ممنون = واشوف احلاف قامت واختلف مسبار ابو طله

[سناعيس]

المشاركة الأصلية كتبت بواسطة ابو طله

اشوفك حكت ظفورك تبينها على الكرتون=يجيك الصعب وافطن له واذا ما تقدره خله
ترى الغزلان ميزتها الا ذكرت بكبر عيون=ولو بخيت في وجهه شرد وانحاش من ظله

ترى ذبحك علي أسهل من المويه وسط جالون= تعوذ بابني آدم من ابليسك عناد له
ترى ربي جعل آيه تسمى في مصر فرعون=طغى وأطغى ومثل به سبحانه ومثلله

[سناعيس]

اسعدتنا عودتك
أخوي فلاح ومن طول الغيبات جاب الغنايم

[نجم الإبداع]

الله يسلمك
اخوي
سناعيس
لاعدمتك

انا مسباري يرشدني ولا يحتاج فتح عيون=واعرف ان كان هو صايب واعرف ان كان به عله
واعرف ان البحر ازرق ولو ماجاه قطرة لون=وعرفت الذيب واخترته يعرف اللغز ويحله

توقع يا ولد حايل تراك من الشقا مصيون=تغط يديك في المرهم وتنام الليل في فله
ترى بدعيك في حال مثل حال الغبي شارون=طريح في فراشه كنه يقلب على مله

[سناعيس]

دعاة العجز ماتقبل الى صارت سحر ومجون=أو اللي تدعي الدين وهي نصابه وخبله
حشاك من المثل هذا يابو طله أياشيطون=ولكنك تنرفزني تبيني أنفعل بتله

[نجم الإبداع]

اشوف النار شبت صار قاف الشعر معه سنون = وانا ليلي تحداني وسيفه للسهر سله
وجيت اشارك السمار وامضي حيث مايبغون = على نظم القوافي تسري الافكار منسله

[الطائر المهاجر]

ابو طله غدا محامي اظنه دفع له عربون = ولاندري من اللي بالع لسانه ووكل له
بدا يلفط مثل ضبٍ الى من طبخ في ماعون = فلا تقرب من سنونه يعظك وانت تامن له

اظنه دون نفسه له قصيد مثل ابن لعبون=ولوه ناوي الرد بيوت الشعر تسهل له
بدا بالحرب واشعلها وانا ما اظنكم تنسون=بدا بالفر ثم لا بدا بالكر فافسح له